Deuteronomio 15:2 - Li Santil hu

² Joꞌcaꞌin te̱ba̱nu. Li ani quixqꞌue chi toꞌ lix tumin tixcuy xma̱c li ani cuan xcꞌas riqꞌuin. Incꞌaꞌ naru tixye reheb li rech aj Israel nak tixtoj lix cꞌas xban nak li Ka̱cuaꞌ quixye nak incꞌaꞌ chic tento nak teꞌxtoj xcꞌas.

Q'eqchi Bible

² “Kama'in li kuyuk maak. Chixjunil li xk'ehok xto' li ras riitz'in, tento tixkuy xmaak ut ink'a' tixtitz' li xk'as li xkomon malaj li ras riitz'in, xb'aan naq ak xpuktesimank resil li kuyuk maak sa' xk'ab'a' li Qaawa'.

Deuteronomio 15:2 ပူးပေါင်းရင်းမြစ်များ

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

San Lucas 7:42

Ut xban nak incꞌaꞌ queꞌru xqꞌuebal re̱kaj li tumin queꞌxtoꞌoni, laj e̱chal re li tumin quixcuyeb xma̱c xcabichaleb. Anakcuan ye cue, ¿ani reheb a cuib aꞌin kꞌaxal ta̱rahok re laj e̱chal re li tumin? chan li Jesús.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

Isaías 58:3

Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Deuteronomio 15:1

Rajlal cuukub chihab te̱cuy xma̱queb li ani cuanqueb xcꞌas e̱riqꞌuin.

Deuteronomio 15:3

Li jalan xtenamiteb teꞌxtoj lix cꞌaseb, abanan le̱ rech tenamitil te̱cuy xma̱queb. Incꞌaꞌ teꞌxtoj lix cꞌaseb.

Deuteronomio 31:10

Ut laj Moisés quixye reheb: —Rajlal saꞌ li xcuuk chihab nak nacuyeꞌ xma̱queb riqꞌuin lix cꞌaseb, ta̱cuil li chakꞌrab chiruheb li tenamit nak yo̱keb chi ninkꞌei̱c saꞌ li cocꞌ muheba̱l yi̱banbil riqꞌuin rukꞌ cheꞌ.

Nehemías 10:31

Ut xkaye ajcuiꞌ nak incꞌaꞌ tolokꞌok riqꞌuineb li jalaneb xtenamit cui teꞌcha̱lk chi cꞌayi̱nc saꞌ li hiloba̱l cutan. Incꞌaꞌ takalokꞌ li tzacae̱mk chi moco li cꞌaꞌak re ru teꞌxcꞌam chak chi cꞌay saꞌ li hiloba̱l cutan ut incꞌaꞌ ajcuiꞌ tolokꞌok saꞌ eb li cutan li santobresinbil re xlokꞌoninquil li Ka̱cuaꞌ. Ut saꞌ li xcuuk li chihab incꞌaꞌ toa̱uk. Takacanab ban chi hila̱nc li chꞌochꞌ. Ut chiru ajcuiꞌ li chihab aꞌan incꞌaꞌ takapatzꞌ re̱kaj lix cꞌaseb li ani queꞌcꞌasoc kiqꞌuin.