Deuteronomio 26:2 - Li Santil hu

² te̱sicꞌ li xbe̱n ru le̱ racui̱mk li x-el saꞌ li chꞌochꞌ li xqꞌue e̱re li Ka̱cuaꞌ le̱ Dios. Te̱qꞌue li ru le̱ racui̱mk saꞌ jun li chacach ut te̱cꞌam saꞌ li naꞌajej li tixsicꞌ ru li Ka̱cuaꞌ re te̱lokꞌoni cuiꞌ.

Q'eqchi Bible

² taaxok li xb'een ru chixjunil li awimq na'elk chiru li ch'och', taak'e sa' junaq chakach ut taak'am sa' li na'ajej sik'b'il ru xb'aan li Qaawa' laaYos cho'q xmuheb'aal li xk'ab'a'.

Deuteronomio 26:2 ပူးပေါင်းရင်းမြစ်များ

Éxodo 23:19

Te̱sicꞌ li xbe̱n ru le̱ racui̱mk li kꞌaxal cha̱bil. Aꞌan li te̱cꞌam saꞌ lin templo la̱in li Ka̱cuaꞌ le̱ Dios. Ut incꞌaꞌ te̱chik xtibel li chꞌina chiba̱t saꞌ xyaꞌal lix tuꞌ lix naꞌ.

Éxodo 23:16

Li xcab li ninkꞌe li te̱ba̱nu, aꞌan nak te̱sicꞌ li xbe̱n ru le̱ racui̱mk li nequerau saꞌ le̱ chꞌochꞌ. Ut li rox li ninkꞌe li te̱ba̱nu, aꞌan saꞌ rosoꞌjic li chihab nak te̱xoc chixjunil li ru le̱ racui̱mk li na-el saꞌ le̱ chꞌochꞌ.

Ezequiel 44:30

Reheb laj tij li xbe̱n ru li acui̱mk ut reheb ajcuiꞌ li kꞌaxal cha̱bil li ta̱mayeja̱k chicuu. Nak eb li tenamit teꞌxyi̱b li kꞌem li yi̱banbil riqꞌuin li xbe̱n ru li trigo, teꞌxqꞌue reheb li xbe̱n li ta̱e̱lk. Ut la̱in tincuosobtesiheb li nequeꞌxqꞌue lix mayejeb.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

1 Corintios 16:2

Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

Romanos 11:16

Cui kꞌaxtesinbil saꞌ rukꞌ li Dios li xbe̱n caxlan cua na-el, kꞌaxtesinbil ajcuiꞌ lix comon. Ut cui kꞌaxtesinbil saꞌ rukꞌ li Dios lix xeꞌ li cheꞌ, kꞌaxtesinbil ajcuiꞌ chixjunil li rukꞌ. Aꞌin naraj naxye: Xban nak li Dios quixsicꞌ ru laj Abraham, joꞌcan nak sicꞌbil ajcuiꞌ ruheb li ralal xcꞌajol.

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

Ezequiel 48:14

Li chꞌochꞌ aꞌin incꞌaꞌ naru xcꞌayinquil, chi moco naru xjalbal ru, chi moco naru xqꞌuebal re jalan xban nak li naꞌajej aꞌin ac kꞌaxtesinbil re li nimajcual Dios.

Ezequiel 20:40

Abanan mokon che̱junilex la̱ex aj Israel tine̱lokꞌoni saꞌ lin santil naꞌajej saꞌ li tzu̱l Sión li cuan aran Israel. Ta̱sahokꞌ inchꞌo̱l e̱riqꞌuin xban nak che̱junilex texcꞌanjelak chicuu. La̱in tinye e̱re nak te̱cꞌam le̱ mayej chicuu ut la̱in tincꞌul. Te̱cꞌam chak cue li xbe̱n ru le̱ racui̱mk ut li cꞌaꞌru lokꞌ che̱ru.

Deuteronomio 16:10

Li ninkꞌe li te̱ba̱nu, aꞌan re xlokꞌoninquil li Ka̱cuaꞌ le̱ Dios. Ut li mayej li te̱qꞌue, aꞌan li joꞌ qꞌuial na-ala saꞌ e̱chꞌo̱l xqꞌuebal, aꞌ yal chanru le̱ rosobtesinquil xban li Ka̱cuaꞌ le̱ Dios.

Éxodo 34:26

Li xbe̱n ru le̱ racui̱mk te̱cꞌam saꞌ li naꞌajej li niquineꞌxlokꞌoni cuiꞌ. Me̱chik xtibel li chꞌina chiba̱t saꞌ xyaꞌal xtuꞌ lix naꞌ, chan li Dios.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Romanos 16:5

Cheqꞌue ajcuiꞌ xsahil xchꞌo̱leb li herma̱n li nequeꞌxchꞌutub rib saꞌ li rochoch laj Aquila ut lix Priscila. Cheqꞌue xsahil xchꞌo̱l laj Epeneto, li raro inban. Aꞌan li xbe̱n li quixpa̱b li Jesucristo aran Acaya.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Nehemías 13:31

