Deuteronomio 13:1 - Li Santil hu

¹ Ma̱re junak profeta malaj junak li naxye xya̱lal li matcꞌ ta̱cuulak e̱riqꞌuin ut tixye resil junak milagro malaj ut junak sachba chꞌo̱lej.

Q'eqchi Bible

¹ “Mare sa' eeyanq taawakliiq junaq propeet malaj junaq aj matk' ut tixye resil naq xril jun nimla eetalil malaj sachb'ach'oolej.

Deuteronomio 13:1 ပူးပေါင်းရင်းမြစ်များ

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Jeremías 29:8

Joꞌcaꞌin xye li Ka̱cuaꞌ li nimajcual Dios, lix Dioseb laj Israel: Me̱qꞌue e̱rib chixbalakꞌi eb li profeta ut eb laj kꞌe li cuanqueb saꞌ e̱ya̱nk, chi moco te̱rabi li cꞌaꞌru nequeꞌxye li nequeꞌmatqꞌuec.

Jeremías 27:9

Joꞌcan nak me̱pa̱b li cꞌaꞌru nequeꞌxye li profetas, chi moco laj kꞌe, chi moco li naxye xya̱lal li matcꞌ, chi moco te̱rabi li cꞌaꞌru nequeꞌxye li nequeꞌa̱tinac chirix li cꞌaꞌru ta̱cꞌulma̱nk. Incꞌaꞌ tex-abi̱nk chiruheb li nequeꞌyehoc e̱re nak incꞌaꞌ te̱cubsi e̱rib rubel xcuanquil laj Nabucodonosor, lix reyeb laj Babilonia.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

1 Reyes 13:18

Abanan li profeta jun chic quixticꞌtiꞌi ut quixye re: —La̱in profetin ajcuiꞌ joꞌ la̱at. Ut jun lix ángel li Ka̱cuaꞌ x-a̱tinac cuiqꞌuin ut xye cue, “Li Ka̱cuaꞌ xye, Cꞌam saꞌ la̱ cuochoch li profeta re ta̱cuaꞌak ut ta̱ucꞌak”, chan.

2 Ts 2:9

Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian.

San Lucas 6:26

Raylal cha̱lel saꞌ e̱be̱n la̱ex li naqꞌueheꞌ e̱lokꞌal arin saꞌ ruchichꞌochꞌ xbaneb li tenamit. Joꞌcaꞌin ajcuiꞌ nak queꞌqꞌueheꞌ xlokꞌal eb li profeta aj balakꞌ xbaneb le̱ xeꞌto̱nil yucuaꞌ.

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 24:11

Ut nabaleb li profeta aj balakꞌ teꞌcha̱lk ut nabaleb teꞌbalakꞌi̱k xbaneb.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

Zacarías 13:4

Ut eb li profeta aj balakꞌ teꞌxuta̱na̱k xban li ticꞌtiꞌ li ac xeꞌxye. Ut incꞌaꞌ chic teꞌbalakꞌi̱nk riqꞌuin rocsinquil li rakꞌ profeta chirixeb.

Zacarías 10:2

Joꞌcan nak mextzꞌa̱man reheb li yi̱banbil dios xban nak aꞌan moco teꞌxqꞌue ta li cꞌaꞌru te̱tzꞌa̱ma. Eb laj kꞌe, aꞌan aj ticꞌtiꞌeb. Moco ya̱l ta li cꞌaꞌru nequeꞌxye. Chanchan yal matqꞌuenbil nequeꞌxba̱nu li cꞌaꞌru nequeꞌxye. Moco ya̱l ta nak nequeꞌxcꞌojob e̱chꞌo̱l. Xban eb aꞌan nak queꞌxchaꞌchaꞌi ribeb li tenamit yalak bar. Ra queꞌxcꞌul xban nak ma̱ ani qui-iloc reheb.

Ezequiel 13:23

Joꞌcan nak la̱ex incꞌaꞌ chic te̱ril li visión li moco ya̱l ta, chi moco texkꞌehikꞌ chic. La̱in tincoleb lin tenamit saꞌ e̱rukꞌ la̱ex. Ut riqꞌuin aꞌan la̱ex te̱qꞌue retal nak la̱in li Ka̱cuaꞌ, chan li Dios.

Jeremías 23:11

Eb li profeta ut eb laj tij incꞌaꞌ us xnaꞌlebeb. Eb aꞌan ma̱cꞌaꞌ nequeꞌraj re. Usta saꞌ lin templo nequeꞌxba̱nu li ma̱usilal, chan li Ka̱cuaꞌ.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

2 Pedro 2:1

Queꞌcuan ajcuiꞌ chak profeta aj balakꞌ saꞌ xya̱nkeb laj Israel junxil. Joꞌcan ajcuiꞌ saꞌ e̱ya̱nk la̱ex, teꞌcua̱nk aj tzolonel aj balakꞌ. Chi timil ut saꞌ mukmu teꞌrocsi li balakꞌ aj naꞌleb re xsachbal xpa̱banquil li Dios toj retal teꞌxtzꞌekta̱na li Ka̱cuaꞌ Jesucristo li quicam saꞌ xcꞌabaꞌeb. Ut riqꞌuin li nequeꞌxba̱nu, nequeꞌxsach ribeb chi junaj cua ut yo̱queb chixbokbal raylal saꞌ xbe̱neb.

Jeremías 29:24

Li Ka̱cuaꞌ quixye re laj Jeremías nak tixye chi joꞌcaꞌin re laj Semaías, Nehelam xtenamit:

Deuteronomio 18:20

Cui junak profeta tixqꞌue rib chi a̱tinac saꞌ incꞌabaꞌ chi incꞌaꞌ xinye la̱in, malaj ut cui ta̱a̱tinak saꞌ xcꞌabaꞌeb li jalanil dios, li jun aꞌan ta̱camsi̱k”, chan li Dios.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Jeremías 29:26

Li Ka̱cuaꞌ xxakaban a̱cue chokꞌ aj tij chokꞌ re̱kaj laj Joiada. Ut la̱at chic tattakla̱nk saꞌ li templo. Ut chixjunileb li cui̱nk li teꞌlo̱cokꞌ ru ut teꞌxye nak aꞌaneb profeta, ta̱qꞌueheb saꞌ tzꞌalam ut ta̱baqꞌueb riqꞌuin cadena.

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Deuteronomio 4:2

Incꞌaꞌ te̱risi junak a̱tin saꞌ xya̱nkeb li tinye e̱re chi moco te̱qꞌue xtzꞌakob. Cheba̱nu chi tzꞌakal li naxye lix chakꞌrab li Ka̱cuaꞌ le̱ Dios, li yo̱quin chixyebal e̱re.

1 Reyes 13:19

Joꞌcan nak lix profeta li Dios co̱ chirix saꞌ li rochoch ut quicuaꞌac qui-ucꞌac riqꞌuin.

Proverbios 30:6

Ma̱qꞌue xtzꞌakob li ra̱tin li Dios xban nak cui ta̱ba̱nu aꞌan, li Dios tatxkꞌus ut tatcana̱k joꞌ aj ticꞌtiꞌ.