Deuteronomio 14:3 - Li Santil hu

³ Incꞌaꞌ te̱tzaca li cꞌaꞌru tzꞌekta̱nanbil xban li Ka̱cuaꞌ.

Q'eqchi Bible

³ “Maatzeka li k'aru tz'eqtaananb'il xb'aan li Qaawa'.

Deuteronomio 14:3 ပူးပေါင်းရင်းမြစ်များ

Ezequiel 4:14

Ut la̱in quinye: —At Ka̱cuaꞌ, at inDios, la̱in ma̱ jun sut quinmux cuib. Chalen saꞌ incaꞌchꞌinal ut toj chalen anakcuan ma̱ jun cua xintzaca lix tibel li xul li yal quicam xjunes, chi moco li camsinbil xban joskꞌ aj xul. Ma̱ jun cua xintzaca li tzacae̱mk muxbil, chanquin.

Romanos 14:14

Xban nak ninpa̱b li Cristo, joꞌcan nak ninnau nak ma̱cꞌaꞌ re̱cꞌ xtzacanquil li cꞌaꞌak re ru. Abanan cui junak narecꞌa saꞌ xchꞌo̱l nak ma̱c xtzacanquil junak tzacae̱mk, us cui incꞌaꞌ tixba̱nu.

Levítico 20:25

Joꞌcan ut tento nak te̱nau cꞌaꞌru li xul li naru te̱tzaca xtibel ut cꞌaꞌru li xul li incꞌaꞌ naru te̱tzaca joꞌ li nequeꞌrupupic ut eb li nequeꞌbe̱c saꞌ chꞌochꞌ ut eb li nequeꞌxjucuqui ribeb. Incꞌaꞌ te̱mux e̱rib riqꞌuin xtzacanquil li xul li xinye nak incꞌaꞌ naru te̱tzaca.

Levítico 11:43

Me̱mux e̱rib riqꞌuin xtzacanquileb li xul aꞌin. Me̱mux e̱rib riqꞌuineb chi moco te̱qꞌue e̱rib chi muxecꞌ xbaneb.

Tito 1:15

Li ti̱queb xchꞌo̱l, chixjunil li cꞌaꞌak re ru cha̱bil chiruheb xban nak nequeꞌxsicꞌ li cꞌaꞌru cha̱bil. Aꞌut eb li incꞌaꞌ ti̱queb xchꞌo̱l, ma̱cꞌaꞌ cꞌaꞌru us chiruheb xban nak numtajenak xyibal ru lix naꞌlebeb ut incꞌaꞌ us lix cꞌaꞌuxeb.

1 Corintios 10:28

Aꞌut cui junak naxye a̱cue nak li tzacae̱mk aꞌan mayejanbil chiru li yi̱banbil dios, incꞌaꞌ ta̱tzaca aꞌan re nak incꞌaꞌ ta̱chꞌina̱k xchꞌo̱l li xyehoc a̱cue nak mayejanbil tzacae̱mk ut re ajcuiꞌ nak incꞌaꞌ ta̱oc xcꞌaꞌux.

Isaías 65:4

Nequeꞌxnumsi li kꞌojyi̱n saꞌ xnaꞌajeb li camenak ut saꞌ eb li naꞌajej li cuanqueb chi mukmu. Nequeꞌxtiu xtibel li a̱k ut nequeꞌrucꞌ li xyaꞌal li tib li incꞌaꞌ raj teꞌxtzaca.

Génesis 7:2

Ta̱cuocsi saꞌ li jucub cab cuukutk sumal chi xul li natiꞌeꞌ xtibeleb, te̱lom ut ixk. Ut ta̱cuocsiheb ajcuiꞌ junju̱nk sumalak li xul, li incꞌaꞌ natiꞌeꞌ xtibeleb, te̱lom ut ixk.

Levítico 11:2

—Yehomak chi joꞌcaꞌin reheb laj Israel. Saꞌ xya̱nkeb li xul li cuanqueb saꞌ ruchichꞌochꞌ sicꞌbil ru li naru te̱tiu xtibel.