Deuteronomio 2:34 - Li Santil hu

³⁴ Ut conumta saꞌ xbe̱neb chixjunileb lix tenamit ut kasach ruheb chixjunileb joꞌ cui̱nk, joꞌ ixk, joꞌ cocꞌal. Ma̱ jun chic queꞌcana.

Q'eqchi Bible

³⁴ Toja' naq kiqeechaniheb' chixjunil li xtenamit ut kiqaq'axtesiheb' chi oso'k: jo' winq, ixq ut kok'al, chi maajun kiqakanab' chi yo'yo.

Deuteronomio 2:34 ပူးပေါင်းရင်းမြစ်များ

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Deuteronomio 7:2

Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Deuteronomio 3:6

Kasach chixjunileb li tenamit joꞌ kaba̱nu re laj Sehón lix reyeb laj Hesbón. Ut kasach ruheb li cristian, joꞌ cui̱nk, joꞌ ixk, ut joꞌ cocꞌal.

Josué 11:14

Eb laj Israel quilajeꞌxcamsi chixjunileb li cuanqueb saꞌ eb li tenamit aꞌan. Ma̱ jun queꞌxcanab chi yoꞌyo. Ut quicana chokꞌ reheb lix queto̱mkeb ut chixjunil li cꞌaꞌru reheb.

Josué 7:11

Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

Deuteronomio 7:26

Me̱rocsi saꞌ le̱ rochoch li cꞌaꞌ re ru tzꞌekta̱nanbil xban li Dios. Me̱qꞌue e̱rib chi sachecꞌ xbaneb re nak incꞌaꞌ texsachekꞌ ajcuiꞌ la̱ex. Xicꞌ ban te̱ril chixjunileb. Tento nak teꞌsachekꞌ ru chi junaj cua xban nak ac kꞌaxtesinbil re sachecꞌ.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.

Josué 6:21

Queꞌxcamsi chi chꞌi̱chꞌ chixjunileb li cristian, joꞌ cui̱nk, joꞌ ixk, joꞌ ti̱x, joꞌ toj sa̱jeb. Ut queꞌxcamsi ajcuiꞌ chixjunileb li bo̱yx, li carner ut li bu̱r. Joꞌcaꞌin nak queꞌxsach ru chixjunil li cuan saꞌ li tenamit aꞌan.

Josué 10:28

Saꞌ eb li cutan aꞌan laj Josué ut eb lix soldado queꞌpletic riqꞌuineb li cuanqueb saꞌ li tenamit Maceda. Queꞌnumta saꞌ xbe̱neb ut queꞌxcamsiheb. Ma̱ jun chic queꞌcana chi yoꞌyo saꞌ li tenamit aꞌan. Joꞌ nak quixcamsi lix reyeb laj Jericó, joꞌcan cuiꞌchic quixba̱nu re lix reyeb laj Maceda.

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.