Deuteronomio 11:9 - Li Santil hu

⁹ Cui te̱ba̱nu li naxye li chakꞌrab, ta̱najtokꞌ rok le̱ yuꞌam saꞌ li naꞌajej li quiyechiꞌi̱c reheb le̱ xeꞌto̱nil yucuaꞌ joꞌ ajcuiꞌ e̱re la̱ex li ralal xcꞌajolex. Saꞌ li naꞌajej aꞌan natauman li cha̱bil echej joꞌ li leche ut li xyaꞌal cab.

Q'eqchi Bible

⁹ Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal.

Deuteronomio 11:9 ပူးပေါင်းရင်းမြစ်များ

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 6:2

Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Ezequiel 20:6

Saꞌ li cutan aꞌan la̱in quinye reheb riqꞌuin juramento nak la̱in teꞌcuisi saꞌ li naꞌajej Egipto ut tincꞌameb saꞌ jun cha̱bil naꞌajej li quinsicꞌ ru chokꞌ reheb li na-el cuiꞌ chi us li sahil echej. Aꞌan li kꞌaxal chꞌinaꞌus chiru chixjunil li naꞌajej.

Deuteronomio 9:5

Moco xban ta xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Ta̱risiheb ban xban nak kꞌaxal yibru lix naꞌlebeb ut xban ajcuiꞌ nak tento tixba̱nu li cꞌaꞌru quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Proverbios 10:27

Li ani naxxucua ru li Dios ta̱najtokꞌ ru lix yuꞌam saꞌ ruchichꞌochꞌ. Abanan li nequeꞌxba̱nu ma̱usilal incꞌaꞌ najt teꞌcua̱nk saꞌ ruchichꞌochꞌ.

Proverbios 9:11

Cui cha̱bil la̱ naꞌleb ta̱najtokꞌ ru la̱ yuꞌam saꞌ ruchichꞌochꞌ.

Proverbios 3:16

Cui cuan e̱naꞌleb najtak ru le̱ yuꞌam saꞌ ruchichꞌochꞌ. Ut naru ajcuiꞌ nacuan le̱ biomal ut le̱ lokꞌal.

Proverbios 3:2

Cui te̱ba̱nu li naxye lin chakꞌrab, ta̱najtokꞌ ru le̱ yuꞌam saꞌ ruchichꞌochꞌ. Ut ta̱cua̱nk li tuktu̱quilal e̱riqꞌuin.

Deuteronomio 6:18

Cheba̱nuhak li ti̱quilal ut li cha̱bilal joꞌ nacuulac chiru li Ka̱cuaꞌ re nak us tex-e̱lk ut tex-oc chi cua̱nc saꞌ li cha̱bil naꞌajej li quixyechiꞌi riqꞌuin juramento li Ka̱cuaꞌ reheb le̱ xeꞌto̱nil yucuaꞌ.

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

Deuteronomio 8:7

Li Ka̱cuaꞌ le̱ Dios yo̱ che̱cꞌambal saꞌ jun li cha̱bil naꞌajej. Aran cuan nabal li rok haꞌ, li yuꞌam haꞌ, ut li nimaꞌ, joꞌ eb ajcuiꞌ li haꞌ li nequeꞌel chak saꞌ eb li tzu̱l.

Deuteronomio 11:10

Li naꞌajej li xic e̱re chire̱chaninquil, aꞌan moco joꞌ ta li naꞌajej Egipto li quex-el cuiꞌ chak. Nak quexcuan chak saꞌ li naꞌajej aꞌan, la̱ex nequex-au. Abanan toj nequetacuasi e̱rib xtꞌakresinquil.

Deuteronomio 1:8

Qꞌuehomak retal. La̱in xinqꞌue e̱re li naꞌajej aꞌin. Texxic ut te̱re̱chani li naꞌajej joꞌ quinye riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob ut reheb ajcuiꞌ li ralal xcꞌajoleb li teꞌcua̱nk mokon, chan li Dios.

Deuteronomio 6:3

La̱ex aj Israel, abihomak li yo̱quin chixyebal. Qꞌuehomak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak us tex-e̱lk ut re nak texnabalokꞌ nak cua̱nkex saꞌ li cha̱bil naꞌajej li na-el cuiꞌ chi nabal li sahil echej joꞌ quixye e̱re li Ka̱cuaꞌ lix Dioseb le̱ xeꞌto̱nil yucuaꞌ.

Deuteronomio 11:21

Cui te̱ba̱nu li yo̱quin chixyebal e̱re, ta̱najtokꞌ rok le̱ yuꞌam ut ta̱najtokꞌ rok lix yuꞌameb le̱ cocꞌal saꞌ li naꞌajej li quixqꞌue li Ka̱cuaꞌ reheb le̱ xeꞌto̱nil yucuaꞌ. Texcua̱nk aran joꞌ najtil ta̱cua̱nk li choxa saꞌ xbe̱n li ruchichꞌochꞌ.