Deuteronomio 17:9 - Li Santil hu

⁹ Texxic riqꞌuineb laj tij xcomoneb li ralal xcꞌajol laj Leví ut texxic riqꞌuin laj rakol a̱tin. Eb aꞌan teꞌxtzꞌil rix le̱ chꞌaꞌajquilal ut teꞌxye e̱re cꞌaꞌru te̱ba̱nu.

Q'eqchi Bible

⁹ Aran toxaapatz' aatenq'ankil reheb' laj tij aj Leví ut re laj raqol aatin wank sa' xk'anjel. Eb' a'an te'xtz'ili rix chi us ut te'xye aawe k'aru tkanaaq wi' li ch'a'ajkilal a'an.

Deuteronomio 17:9 ပူးပေါင်းရင်းမြစ်များ

Ezequiel 44:24

Nak cua̱nk ple̱t, eb laj tij teꞌrakok a̱tin saꞌ xbe̱neb li yo̱queb chixpletinquil ribeb. Teꞌrakok a̱tin saꞌ xbe̱neb aꞌ yal chanru naxye lin chakꞌrab. Teꞌxba̱nu lin chakꞌrab ut chixjunil li cꞌaꞌru xebintakla cuiꞌ. Ut teꞌx-oxlokꞌiheb li hiloba̱l cutan.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Hageo 2:11

Ut quixye re nak saꞌ xcꞌabaꞌ li nimajcual Dios tixpatzꞌ reheb laj tij chirix li chakꞌrab.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Éxodo 22:8

Abanan cui incꞌaꞌ teꞌxtau laj e̱lkꞌ tento nak ta̱cꞌamekꞌ riqꞌuin laj rakol a̱tin laj e̱chal cab re nak aran ta̱tzꞌilekꞌ a̱tin chirix re rilbal ma aꞌan li qui-elkꞌan re malaj incꞌaꞌ.

Deuteronomio 17:10

Abanan tento nak te̱ba̱nu li cꞌaꞌru nequeꞌxye eb aꞌan saꞌ li naꞌajej li tixsicꞌ ru li Dios. Cheqꞌue retal nak te̱ba̱nu chixjunil li cꞌaꞌru teꞌxye e̱re.

Deuteronomio 21:5

Teꞌcha̱lk eb laj tij, li ralal xcꞌajol laj Leví, xban nak aꞌaneb li sicꞌbil ruheb xban li Dios chi cꞌanjelac chiru ut chixtzꞌa̱manquil nak li Dios ta̱rosobtesiheb li tenamit. Aꞌaneb li teꞌrakok re li ple̱t ut li cuechꞌi̱nc.

Zacarías 3:7

—Joꞌcaꞌin xye li Ka̱cuaꞌ li nimajcual Dios: Cui tatcua̱nk joꞌ nacuaj ut cui ta̱ba̱nu li cꞌaꞌru ninye, la̱at tat-ilok re li cuochoch ut la̱at ajcuiꞌ tat-ilok re chixjunil li neba̱l li cuan chire li cuochoch. Cui ta̱ba̱nu aꞌin tinqꞌue a̱naꞌaj saꞌ xya̱nkeb li cuanqueb arin.

Éxodo 18:16

Nak nacuan chꞌaꞌajquilal, nequeꞌchal cuiqꞌuin. La̱in nintzꞌiloc a̱tin chirixeb ut ninchꞌolob xya̱lal lix chakꞌrab li Dios chiruheb, chan.

Deuteronomio 16:18

Te̱xakab laj rakol a̱tin ut eb li teꞌtakla̱nk saꞌ xbe̱neb li junju̱nk xte̱paleb saꞌ eb le̱ tenamit li tixqꞌue e̱re li Ka̱cuaꞌ le̱ Dios. Ut eb aꞌan teꞌrakok a̱tin saꞌ xbe̱neb le̱ tenamit saꞌ ti̱quilal.

Deuteronomio 25:1

Cui cuan li yo̱queb chi pletic, eb aꞌan teꞌxic riqꞌuin laj rakol a̱tin. Ut laj rakol a̱tin tixtzꞌil rix li ani cuan xma̱c ut li ani ma̱cꞌaꞌ xma̱c.

Deuteronomio 33:10

Eb aꞌan nequeꞌxcꞌut li chakꞌrab chiruheb laj Israel, li ralal xcꞌajol laj Jacob. Nequeꞌxcꞌat li incienso cha̱cuu ut nequeꞌxcꞌat ajcuiꞌ li mayej saꞌ la̱ artal.

1 Crónicas 26:29

Saꞌ xya̱nkeb li ralal xcꞌajol laj Izhar, laj Quenanías ut eb li ralal queꞌtaklan saꞌ xbe̱neb li tenamit ut queꞌrakoc a̱tin.

Zacarías 7:3

Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.