Deuteronomio 17:7 - Li Santil hu

⁷ Li ani teꞌyehok re nak cuan xma̱c, aꞌaneb li xbe̱n li teꞌcutuk re chi pec. Chirix aꞌan, eb li jun chꞌol chic teꞌxcut chi pec. Chi joꞌcaꞌin te̱risi saꞌ e̱ya̱nk li naꞌleb li incꞌaꞌ us.

Q'eqchi Bible

⁷ Li ruq'eb' li testiiw, a'an li xb'enwa te'naq sa' xb'een re xkamsinkil; chirix chik a'an te'okenq chixjunileb' li tenamit. Chi jo'kan taawisi chi junajwa li maa'usilal sa' eeyanq.

Deuteronomio 17:7 ပူးပေါင်းရင်းမြစ်များ

Deuteronomio 13:9

Abanan te̱camsi li xyehoc e̱re nak te̱lokꞌoniheb li jalanil dios. Ut la̱ex xbe̱n texcutuk re chi pec. Ut chirix aꞌan, eb li tenamit teꞌcutuk re chi pec.

1 Corintios 5:13

Abanan la̱o torakok a̱tin saꞌ xbe̱neb li kech aj pa̱banelil li yo̱queb chi ma̱cobc saꞌ kaya̱nk. Joꞌcan nak tento te̱risi saꞌ e̱ya̱nk li cui̱nk aꞌan li yo̱ chi ma̱cobc.

Deuteronomio 17:12

Cui cuan junak naxkꞌetkꞌeti rib chiruheb laj tij ut laj rakol a̱tin ut incꞌaꞌ tixba̱nu li teꞌxye eb aꞌan li yo̱queb chi cꞌanjelac chiru li Ka̱cuaꞌ le̱ Dios, tento nak ta̱teneba̱k ca̱mc saꞌ xbe̱n aꞌan. Tento nak te̱risi li ma̱usilal saꞌ e̱ya̱nk la̱ex aj Israel.

Deuteronomio 13:5

Te̱qꞌue chi camsi̱c li profeta aj balakꞌ malaj ut li naxchꞌolob xya̱lal li matcꞌ cui teꞌxye e̱re nak te̱kꞌetkꞌeti e̱rib chiru li Ka̱cuaꞌ le̱ Dios li qui-isin chak e̱re Egipto li quexcuan cuiꞌ chokꞌ rahobtesinbil mo̱s. Incꞌaꞌ cha̱bil aꞌan xban nak quixye e̱re nak te̱tzꞌekta̱na li Ka̱cuaꞌ ut te̱canab xba̱nunquil li chakꞌrab li quixqꞌue e̱re. Tento nak te̱risi li ma̱usilal saꞌ e̱ya̱nk.

Jueces 20:13

Kꞌaxtesihomakeb saꞌ kukꞌ eb li cui̱nk aj Gabaa, li xeꞌxba̱nu li ma̱usilal. Takacamsiheb re nak ta̱e̱lk li ma̱usilal saꞌ li katenamit Israel, chanqueb. Abanan eb li ralal xcꞌajol laj Benjamín incꞌaꞌ queꞌraj rabinquil li cꞌaꞌru queꞌxye li rech aj Israelil.

Deuteronomio 24:7

Cui junak li cui̱nk ta̱relkꞌa li rech aj Israelil ut tixqꞌue joꞌ jun lix mo̱s malaj ut naxcꞌayi, tento nak ta̱camsi̱k li ani qui-elkꞌan re. Tento nak te̱risi saꞌ e̱ya̱nk chixjunil li ma̱usilal aꞌan.

Deuteronomio 19:19

tojoꞌnak te̱ba̱nu re aꞌan joꞌ quiraj raj xba̱nunquil re li ras ri̱tzꞌin. Tento nak te̱risi li ma̱usilal saꞌ e̱ya̱nk.

San Juan 8:7

Ut xban nak yo̱queb chixpatzꞌbal, li Jesús quixakli cuiꞌchic ut quixye reheb: —Li ani ma̱cꞌaꞌ xma̱c saꞌ e̱ya̱nk, aꞌan li xbe̱n li tixcut li pec, chan.

Levítico 24:14

—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec.

Deuteronomio 22:21

li xkaꞌal ta̱cꞌamekꞌ chiru li puerta re li rochoch lix yucuaꞌ ut eb li cui̱nk saꞌ li tenamit aꞌan teꞌxcuti chi pec toj retal teꞌxcamsi xban nak xba̱nu li incꞌaꞌ us nak toj cuan saꞌ rochoch lix yucuaꞌ. Chi joꞌcaꞌin te̱risi li ma̱usilal aꞌan saꞌ e̱ya̱nk la̱ex.

Deuteronomio 13:6

Cui ani tixye e̱re saꞌ mukmu nak te̱lokꞌoni li jalanil dios, me̱ba̱nu chi joꞌcan. Me̱ba̱nu aꞌan usta le̱ ras, usta le̱ ralal malaj ut le̱ rabin, usta le̱ rixakil li nequera, usta li tzꞌakal e̱rami̱g li ta̱yehok e̱re nak te̱lokꞌoniheb li jalanil dios li incꞌaꞌ xelokꞌoni ruheb, chi moco xeꞌxlokꞌoni le̱ naꞌ e̱yucuaꞌ.

Deuteronomio 13:10

Ta̱cutekꞌ chi pec toj retal ta̱ca̱mk xban nak quixye e̱re nak te̱tzꞌekta̱na li Ka̱cuaꞌ le̱ Dios li qui-isin chak e̱re Egipto li quexcuan cuiꞌ chak chokꞌ rahobtesinbil mo̱s.

Deuteronomio 21:21

Ut chixjunileb li cui̱nk li cuanqueb saꞌ li tenamit aꞌan teꞌxcuti chi pec toj retal ta̱ca̱mk. Chi joꞌcaꞌin te̱risi li ma̱usilal saꞌ e̱ya̱nk. Ut chixjunileb laj Israel teꞌrabi resil ut teꞌxucuak xban.

Deuteronomio 22:22

Cui junak cui̱nk natauheꞌ chi cua̱rc riqꞌuin junak ixk ac sumsu, teꞌcamsi̱k chi xcabichaleb. Chi joꞌcaꞌin ta̱sachma̱nk li ma̱usilal saꞌ e̱ya̱nk la̱ex aj Israel.

Deuteronomio 22:24

aꞌaneb tento nak teꞌcꞌamekꞌ chi xcabichaleb chiruheb laj rakol a̱tin saꞌ li oqueba̱l re li tenamit ut teꞌcutekꞌ chi pec toj retal teꞌcamsi̱k. Ta̱camsi̱k li ixk xban nak incꞌaꞌ quixjap re saꞌ li tenamit chixcolbal rib. Ut li cui̱nk ta̱camsi̱k xban nak quixmux ru li rixakil li ras ri̱tzꞌin. Chi joꞌcaꞌin te̱risi li ma̱usilal saꞌ e̱ya̱nk.