Deuteronomio 18:2 - Li Santil hu

² Ma̱cꞌaꞌ teꞌxcꞌul rochbeneb li ras ri̱tzꞌin xban nak lix ma̱taneb aꞌan, aꞌan li cꞌanjelac chiru li Ka̱cuaꞌ.

Q'eqchi Bible

² Ink'a' te'eechaninq na'ajej sa' xyanqeb' li ras riitz'in: a' li Qaawa' a'an li reechanihomeb', kama' ak xyehom chaq reheb'.

Deuteronomio 18:2 ပူးပေါင်းရင်းမြစ်များ

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Lamentaciones 3:24

Li Ka̱cuaꞌ, aꞌan li natenkꞌan cue. Ut aꞌan li ninyoꞌoni.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Salmos 119:57

At nimajcual Dios, caꞌaj cuiꞌ la̱at naru nacattenkꞌan cue. Joꞌcan nak xinyechiꞌi a̱cue nak tinba̱nu li cꞌaꞌru naxye la̱ cua̱tin.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Salmos 16:5

At Ka̱cuaꞌ, caꞌaj cuiꞌ la̱at nacattenkꞌan cue. A̱cuiqꞌuin nachal chixjunil li cꞌaꞌru nacuaj. Caꞌaj cuiꞌ la̱at yal a̱cue saꞌ inbe̱n.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Números 18:20

Li Ka̱cuaꞌ quixye re laj Aarón: —Incꞌaꞌ textzꞌak chꞌochꞌ saꞌ xya̱nkeb laj Israel. Ma̱cꞌaꞌ te̱re̱chani saꞌ li naꞌajej li tinqꞌue reheb laj Israel. Caꞌaj cuiꞌ la̱in tine̱re̱chani. Caꞌaj cuiꞌ la̱in tinqꞌuehok e̱re li cꞌaꞌru nequeraj.

Deuteronomio 10:9

Xban aꞌan nak eb laj levita incꞌaꞌ teꞌxcꞌul lix chꞌochꞌ joꞌ teꞌxcꞌul eb li rech aj Israel. Lix ma̱taneb aꞌan, aꞌan li cꞌanjelac chiru li Dios, joꞌ quixye li Ka̱cuaꞌ.

Josué 13:14

Lix te̱paleb li ralal xcꞌajol laj Leví incꞌaꞌ quiqꞌueheꞌ xnaꞌajeb xban laj Moisés xban nak eb aꞌan tento nak teꞌtzꞌak xcomon li mayej li nacꞌatman chiru li Ka̱cuaꞌ lix Dioseb laj Israel joꞌ quiyeheꞌ reheb xban li Dios.

Ezequiel 44:28

Eb laj tij incꞌaꞌ teꞌqꞌuehekꞌ xchꞌochꞌeb aran Israel. Caꞌaj cuiꞌ la̱in li tineꞌre̱chani. Caꞌaj cuiꞌ la̱in tinqꞌuehok reheb li cꞌaꞌru nequeꞌraj.