Deuteronomio 2:8 - Li Santil hu

⁸ Joꞌcan nak co-el Seir, li naꞌajej li tzu̱l ru li cuanqueb cuiꞌ li ralal xcꞌajol laj Esaú li kechꞌalal. Kacanab li be re Arabá li naxic Elat ut Ezión-geber. Ut conumeꞌ cuiꞌchic saꞌ li be saꞌ li chaki chꞌochꞌ re Moab.

Q'eqchi Bible

⁸ “Moqon koonume'k sa' xyanqeb' li qas qiitz'in, li ralal xk'ajoleb' laj Esaú li wankeb' aran Seír, sa' xb'ehil Arabá, li naxik Elat ut Esión-Kéber; kiqajal xjayal li qab'e ut kiqachap xb'ehil li chaqich'och' re Mohab.

Deuteronomio 2:8 ပူးပေါင်းရင်းမြစ်များ

1 Reyes 9:26

Ut li rey Salomón quixyi̱b nabaleb li ni̱nki jucub saꞌ li tenamit Ezión-geber li cuan nachꞌ riqꞌuin li tenamit Elot chire li Caki Palau li cuan saꞌ xcue̱nt Edom.

2 Reyes 16:6

Saꞌ eb li cutan aꞌan laj Rezín lix reyeb laj Siria quire̱chani li tenamit Elat ut quicana cuiꞌchic saꞌ xcue̱nt Edom. Quirisiheb saꞌ li naꞌajej aꞌan chixjunileb laj Judá. Ut eb laj Edom queꞌco̱eb chi cua̱nc Elat. Toj chalen anakcuan cuanqueb aran.

Jueces 11:18

Nak queꞌoc cuiꞌchic chi xic, eb laj Israel toj saꞌ li chaki chꞌochꞌ coxeꞌxqꞌue chak vue̱lt. Queꞌnumeꞌ chire lix naꞌajeb laj Edom ut eb laj Moab toj retal queꞌcuulac jun pacꞌal li nimaꞌ Arnón saꞌ xjayal lix naꞌajeb laj Moab, li cuan saꞌ li este. Ut aran queꞌxyi̱b lix muheba̱leb. Abanan incꞌaꞌ queꞌnumeꞌ jun pacꞌal li nimaꞌ Arnón xban nak aꞌan lix naꞌajeb laj Moab.

2 Reyes 14:22

Laj Azarías, aꞌan li quixyi̱b cuiꞌchic li tenamit Elat ut quixkꞌaxtesi reheb laj Judá chirix lix camic lix yucuaꞌ.

Deuteronomio 1:1

Aꞌan aꞌin li a̱tin li quixye laj Moisés reheb chixjunileb laj Israel nak cuanqueb saꞌ li chaki chꞌochꞌ nachꞌ riqꞌuin li nimaꞌ Jordán saꞌ li este. Cuanqueb saꞌ li naꞌajej Arabá saꞌ xcaꞌyaba̱l li Caki Palau saꞌ xya̱nkeb li naꞌajej Parán, Tofel, Labán, Hazerot ut Dizahab.

Números 33:35

Nak queꞌel Abrona, queꞌco̱eb toj Ezión-geber ut aran queꞌxyi̱b lix muheba̱leb.

Génesis 25:23

Li Ka̱cuaꞌ Dios quixye re lix Rebeca: —Li cocꞌal li teꞌyoꞌla̱k, luteb. Li asbej ta̱cꞌanjelak chiru li i̱tzꞌinbej. Riqꞌuin li cuib li cocꞌal aꞌin teꞌcua̱nk cuib li ni̱nki tenamit. Jun li tenamit kꞌaxal nimak xcuanquil chiru li tenamit jun chic. Ut incꞌaꞌ teꞌxcꞌam rib saꞌ usilal, chan li Dios.

Números 21:4

Eb laj Israel queꞌel saꞌ li tzu̱l Hor ut queꞌco̱eb saꞌ xjayal li Caki Palau re nak teꞌnumekꞌ chire li naꞌajej Edom. Abanan incꞌaꞌ chic queꞌxcuy laj Israel nak yo̱queb chi xic.