Deuteronomio 2:11 - Li Santil hu

¹¹ Naꞌno̱queb ru nak ni̱nki cui̱nkeb joꞌ xni̱nkaleb li ralal xcꞌajol laj Anac. Eb laj Moab nequeꞌxye “Emitas” reheb.

Q'eqchi Bible

¹¹ Eb' a'an ut eb' laj Anak sa' xch'ooleb' li tenamit naq aj Refaiheb', ab'anan eb' laj Mohab, aj Emiit neke'xye reheb'.

Deuteronomio 2:11 ပူးပေါင်းရင်းမြစ်များ

Deuteronomio 9:2

Ut ni̱nkeb ajcuiꞌ li cristian ut kꞌaxal cauheb rib. Ac e̱rabiom resil nak ma̱ ani naru naxcol rib chiruheb li ralal xcꞌajol laj Anac, li nimla cui̱nk.

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

Números 13:33

Ut queꞌkil ajcuiꞌ chak li ni̱nki cui̱nk li ralal xcꞌajol laj Anac. La̱o chanchano laj sa̱cꞌ nak nocoeꞌril eb aꞌan xban nak kꞌaxal cocꞌo chiruheb, chanqueb.

Números 13:28

Abanan eb li cristian li cuanqueb aran kꞌaxal cauheb rib. Ut li tenamit ni̱nkeb ut yi̱banbil chi cha̱bil ut sutsu riqꞌuin tzꞌac. Ut moco caꞌaj cuiꞌ ta aꞌin. Xkil ajcuiꞌ chak ruheb li ralal xcꞌajol li mamaꞌ cui̱nk aj Anac.

Números 13:22

Queꞌco̱eb saꞌ li naꞌajej Neguev ut queꞌcuulac saꞌ li tenamit Hebrón. Aran cuanqueb li cui̱nk laj Ahimán, laj Sesai ut laj Talmai. Aꞌaneb li ralal xcꞌajol laj Anac. Cuukub chihab xyi̱banquil li tenamit Hebrón nak queꞌxyi̱b li tenamit Zoán aran Egipto.

Génesis 14:5

Nak ac xnumeꞌ chic jun chihab, li rey Quedorlaomer queꞌxchꞌutub rib rochbeneb li oxibeb chic li rey. Queꞌco̱eb rochbeneb lix soldados chi pletic. Nak yo̱queb chi xic chi pletic riqꞌuineb li o̱b chic li rey, saꞌ lix beheb queꞌxtau jalaneb tenamit ut queꞌpletic riqꞌuineb toj retal queꞌnumta saꞌ xbe̱neb laj Refaim li cuanqueb saꞌ li tenamit Astarot Karnaim, ut saꞌ xbe̱neb laj Zuz li cuanqueb saꞌ li tenamit Ham, joꞌ ajcuiꞌ saꞌ xbe̱neb laj Emita li cuanqueb saꞌ li tenamit Save-quiriataim.

Deuteronomio 2:20

(Junxil li naꞌajej aꞌin reheb li ni̱nki cui̱nk ut eb li ralal xcꞌajol laj Amón queꞌxye zomzomeo reheb.

Deuteronomio 3:11

(Chirix lix camic li rey Og, ma̱ jun chic xcana xcomoneb li ni̱nki cui̱nk. Lix chꞌa̱t laj Og yi̱banbil riqꞌuin chꞌi̱chꞌ. Numenak ca̱hib metro rok ut numenak cuib metro ru. Toj naru rilbal saꞌ li tenamit Rabá, lix tenamiteb li ralal xcꞌajol laj Amón.)

Génesis 6:4

Saꞌ eb li cutan aꞌan queꞌcuan cui̱nk ni̱nkeb rok. Ut eb li ralal xcꞌajol li Dios quilajeꞌcuan ralal xcꞌajol riqꞌuineb li ixk. Ut li ralal xcꞌajol eb aꞌan ni̱nkeb ajcuiꞌ rokeb. Eb li cui̱nk aꞌan cauheb rib ut naꞌno ruheb.

2 Samuel 21:16

Quicuan jun li nimla cui̱nk aj Isbi-benob xcꞌabaꞌ. Lix la̱ns numenak oxcꞌa̱l (60) libra li ra̱lal, ut toj acꞌ lix chꞌi̱chꞌ re pletic. Li cui̱nk aꞌan quixyal xcamsinquil laj David.