Deuteronomio 2:23 - Li Santil hu

²³ Ut eb laj Caftor queꞌxsach ruheb laj aveo li queꞌcuan saꞌ li naꞌajej nacuulac toj Gaza. Ut eb laj caftoreo queꞌcana chi cua̱nc saꞌ lix naꞌajeb.)

Q'eqchi Bible

²³ A'an ajwi' ke'xk'ul eb' laj Abí, li ke'wank sa'eb' li na'ajej re Gasa; a'atqeb' laj Kaftor li chalenaqeb' chaq Kaftor, ke'xsacheb' ru ut ke'kanaak sa' li xna'ajeb'.)

Deuteronomio 2:23 ပူးပေါင်းရင်းမြစ်များ

Josué 13:3

Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

Génesis 10:14

Ut laj Patrusim, laj Casluhim ut laj Caftorim ralaleb ajcuiꞌ laj Mizraim. Eb li ralal xcꞌajol laj Casluhim, aꞌaneb laj filisteo.

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Jeremías 47:4

Xcuulac xkꞌehil nak ta̱sachekꞌ ruheb laj filisteo. Teꞌsachekꞌ ruheb li teꞌraj xtenkꞌanquileb laj Tiro ut laj Sidón. Li Ka̱cuaꞌ oc re chixsachbal ruheb laj filisteo, li joꞌ qꞌuial incꞌaꞌ queꞌsacheꞌ ru aran Caftor chire li palau.

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Hechos 17:26

Riqꞌuin jun chi cui̱nk quixyoꞌobtesi chixjunileb li cristian li cuanqueb saꞌ ruchichꞌochꞌ. Ut aꞌan yal re joꞌ najtil teꞌcua̱nk li junju̱nk saꞌ ruchichꞌochꞌ. Ut aꞌan ajcuiꞌ quiqꞌuehoc re lix naꞌajeb li junju̱nk chi tenamit.

Zacarías 9:5

Nak teꞌril li cꞌaꞌru xcꞌul li tenamit Tiro, eb li cuanqueb saꞌ li tenamit Ascalón teꞌxucuak. Joꞌcan ajcuiꞌ li cuanqueb Gaza. Cꞌajoꞌ nak ta̱rahokꞌ xchꞌo̱leb. Joꞌcan ajcuiꞌ li cuanqueb Ecrón teꞌchꞌina̱nk xchꞌo̱leb riqꞌuin li cꞌaꞌru yo̱queb chixcꞌoxlanquil xba̱nunquil. Ut eb li cuanqueb Gaza teꞌcana̱k chi ma̱cꞌaꞌ chic xreyeb. Ut ma̱ jun chic cristian teꞌcana̱k aran Ascalón.

Sofonías 2:4

Li tenamit Gaza ta̱tzꞌekta̱na̱k ut li tenamit Ascalón ta̱sachekꞌ ruheb. Ut li tenamit Asdod, chi cutan ta̱makꞌekꞌ chiruheb chixjunil li cꞌaꞌru cuan reheb. Ut li tenamit Ecrón chanchan michꞌbil teꞌuxk reheb nak teꞌsachekꞌ ruheb.

1 Reyes 4:24

Laj Salomón quicuan xcuanquil saꞌ xbe̱n chixjunil li naꞌajej li cuan saꞌ li oeste. Naticla cuan cuiꞌ li nimaꞌ Éufrates. Naticla saꞌ li naꞌajej Tifsa ut nacuulac toj Gaza. Chixjunileb li rey li cuanqueb saꞌ eb li naꞌajej aꞌin cuanqueb rubel xcuanquil laj Salomón. Quicuan saꞌ usilal riqꞌuineb chixjunileb li cuanqueb chi xjun sutam.

1 Crónicas 1:12

eb laj Patrusim ut eb laj Casluhim. Laj Patrusim ut laj Casluhim, aꞌaneb lix xeꞌto̱nil yucuaꞌeb laj filisteo ut laj caftoreo.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Josué 10:41

Laj Josué ut eb lix soldados queꞌxcamsiheb chixjunileb ut queꞌre̱chani chixjunil li naꞌajej Cades-barnea toj saꞌ li naꞌajej Gaza. Ut queꞌre̱chani ajcuiꞌ li naꞌajej Gosén. Quicuulac toj saꞌ li tenamit Gabaón.

Josué 11:22

Ma̱ jun chic ralal xcꞌajol laj Anac quicana saꞌ lix naꞌajeb laj Israel. Abanan cuanqueb ajcuiꞌ li queꞌcana saꞌ eb li tenamit Gaza, Gat ut Asdod.

Josué 15:47

Li naꞌajej Asdod rochbeneb li tenamit ut eb li cocꞌ cꞌaleba̱l, li naꞌajej Gaza rochbeneb li tenamit ut eb li cocꞌ cꞌaleba̱l nacuulac cuan cuiꞌ li nimaꞌ re Egipto ut nacuulac cuan cuiꞌ li palau Mediterráneo.

Jueces 1:18

Eb li ralal xcꞌajol laj Judá queꞌre̱chaniheb li tenamit Gaza, Ascalón ut Ecrón rochbeneb li naꞌajej li cuanqueb chi xjun sutam.

2 Reyes 18:8

Ut quinumta saꞌ xbe̱neb laj filisteo ut quire̱chani chixjunil lix naꞌajeb. Quire̱chani li naꞌajej li naticla cuan cuiꞌ li tenamit Gaza ut nacuulac toj saꞌ lix nuba̱l li naꞌajej Judá li cuanqueb cuiꞌ li cab li queꞌxyi̱b re xcolbaleb rib joꞌ ajcuiꞌ li cab najt xteram li queꞌxcꞌacꞌale cuiꞌ lix tenamiteb.