Deuteronomio 11:6 - Li Santil hu

⁶ La̱ex nequenau cꞌaꞌru quixba̱nu li Ka̱cuaꞌ re laj Datán ut laj Abiram, eb li ralal laj Eliab li ralal laj Rubén. Chixjunileb laj Israel yo̱queb chirilbal nak quixjach rib li chꞌochꞌ ut laj Datán ut laj Abiram queꞌtꞌaneꞌ toj chi saꞌ rochbeneb lix jun cablal, lix muheba̱leb, ut chixjunil lix queto̱mk.

Q'eqchi Bible

⁶ jo'kan ajwi' li kixb'aanu re laj Datán ut laj Abirón, ralaleb' laj Eliab, xkomonil laj Rubén, naq li ch'och' kixte rib' ut kixnuq'eb' rochb'eeneb' li xjunkab'al, li xmuheb'aaleb' ut chixjunil li wankeb' rik'ineb', chiruheb' chixjunil laj Israel.

Deuteronomio 11:6 ပူးပေါင်းရင်းမြစ်များ

Salmos 106:17

Ut li chꞌochꞌ quijacheꞌ ut queꞌtꞌaneꞌ chi saꞌ laj Datán joꞌ ajcuiꞌ laj Abiram rochbeneb li queꞌta̱ken re. Ut aran queꞌosoꞌ.

Números 27:3

—Li kayucuaꞌ quicam saꞌ li chaki chꞌochꞌ. Aꞌan ma̱cuaꞌ jun saꞌ xya̱nkeb li queꞌoquen chirix laj Coré li queꞌxkꞌetkꞌeti ribeb chiru li Ka̱cuaꞌ. Li kayucuaꞌ quicam ban xban li ma̱c li quixba̱nu aꞌan. Ma̱ jun li ralal.

Números 26:11

Abanan incꞌaꞌ queꞌosoꞌ chi junaj cua eb li ralal xcꞌajol laj Coré.

Deuteronomio 11:5

Ut la̱ex nequenau chanru nak li Ka̱cuaꞌ quextenkꞌa chak saꞌ li chaki chꞌochꞌ nak toj ma̱jiꞌ nequexcꞌulun saꞌ li naꞌajej aꞌin.

Deuteronomio 11:7

La̱ex queril riqꞌuin xnakꞌ e̱ru chixjunil li quilajxba̱nu li Ka̱cuaꞌ riqꞌuin lix nimal xcuanquilal.

Salmos 106:16

Ut nak cuanqueb saꞌ li naꞌajej aꞌan, queꞌxcakali laj Moisés ut queꞌxcakali ajcuiꞌ laj Aarón li sicꞌbil ru xban li Dios chokꞌ aj tij.

Isaías 24:19

Ta̱osokꞌ li ruchichꞌochꞌ. Ta̱ecꞌasi̱k chi cau saꞌ xnaꞌaj ut ta̱jachekꞌ ru.