Ut quinxakabeb ajcuiꞌ li ani teꞌcꞌamok chak li siꞌ saꞌ xkꞌehil. Ut quinye reheb li tenamit nak teꞌxkꞌaxtesi li xbe̱n ru li racui̱mkeb saꞌ xkꞌehil. —At inDios, chaqꞌue taxak retal chixjunil li us li xinba̱nu ut ta̱cuuxta̱na taxak cuu.—

Nehemías 12:44

Saꞌ eb li cutan aꞌan queꞌxakaba̱c laj ilol re li cab bar naxocman cuiꞌ chixjunil li mayej li naqꞌueman re li templo, joꞌ li tumin, joꞌ li xbe̱n ru li acui̱mk, joꞌ ajcuiꞌ li junju̱nk saꞌ xlaje̱tkil. Queꞌxcꞌul chixjunil li joꞌ qꞌuial queꞌxqꞌue saꞌ eb li cꞌaleba̱l joꞌ tzꞌi̱banbil saꞌ li chakꞌrab. Li joꞌ qꞌuial li queꞌxcꞌul quiqꞌueheꞌ reheb laj tij ut reheb laj levita. Eb li ralal xcꞌajol laj Judá saheb saꞌ xchꞌo̱l riqꞌuineb laj tij ut eb laj levita li cuanqueb saꞌ xcꞌanjel.

2 Crónicas 31:5

Nak queꞌrabi resil li esilal aꞌin, queꞌxqꞌue chi nabal li xbe̱n ru li racui̱mkeb laj Israel. Queꞌxqꞌue ajcuiꞌ li vino, li aceite, li xyaꞌal cab, ut li xbe̱n ru li racui̱mkeb. Ut queꞌxqꞌue ajcuiꞌ li junju̱nk saꞌ xlaje̱tkil re chixjunil li cꞌaꞌru cuan reheb.

2 Crónicas 6:6

Abanan anakcuan xinsicꞌ ru li tenamit Jerusalén re nak aran teꞌxyi̱b jun li templo re tineꞌxlokꞌoni cuiꞌ. Ut xinsicꞌ ru laj David re nak aꞌan ta̱takla̱nk saꞌ xbe̱neb lin tenamit Israel,” chan li Dios re lin yucuaꞌ.

2 Reyes 4:42

Saꞌ jun chic li cutan jun li cui̱nk quicuulac riqꞌuin laj Eliseo. Chalenak chak saꞌ li tenamit Baal-salisa. Quixcꞌam junmay li caxlan cua yi̱banbil riqꞌuin li xbe̱n ru li cebada ut quixcꞌam ajcuiꞌ li xbe̱n ru li trigo. Quixsi re laj Eliseo. Laj Eliseo quixye re lix mo̱s nak tixqꞌue reheb li tenamit re teꞌcuaꞌak.

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Deuteronomio 18:4

Te̱qꞌue reheb laj tij li xbe̱n ru le̱ racui̱mk, li acꞌ vino, li aceite, ut li rix li carner li tojeꞌ xbe̱n cua te̱bes.

Levítico 2:14

Nak te̱qꞌue li xbe̱n ru le̱ racui̱mk chokꞌ e̱mayej chiru li Ka̱cuaꞌ, te̱qꞌuili li ju̱nk chijil nak toj rax. Nak acak xeqꞌuili, te̱ten ut te̱qꞌue li ru chokꞌ e̱mayej.

Levítico 2:12

Ta̱ru̱k te̱qꞌue li caxlan cua cuan xchꞌamal ut li xyaꞌal cab chokꞌ e̱mayej re li xbe̱n ru le̱ racui̱mk. Abanan incꞌaꞌ ta̱cꞌatekꞌ saꞌ xbe̱n li artal.

Éxodo 22:29

Rajlal te̱mayeja cue li xbe̱n u le̱ racui̱mk joꞌ ajcuiꞌ li xyaꞌal li ru le̱ uvas. Ut te̱kꞌaxtesi ajcuiꞌ cue li xbe̱n le̱ ralal.

1 Corintios 15:23

Ut nak teꞌcuacli̱k cuiꞌchic chi yoꞌyo eb li camenak, moco jun cuaclijiqueb ta nak teꞌcuacli̱k chak. Li xbe̱n li quicuacli chak chi yoꞌyo, aꞌan li Jesucristo. Ut mokon nak tol-e̱lk cuiꞌchic li Jesucristo, teꞌcuacli̱k chak eb li queꞌpa̱ban re.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Deuteronomio 26:1

Nak ac tex-oc chi cua̱nc saꞌ li naꞌajej li tixqꞌue e̱re li Ka̱cuaꞌ le̱ Dios, re nak texcua̱nk aran,

Deuteronomio 26:3

Ut texxic riqꞌuineb laj tij li cua̱nkeb saꞌ li cutan aꞌan ut te̱ye reheb, “La̱in ninye anakcuan chiru li Ka̱cuaꞌ lin Dios nak xo-oc saꞌ li naꞌajej li quixye reheb li kaxeꞌto̱nil yucuaꞌ riqꞌuin juramento nak tixqꞌue ke.”