Deuteronomio 17:8 - Li Santil hu

⁸ Cui cuan li nimla chꞌaꞌajquil li incꞌaꞌ naru te̱rak a̱tin saꞌ xbe̱n, usta camsi̱nc, usta pletic malaj ut cuechꞌi̱nc, te̱cꞌameb li cristian saꞌ li naꞌajej li quixsicꞌ ru li Ka̱cuaꞌ le̱ Dios.

Q'eqchi Bible

⁸ “Wi jwal ch'a'aj cho'q aawe xraqb'al aatin chirixeb' li ch'a'ajkilal, jo' li kamsij ib', li wech'ink ib', li tenok ib', li raaxiik' sa' laatenamit, tento tatxik sa' li na'ajej tixsik' ru li Qaawa' laaYos.

Deuteronomio 17:8 ပူးပေါင်းရင်းမြစ်များ

Deuteronomio 12:5

Li Ka̱cuaꞌ ban ta̱sicꞌok ru li naꞌajej bar te̱lokꞌoni cuiꞌ lix cꞌabaꞌ. Ut la̱ex texxic saꞌ li naꞌajej aꞌan chixlokꞌoninquil li Ka̱cuaꞌ.

Hageo 2:11

Ut quixye re nak saꞌ xcꞌabaꞌ li nimajcual Dios tixpatzꞌ reheb laj tij chirix li chakꞌrab.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Deuteronomio 19:17

tento nak li cuib chi cristian li yo̱queb chi pletic teꞌxic chiru li Ka̱cuaꞌ ut chiruheb laj tij ut chiruheb ajcuiꞌ laj rakol a̱tin li cuanqueb saꞌ xcuanquil.

Deuteronomio 19:4

Li ani tixcamsi li ras ri̱tzꞌin chi incꞌaꞌ yal xraj xchꞌo̱l nak tixcamsi, ut cui incꞌaꞌ xicꞌ naril, naru ta̱xic saꞌ li tenamit re tixcol rib.

Números 35:16

Cui junak tixsacꞌ li ras ri̱tzꞌin riqꞌuin chꞌi̱chꞌ ut li jun aꞌan ta̱ca̱mk xban, li quisacꞌoc re, aꞌanak aj camsinel ut ta̱teneba̱k ca̱mc saꞌ xbe̱n.

Números 35:11

te̱sicꞌ ruheb li tenamit li teꞌxcol cuiꞌ ribeb li ani naxcamsi ras ri̱tzꞌin chi incꞌaꞌ yal naraj xchꞌo̱l.

Éxodo 22:2

Cui laj e̱lkꞌ ta̱taꞌekꞌ chiru kꞌojyi̱n nak yo̱k chi elkꞌac, ut cui saꞌ li ho̱nal aꞌan ta̱camsi̱k, li ani ta̱camsi̱nk re, ta̱cana̱k chi ma̱cꞌaꞌ xma̱c.

Éxodo 21:28

Cui junak bo̱yx tixxekꞌ junak cui̱nk malaj ut junak ixk ut xban aꞌan ta̱ca̱mk, li bo̱yx aꞌan tento ta̱camsi̱k chi pec ut lix tibel incꞌaꞌ ta̱tiꞌekꞌ. Laj e̱chal re libre ta̱cana̱k.

Éxodo 21:22

Cui cuanqueb cuib li cui̱nk yo̱keb chi pletic ut teꞌxtochꞌ junak yaj aj ixk, ut li ixk aꞌan ta̱numekꞌ lix yajel xban nak quitochꞌeꞌ, abanan incꞌaꞌ ta̱ca̱mk li ixk, tento nak teꞌxtoj li joꞌ nimal li tixpatzꞌ li be̱lomej rochben laj rakol a̱tin.

Éxodo 21:20

Cui junak patrón tixsacꞌ riqꞌuin cheꞌ lix lokꞌbil mo̱s cui̱nk malaj lix lokꞌbil mo̱s ixk, ut ta̱ca̱mk saꞌ rukꞌ, tento nak li patrón tixtoj xma̱c.

Éxodo 18:26

Ut queꞌrakoc a̱tin rajlal cutan. Cui incꞌaꞌ nim li chꞌaꞌajquilal, eb li cui̱nk aꞌan queꞌrakoc a̱tin. Ut li nimla chꞌaꞌajquilal queꞌxcꞌam riqꞌuin laj Moisés.

Éxodo 18:15

Laj Moisés quichakꞌoc ut quixye re: —Eb li cristian nequeꞌchal chi patzꞌoc cuiqꞌuin chirix li cꞌaꞌru naxye li Dios.

Éxodo 22:8

Abanan cui incꞌaꞌ teꞌxtau laj e̱lkꞌ tento nak ta̱cꞌamekꞌ riqꞌuin laj rakol a̱tin laj e̱chal cab re nak aran ta̱tzꞌilekꞌ a̱tin chirix re rilbal ma aꞌan li qui-elkꞌan re malaj incꞌaꞌ.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Deuteronomio 25:1

Cui cuan li yo̱queb chi pletic, eb aꞌan teꞌxic riqꞌuin laj rakol a̱tin. Ut laj rakol a̱tin tixtzꞌil rix li ani cuan xma̱c ut li ani ma̱cꞌaꞌ xma̱c.

Ezequiel 44:24

Nak cua̱nk ple̱t, eb laj tij teꞌrakok a̱tin saꞌ xbe̱neb li yo̱queb chixpletinquil ribeb. Teꞌrakok a̱tin saꞌ xbe̱neb aꞌ yal chanru naxye lin chakꞌrab. Teꞌxba̱nu lin chakꞌrab ut chixjunil li cꞌaꞌru xebintakla cuiꞌ. Ut teꞌx-oxlokꞌiheb li hiloba̱l cutan.

Deuteronomio 12:14

Caꞌaj cuiꞌ saꞌ li naꞌajej li tixsicꞌ ru li Ka̱cuaꞌ saꞌ lix naꞌajeb li jun xte̱paleb laj Israel naru te̱qꞌue le̱ cꞌatbil mayej. Ut aran ajcuiꞌ te̱ba̱nu li yo̱quin chixyebal e̱re.

Deuteronomio 21:5

Teꞌcha̱lk eb laj tij, li ralal xcꞌajol laj Leví, xban nak aꞌaneb li sicꞌbil ruheb xban li Dios chi cꞌanjelac chiru ut chixtzꞌa̱manquil nak li Dios ta̱rosobtesiheb li tenamit. Aꞌaneb li teꞌrakok re li ple̱t ut li cuechꞌi̱nc.

2 Samuel 15:2

Rajlal cutan nacuacli ekꞌela laj Absalón ut naxakli chire be bar cuan cuiꞌ li oqueba̱l re li tenamit. Nak nequeꞌcuulac aran li tenamit re nak ta̱yi̱ba̱k lix chꞌaꞌajquilaleb xban li rey, laj Absalón naxbokeb riqꞌuin ut naxpatzꞌ reheb bar xeꞌchal chak. Cui eb aꞌan teꞌxye re nak xcomoneb laj Israel,

1 Crónicas 26:29

Saꞌ xya̱nkeb li ralal xcꞌajol laj Izhar, laj Quenanías ut eb li ralal queꞌtaklan saꞌ xbe̱neb li tenamit ut queꞌrakoc a̱tin.