Deuteronomio 16:9 - Li Santil hu

⁹ Cuukub xama̱n xtiquibanquil xxocbal li ru le̱ trigo nak texninkꞌei̱k.

Q'eqchi Bible

⁹ “Taawajla wuqub' chi xamaan. Chalen sa' xtiklajik li q'olok triiw taatikib' rajlankil li wuqub' chi xamaan.

Deuteronomio 16:9 ပူးပေါင်းရင်းမြစ်များ

Éxodo 34:22

Texninkꞌei̱k nak te̱sicꞌ li xbe̱n ru li trigo ut texninkꞌei̱k cuiꞌchic saꞌ xkꞌehil li kꞌoloc.

Éxodo 23:16

Li xcab li ninkꞌe li te̱ba̱nu, aꞌan nak te̱sicꞌ li xbe̱n ru le̱ racui̱mk li nequerau saꞌ le̱ chꞌochꞌ. Ut li rox li ninkꞌe li te̱ba̱nu, aꞌan saꞌ rosoꞌjic li chihab nak te̱xoc chixjunil li ru le̱ racui̱mk li na-el saꞌ le̱ chꞌochꞌ.

Hechos 2:1

Saꞌ xkꞌehil li ninkꞌe re li Pentecostés chꞌutchꞌu̱queb chixjunileb laj pa̱banel saꞌ jun chi naꞌajej ut junajeb xchꞌo̱l.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

1 Corintios 16:8

Abanan toj tinnumsi li ninkꞌe Pentecostés arin Éfeso tojoꞌnak tinxic e̱riqꞌuin.

2 Crónicas 8:13

Quixqꞌue li mayej aꞌin saꞌ eb li cutan nak tento xqꞌuebal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Quixqꞌue lix mayej saꞌ eb li hiloba̱l cutan ut saꞌ lix yoꞌlajic li po, ut saꞌ li oxib chi ninkꞌe li queꞌxba̱nu rajlal chihab. Li xbe̱n li ninkꞌe, aꞌan nak queꞌxcuaꞌ li caxlan cua li ma̱cꞌaꞌ xchꞌamal; li xcab, aꞌan li ninkꞌe re li xama̱n; ut li rox, aꞌan nak queꞌxyi̱b lix cocꞌ muheba̱leb.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Deuteronomio 16:10

Li ninkꞌe li te̱ba̱nu, aꞌan re xlokꞌoninquil li Ka̱cuaꞌ le̱ Dios. Ut li mayej li te̱qꞌue, aꞌan li joꞌ qꞌuial na-ala saꞌ e̱chꞌo̱l xqꞌuebal, aꞌ yal chanru le̱ rosobtesinquil xban li Ka̱cuaꞌ le̱ Dios.

Li xHu LIX RUT 2:23

Joꞌcan nak lix Rut quixxoc lix cebada saꞌ xya̱nkeb lix mo̱s ixk laj Booz toj retal quirakeꞌ xxocbal ru li trigo ut li cebada. Ut lix Rut aran quicuan riqꞌuin lix Noemí.