Deuteronomio 2:9 - Li Santil hu

⁹ Ut li Ka̱cuaꞌ quixye cue, “Me̱chꞌiꞌchꞌiꞌiheb laj Moab li ralal xcꞌajol laj Lot. Me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue lix naꞌajeb chokꞌ e̱re la̱ex. La̱in ac quinqꞌue li naꞌajej Ar reheb”.

Q'eqchi Bible

⁹ Toja' naq li Qaawa' kixye we: «Maachiq' xjosq'il eb' laj Mohab, maayoob'eb' chi yalok, xb'aan naq maak'a' re li xtenamiteb' a'an tink'e aawe: eb' a'an ralal xk'ajoleb' laj Lot ut ak kink'e li na'ajej Ar reheb'».

Deuteronomio 2:9 ပူးပေါင်းရင်းမြစ်များ

Números 21:15

Quixcꞌut ajcuiꞌ chiku lix cuanquil nak yo̱co chi numecꞌ chire li nimaꞌ li naxic Ar li cuan saꞌ li nuba̱l re lix naꞌajeb laj Moab.

Números 21:28

Quiloch li xam aran Hesbón saꞌ lix tenamit li rey Sehón. Quicꞌateꞌ li naꞌajej Ar li cuan saꞌ xcue̱nt Moab. Queꞌsacheꞌ ruheb li cuanqueb saꞌ li ni̱nki tzu̱l li cuan cuiꞌ li nimaꞌ Arnón.

Salmos 83:8

ut eb li cuanqueb Asiria. Eb li ralal xcꞌajol laj Lot, aꞌaneb li yo̱queb chi cꞌamoc be.

Jueces 11:17

Ut eb laj Israel queꞌxtaklaheb lix takl riqꞌuin lix reyeb laj Edom. Queꞌxye re, “La̱o nakatzꞌa̱ma cha̱cuu nak ta̱canabeb laj Israel chi numecꞌ saꞌ la̱ naꞌaj.” Abanan lix reyeb laj Edom incꞌaꞌ quixcanabeb chi numecꞌ. Ut queꞌxtzꞌa̱ma ajcuiꞌ chiru lix reyeb laj Moab nak teꞌcanaba̱k chi numecꞌ saꞌ lix naꞌajeb. Chi moco lix reyeb laj Moab quixcanabeb chi numecꞌ saꞌ lix naꞌajeb. Joꞌcan nak eb laj Israel queꞌcana aran Cades.

Deuteronomio 2:29

Choa̱canab chi numecꞌ saꞌ le̱ naꞌaj toj retal tonumekꞌ jun pacꞌal li nimaꞌ Jordán saꞌ li naꞌajej li xqꞌue ke li Ka̱cuaꞌ li kaDios joꞌ nak xoeꞌxcanab chi numecꞌ saꞌ lix naꞌajeb li ralal xcꞌajol laj Esaú li cuanqueb Seir ut eb li ralal xcꞌajol laj Moab li cuanqueb Ar, chanquin re li rey.

Deuteronomio 2:5

Mex-oc chi pletic riqꞌuineb xban nak la̱in incꞌaꞌ tinqꞌue e̱re li naꞌajej li quinqꞌue reheb aꞌan. Chi moco caꞌchꞌin ajcuiꞌ li bar te̱xakab cuiꞌ le̱ rok tinqꞌue e̱re xban nak la̱in ac xinqꞌue re laj Esaú li naꞌajej Seir li tzu̱l ru.

Números 22:4

Eb laj Moab queꞌa̱tinac riqꞌuineb li nequeꞌcꞌamoc be saꞌ xya̱nkeb laj Madián ut queꞌxye reheb: —Eb li tenamit aꞌan teꞌnumta̱k saꞌ kabe̱n ut teꞌxsach ku chi junaj cua joꞌ nak li cuacax nequeꞌxcuaꞌ chixjunil li pachꞌayaꞌ, chanqueb.

2 Crónicas 20:10

Anakcuan yo̱queb chi cha̱lc chi pletic kiqꞌuin eb laj Amón, eb laj Moab, ut eb li cuanqueb saꞌ li tzu̱l Seir. Xeꞌchal saꞌ eb li naꞌajej li incꞌaꞌ cacuaj nak teꞌnumekꞌ eb laj Israel nak queꞌel chak Egipto. Joꞌcan nak eb laj Israel incꞌaꞌ queꞌxsach ruheb li tenamit aꞌan.

Jueces 11:18

Nak queꞌoc cuiꞌchic chi xic, eb laj Israel toj saꞌ li chaki chꞌochꞌ coxeꞌxqꞌue chak vue̱lt. Queꞌnumeꞌ chire lix naꞌajeb laj Edom ut eb laj Moab toj retal queꞌcuulac jun pacꞌal li nimaꞌ Arnón saꞌ xjayal lix naꞌajeb laj Moab, li cuan saꞌ li este. Ut aran queꞌxyi̱b lix muheba̱leb. Abanan incꞌaꞌ queꞌnumeꞌ jun pacꞌal li nimaꞌ Arnón xban nak aꞌan lix naꞌajeb laj Moab.

Jueces 11:15

—Eb laj Israel incꞌaꞌ queꞌxchap lix naꞌajeb laj Moab, chi moco queꞌxchap le̱ naꞌaj la̱ex aj Amón.

Isaías 15:1

Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.