Deuteronomio 2:18 - Li Santil hu

¹⁸ “Anakcuan texnumekꞌ saꞌ li naꞌajej Ar, li cuanqueb cuiꞌ eb laj Moab.

Q'eqchi Bible

¹⁸ «Hoon tatnume'q sa' xnub'ajlil Mohab, sa' xb'ehil Ar,

Deuteronomio 2:18 ပူးပေါင်းရင်းမြစ်များ

Números 21:23

Abanan li rey Sehón incꞌaꞌ quixcanabeb laj Israel chi numecꞌ saꞌ lix naꞌaj. Quixchꞌutubeb ban chixjunileb lix soldado ut queꞌco̱eb chixcꞌulbaleb laj Israel saꞌ li chaki chꞌochꞌ. Nak queꞌcuulac Jahaza queꞌxtiquib pletic riqꞌuineb.

Isaías 15:1

Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.

Números 21:15

Quixcꞌut ajcuiꞌ chiku lix cuanquil nak yo̱co chi numecꞌ chire li nimaꞌ li naxic Ar li cuan saꞌ li nuba̱l re lix naꞌajeb laj Moab.

Deuteronomio 2:9

Ut li Ka̱cuaꞌ quixye cue, “Me̱chꞌiꞌchꞌiꞌiheb laj Moab li ralal xcꞌajol laj Lot. Me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue lix naꞌajeb chokꞌ e̱re la̱ex. La̱in ac quinqꞌue li naꞌajej Ar reheb”.

Deuteronomio 2:17

li Ka̱cuaꞌ quixye cue,

Jueces 11:18

Nak queꞌoc cuiꞌchic chi xic, eb laj Israel toj saꞌ li chaki chꞌochꞌ coxeꞌxqꞌue chak vue̱lt. Queꞌnumeꞌ chire lix naꞌajeb laj Edom ut eb laj Moab toj retal queꞌcuulac jun pacꞌal li nimaꞌ Arnón saꞌ xjayal lix naꞌajeb laj Moab, li cuan saꞌ li este. Ut aran queꞌxyi̱b lix muheba̱leb. Abanan incꞌaꞌ queꞌnumeꞌ jun pacꞌal li nimaꞌ Arnón xban nak aꞌan lix naꞌajeb laj Moab.

Números 21:13

Nak queꞌel saꞌ li ru takꞌa re Zered, queꞌco̱eb jun pacꞌal li nimaꞌ Arnón saꞌ li naꞌajej li cuan saꞌ li chaki chꞌochꞌ nachꞌ riqꞌuin lix naꞌajeb laj Moab. Li nimaꞌ Arnón, aꞌan li nuba̱l re lix naꞌajeb laj Moab ut eb laj amorreo.