Deuteronomio 20:3 - Li Santil hu

³ Ut tixye reheb, “Abihomak la̱ex aj Israel. Anakcuan texxic chi pletic riqꞌuineb li xicꞌ nequeꞌiloc e̱re. Incꞌaꞌ ta̱chꞌina̱k e̱chꞌo̱l chi moco texxucuak. Incꞌaꞌ texcꞌoxlak chi moco ta̱sachk e̱chꞌo̱l xbaneb li xicꞌ nequeꞌiloc e̱re.

Q'eqchi Bible

³ ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

Deuteronomio 20:3 ပူးပေါင်းရင်းမြစ်များ

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

Salmos 3:6

Usta sutsu̱quin xbaneb li qꞌuila tenamit, li xicꞌ nequeꞌiloc cue, incꞌaꞌ ninxucuac xbaneb.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Josué 23:10

Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

1 Timoteo 6:12

Yal a̱kꞌe chi qꞌui̱c saꞌ la̱ pa̱ba̱l ut qꞌue a̱chꞌo̱l chire̱chaninquil li junelic yuꞌam, li bokbilat cuiꞌ xban li Dios. La̱at xaye ut xacꞌutbesi chi tzꞌakal la̱ pa̱ba̱l chiruheb nabal.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

San Mateo 10:31

Joꞌcan nak mexxucuac chiruheb li xicꞌ nequeꞌiloc e̱re xban nak la̱ex kꞌaxal terto e̱tzꞌak chiruheb nabal chi tzentzeyul.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

San Marcos 16:18

Cui teꞌxchap cꞌantiꞌ chi rukꞌeb, ma̱cꞌaꞌ teꞌxcꞌul ut cui teꞌrucꞌ li cꞌaꞌak re ru nacamsin, ma̱cꞌaꞌ teꞌxcꞌul. Cui teꞌxqꞌue li rukꞌ saꞌ xbe̱neb li yaj, teꞌqꞌuira̱k, chan li Jesús.

San Marcos 16:6

Ut li cui̱nk quixye reheb: —Mexxucuac. La̱in ninnau nak yo̱quex chixsicꞌbal li Jesús aj Nazaret li queꞌxcamsi chiru cruz. Aꞌan ma̱ ani chic arin. Ac xcuacli cuiꞌchic chi yoꞌyo. Ilomak lix naꞌaj li xcuan cuiꞌ li camenak.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

San Mateo 8:26

Ut li Jesús quichakꞌoc ut quixye: —La̱ex incꞌaꞌ nequexpa̱ban chi tzꞌakal. Joꞌcan nak nequexxucuac, chan reheb. Tojoꞌnak quicuacli, quixkꞌus li ikꞌ, ut li palau, ut saꞌ junpa̱t quichꞌana li ikꞌ ut quitukla ru li haꞌ.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Deuteronomio 20:1

Nak texxic chi pletic riqꞌuineb li xicꞌ nequeꞌiloc e̱re ut te̱ril nak kꞌaxal nabaleb lix soldado ut lix cacua̱y ut lix carruaje chiru le̱ re la̱ex, mexxucuac xbaneb. Li Ka̱cuaꞌ le̱ Dios li qui-isin chak e̱re aran Egipto, aꞌan cua̱nk e̱riqꞌuin ut ta̱tenkꞌa̱nk e̱re.

Deuteronomio 20:2

Nak oc e̱re chi pletic, laj tij ta̱cha̱lk chi a̱tinac riqꞌuineb le̱ soldado.

Li xHu LAJ JOB 23:16

Li Ka̱cuaꞌ xrocsi inxiu. Xiu xiu cuanquin xban li nimajcual Dios.

Isaías 7:4

Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Números 14:9

Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

Deuteronomio 1:21

Qꞌuehomak retal. Li Ka̱cuaꞌ le̱ Dios tixkꞌaxtesi e̱re li naꞌajej. Texxic ut te̱re̱chani li naꞌajej joꞌ quixye li Ka̱cuaꞌ, lix Dioseb li kaxeꞌto̱nil yucuaꞌ. Mexxucuac, chi moco ta̱chꞌina̱nk le̱ chꞌo̱l, chanquin e̱re.

1 Samuel 17:32

Laj David quixye re laj Saúl: —At rey, ma̱ ani taxak chichꞌina̱nk xchꞌo̱l xban laj filisteo. La̱in aj cꞌanjel cha̱cuu. La̱in tinxic chi pletic riqꞌuin, chan.

2 Crónicas 32:8

Yal cui̱nkeb li cuanqueb rochben aꞌan. Abanan li Ka̱cuaꞌ li kaDios cuan kiqꞌuin la̱o chikatenkꞌanquil. Aꞌan ta̱tenkꞌa̱nk ke chi pletic, chan. Ut eb li tenamit queꞌxcacuubresi xchꞌo̱leb riqꞌuin li cꞌaꞌru quixye laj Ezequías lix reyeb laj Judá.