Deuteronomio 14:2 - Li Santil hu

² La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

Q'eqchi Bible

² Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Deuteronomio 14:2 ပူးပေါင်းရင်းမြစ်များ

Deuteronomio 7:6

Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Levítico 19:2

—Ta̱ye reheb chixjunileb laj Israel: Santakex che̱junilex la̱ex xban nak la̱in santin. La̱in li Ka̱cuaꞌ le̱ Dios.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Deuteronomio 28:9

Cui la̱ex te̱ba̱nu li cꞌaꞌru naxye li Ka̱cuaꞌ le̱ Dios ut incꞌaꞌ te̱kꞌet lix chakꞌrab, li Ka̱cuaꞌ texxakab chokꞌ jun xsantil tenamit joꞌ quixye e̱re.

Levítico 11:45

La̱in li Ka̱cuaꞌ Dios. La̱in li quin-isin chak e̱re aran Egipto. La̱in le̱ Dios. Santobresinbilakex la̱ex xban nak santin la̱in.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Daniel 8:24

Ta̱nima̱nk xcuanquil, abanan moco xcuanquil ta xjunes li rey; xcuanquil ban laj tza. Chixjunil li ma̱usilal tixba̱nu, us ta̱e̱lk chiru ut tixsacheb nabaleb li cuanqueb xcuanquil ut tixsacheb ajcuiꞌ li ralal xcꞌajol li Dios.

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Ezequiel 21:2

—At ralal cui̱nk, ilon cuan cuiꞌ li tenamit Jerusalén ut ta̱ye resil reheb li raylal li ta̱cha̱lk saꞌ xbe̱n lin templo ut saꞌ xbe̱neb ajcuiꞌ laj Israel.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Deuteronomio 33:3

Li Ka̱cuaꞌ naxraheb lix tenamit ut naxcoleb. Joꞌcan nak nequeꞌxcuikꞌib ribeb chiru ut nequeꞌxba̱nu li cꞌaꞌru naxye.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Isaías 41:9

La̱in xin-isin chak e̱re saꞌ li najtil tenamit. Xexinbok nak cuanquex chak saꞌ xmaril li ruchichꞌochꞌ. Ut xinye e̱re: —La̱ex texcꞌanjelak chicuu. La̱in xinsicꞌoc e̱ru ut incꞌaꞌ xexintzꞌekta̱na.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Levítico 20:24

La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

Deuteronomio 7:7

Moco xban ta nak kꞌaxal nabalex joꞌ eb li tenamit jun chꞌol chic nak quixsicꞌ e̱ru li Dios ut quexra, xban nak la̱ex moco qꞌuihex ta.