Deuteronomio 2:22 - Li Santil hu

²² Joꞌcan ajcuiꞌ quixba̱nu li Ka̱cuaꞌ reheb li ralal xcꞌajol laj Esaú li cuanqueb saꞌ li naꞌajej Seir. Queꞌxsach ruheb laj horeo ut chalen toj anakcuan cuanqueb saꞌ lix naꞌajeb.

Q'eqchi Bible

²² Jo'kan ajwi' li Qaawa' kirusilaheb' ru li ralal xk'ajol laj Esaú li ke'wank Seír: ke'xsacheb' ru laj Jor, ke'risiheb' ut ke'kanaak sa' li xna'ajeb' chalen toj anaqwan.

Deuteronomio 2:22 ပူးပေါင်းရင်းမြစ်များ

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Deuteronomio 2:12

Najter eb laj horeo queꞌcuan saꞌ li naꞌajej Seir, abanan eb li ralal xcꞌajol laj Esaú queꞌrisiheb ut queꞌxsach ruheb ut queꞌcana chi cua̱nc saꞌ lix naꞌajeb. Queꞌxba̱nu joꞌ queꞌxba̱nu laj Israel nak queꞌoc saꞌ li naꞌajej li quixqꞌue li Dios reheb.)

Génesis 14:6

Ut queꞌnumta ajcuiꞌ saꞌ xbe̱neb laj horeo li cuanqueb saꞌ li tenamit Seir li tzu̱l ru. Ut queꞌcuulac saꞌ li tenamit Parán li cuan toj saꞌ xnuba̱l li chaki chꞌochꞌ.

Deuteronomio 2:5

Mex-oc chi pletic riqꞌuineb xban nak la̱in incꞌaꞌ tinqꞌue e̱re li naꞌajej li quinqꞌue reheb aꞌan. Chi moco caꞌchꞌin ajcuiꞌ li bar te̱xakab cuiꞌ le̱ rok tinqꞌue e̱re xban nak la̱in ac xinqꞌue re laj Esaú li naꞌajej Seir li tzu̱l ru.

Deuteronomio 2:21

Kꞌaxal nabaleb ut cauheb rib ut najt rokeb joꞌ eb li ralal xcꞌajol laj Anac. Li Ka̱cuaꞌ quixcanabeb laj Amón chixsachbal ruheb laj zomzomeo. Ut eb li ralal xcꞌajol laj Amón queꞌcana chi cua̱nc saꞌ lix naꞌajeb.