Deuteronomio 15:3 - Li Santil hu

³ Li jalan xtenamiteb teꞌxtoj lix cꞌaseb, abanan le̱ rech tenamitil te̱cuy xma̱queb. Incꞌaꞌ teꞌxtoj lix cꞌaseb.

Q'eqchi Bible

³ Truuq taatitz' laj ab'l tenamit; ab'anan laawech tenamitul taakuy xmaak: ink'a' tixtoj li xk'as.

Deuteronomio 15:3 ပူးပေါင်းရင်းမြစ်များ

Deuteronomio 23:20

Caꞌaj cuiꞌ li jalaneb xtenamit naru te̱patzꞌ ral li cꞌaꞌru te̱toꞌoni reheb. Abanan le̱ rech tenamitil incꞌaꞌ naru te̱patzꞌ ral li cꞌaꞌru te̱toꞌoni reheb. Cheba̱nuhak aꞌin re nak texrosobtesi li Ka̱cuaꞌ le̱ Dios ut re ajcuiꞌ nak us tex-e̱lk riqꞌuin chixjunil li te̱ba̱nu saꞌ li naꞌajej li ta̱qꞌuehekꞌ e̱re xban li Dios re texcua̱nk cuiꞌ.

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

San Juan 8:35

Junak cꞌayinbil chi cꞌanjelac moco ta̱cana̱k ta chi junaj cua saꞌ rochoch lix patrón. Aꞌut li alalbej, aꞌan tento nak ta̱cana̱k saꞌ rochoch chi junaj cua.

Éxodo 22:25

Cui te̱qꞌue tumin chi toꞌ re junak li nebaꞌ li cuanqueb saꞌ e̱ya̱nk, incꞌaꞌ te̱ba̱nu joꞌ nequeꞌxba̱nu li nequeꞌtoꞌonin tumin. Incꞌaꞌ te̱patzꞌ ral li tumin li te̱toꞌoni.

Deuteronomio 15:2

Joꞌcaꞌin te̱ba̱nu. Li ani quixqꞌue chi toꞌ lix tumin tixcuy xma̱c li ani cuan xcꞌas riqꞌuin. Incꞌaꞌ naru tixye reheb li rech aj Israel nak tixtoj lix cꞌas xban nak li Ka̱cuaꞌ quixye nak incꞌaꞌ chic tento nak teꞌxtoj xcꞌas.

Deuteronomio 23:21

Cui cuan li cꞌaꞌru te̱yechiꞌi re li Ka̱cuaꞌ le̱ Dios, mexbay chixqꞌuebal. Li Ka̱cuaꞌ tixcanab saꞌ e̱be̱n xtojbal ut cuan e̱ma̱c cui incꞌaꞌ nequetoj.