Deuteronomio 2:14 - Li Santil hu

¹⁴ Cuakxaklaju xcaꞌcꞌa̱l (38) chihab kelic Cades-barnea toj chalen nak conumeꞌ jun pacꞌal li nimaꞌ Zered. Ac camenakeb chic chixjunileb li cui̱nk li nequeꞌxic chi pletic joꞌ quixye li Dios riqꞌuin juramento.

Q'eqchi Bible

¹⁴ “Chalen chaq Kadés-Barné toj re naq kooq'axonk junpak'al li nima' Séred, koob'eek waqxaqlaju xka'k'aal chihab', toj reetal ke'oso'k chixjunileb' li winq neke'yalok, jo' tz'aqal xyehom li Qaawa'.

Deuteronomio 2:14 ပူးပေါင်းရင်းမြစ်များ

Ezequiel 20:15

Joꞌcan nak la̱in quinba̱nu li juramento saꞌ li chaki chꞌochꞌ ut quinye nak incꞌaꞌ tebincanab chi oc saꞌ li naꞌajej li quinyechiꞌi reheb, li naꞌajej li kꞌaxal cha̱bil li na-el cuiꞌ chi us li sahil echej. Aꞌan li kꞌaxal chꞌinaꞌus chiru chixjunil li naꞌajej.

Salmos 95:11

La̱in quinjoskꞌoꞌ riqꞌuineb ut quinye reheb nak incꞌaꞌ ta̱ru̱k teꞌoc saꞌ li naꞌajej li quinqꞌue raj reheb re teꞌhila̱nk, chan li Dios.

Salmos 106:26

Joꞌcan nak li Dios quixye reheb nak tixcanabeb chi ca̱mc saꞌ li chaki chꞌochꞌ.

Deuteronomio 1:19

La̱o kaba̱nu joꞌ quixye ke li Ka̱cuaꞌ li kaDios. Co-el saꞌ li naꞌajej Horeb ut conumeꞌ saꞌ li nimla chaki chꞌochꞌ li xiu xiu cuiꞌ numecꞌ. Queqꞌue ajcuiꞌ retal la̱ex. Conumeꞌ saꞌ lix naꞌajeb laj amorreo, li tzu̱l ru ut cocuulac toj Cades-barnea.

Deuteronomio 1:2

Junlaju cutan chi be xnajtil li naꞌajej Horeb riqꞌuin li naꞌajej Cades-barnea nak nequeꞌxic saꞌ li be li nanumeꞌ saꞌ li tzu̱l Seir.

Números 13:26

Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

San Judas 1:5

Usta ac xchꞌolobaman che̱ru, nacuaj cuiꞌchic xjulticanquil e̱re chanru nak li Ka̱cuaꞌ Dios quirisiheb chak lix tenamit aj Israel saꞌ li naꞌajej Egipto. Ut mokon chic quixsacheb li incꞌaꞌ queꞌpa̱ban chiru saꞌ xya̱nkeb laj Israel.

1 Corintios 10:5

Abanan moco chixjunileb ta queꞌxba̱nu joꞌ naraj li Dios. Lix qꞌuialeb queꞌxkꞌet ra̱tin li Dios ut xban nak incꞌaꞌ queꞌxba̱nu joꞌ naraj li Dios, joꞌcan nak queꞌcam saꞌ li chaki chꞌochꞌ ut incꞌaꞌ queꞌoc saꞌ li tenamit Canaán.

Salmos 90:9

Relic chi ya̱l la̱at ta̱sach ru li kayuꞌam xban a̱joskꞌil. Chanchan jun li cꞌaꞌux yal nanumeꞌ nak yo̱co chi osocꞌ.

Salmos 90:3

Nak nequeꞌcam li cristian, nequeꞌsukꞌi chꞌochꞌ xban nak la̱at caye: Chꞌochꞌ oquenakex ut chꞌochꞌ texsukꞌi cuiꞌ.

Deuteronomio 1:46

Joꞌcan nak najt quexcana Cades.

Números 32:11

“Eb li cui̱nk li queꞌel chak Egipto li cuan junmay chihab reheb, joꞌ eb ajcuiꞌ li ac numenakeb junmay chihab, incꞌaꞌ teꞌoc saꞌ li cha̱bil naꞌajej li quinyechiꞌi riqꞌuin juramento reheb laj Abraham, laj Isaac, ut laj Jacob xban nak incꞌaꞌ queꞌxpa̱b chi anchal xchꞌo̱leb li cꞌaꞌru quinye reheb.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Deuteronomio 2:13

Ut li Ka̱cuaꞌ quixye, “Ut anakcuan ayukex jun pacꞌal li nimaꞌ Zered” chan. Ut joꞌcan kaba̱nu.

Deuteronomio 2:16

Nak ac camenakeb chic chixjunileb li cui̱nk li nequeꞌxic chi pletic,

Josué 5:4

Laj Josué quixba̱nu chi joꞌcaꞌin xban nak ac camenakeb chic chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam nak yo̱queb chi numecꞌ saꞌ li chaki chꞌochꞌ.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Josué 24:7

Ut eb le̱ xeꞌto̱nil yucuaꞌ queꞌxjap re chixtzꞌa̱manquil xtenkꞌanquil chicuu. Ut quinqꞌue li kꞌojyi̱n saꞌ xyiheb aꞌan ut eb laj Egipto. Ut la̱in quintakla li haꞌ re nak tixjunaji rib saꞌ xbe̱neb laj Egipto ut queꞌosoꞌ. La̱ex nequenau cꞌaꞌru quinba̱nu. Ut najt quexcuan saꞌ li chaki chꞌochꞌ.

Salmos 90:15

Ta̱qꞌue ta nabalak chihab li sahil chꞌo̱lej ke joꞌ nak xoa̱qꞌue chi cꞌuluc raylal nabal chihab.

Números 1:1

Li Ka̱cuaꞌ quia̱tinac riqꞌuin laj Moisés saꞌ li xbe̱n cutan re li xcab po nak ac yo̱ chic xcab chihab reliqueb chak laj Israel aran Egipto. Quia̱tinac riqꞌuin saꞌ li tabernáculo nak cuanqueb saꞌ li chaki chꞌochꞌ aran Sinaí. Quixye re: