Deuteronomio 11:2 - Li Santil hu

² Anakcuan cheqꞌuehak retal nak eb le̱ cocꞌal incꞌaꞌ queꞌril nak li Ka̱cuaꞌ quexkꞌus. La̱ex ban quex-iloc re lix lokꞌal, lix cuanquilal ut li sachba chꞌo̱lej,

Q'eqchi Bible

² Anaqwan chek'e reetal leetijb'al xb'aan li Qaawa' leeYos (leeralal eek'ajol ink'a' neke'xnaw chi moko rilomeb'). Chetawaq ru li xnimal xwankil, eb' li sachb'ach'oolej,

Deuteronomio 11:2 ပူးပေါင်းရင်းမြစ်များ

Hechos 26:22

Abanan la̱in tenkꞌanbilin xban li Dios toj chalen anakcuan. Yo̱quin chixchꞌolobanquil li ya̱l chirix li cꞌaꞌru ta̱cꞌulma̱nk. Ninchꞌolob xya̱lal chiruheb chixjunileb, li cuanqueb xcuanquil joꞌ ajcuiꞌ li ma̱cꞌaꞌeb xcuanquil. Ma̱cꞌaꞌ junak aqꞌuil naꞌleb yo̱quin chixyebal. Li yo̱quin chixyebal, aꞌan ajcuiꞌ li queꞌxchꞌolob xya̱lal eb li profeta ut laj Moisés.

Proverbios 22:19

Nacuaj xqꞌuebal e̱naꞌleb anakcuan re nak te̱nau ut re ajcuiꞌ nak te̱cacuubresi e̱chꞌo̱l riqꞌuin li Ka̱cuaꞌ.

Deuteronomio 29:10

Anakcuan xakxo̱quex arin chiru li Ka̱cuaꞌ le̱ Dios. Cuanquex che̱junilex joꞌ eb ajcuiꞌ li nequeꞌcꞌamoc be che̱ru ut eb li nequeꞌtaklan saꞌ e̱be̱n. Cuanqueb chixjunileb li cui̱nk.

Deuteronomio 9:26

Quintijoc chiru li Ka̱cuaꞌ ut quinye re: At nimajcual Dios, ma̱sach ru li tenamit aꞌin xban nak aꞌineb la̱ tenamit li cacoleb riqꞌuin lix nimal a̱cuanquil nak cacuisiheb chak Egipto.

Deuteronomio 8:19

Abanan cui la̱ex ta̱sachk saꞌ e̱chꞌo̱l li Ka̱cuaꞌ le̱ Dios ut cui te̱cuikꞌib e̱rib chiruheb li jalanil dios re xlokꞌoninquileb, la̱in ninye e̱re nak relic chi ya̱l ta̱sachekꞌ e̱ru.

Deuteronomio 7:19

Riqꞌuin xnakꞌ e̱ru la̱ex xeril li sachba chꞌo̱lej ut li milagro li quixba̱nu li Ka̱cuaꞌ riqꞌuin xnimal xcuanquil nak quexrisi saꞌ li raylal li cuanquex cuiꞌ. Ut joꞌcan ajcuiꞌ tixba̱nu li Ka̱cuaꞌ le̱ Dios riqꞌuineb li tenamit aꞌin li yo̱queb chixqꞌuebal e̱xiu.

Deuteronomio 5:24

Ut queꞌxye cue, “Li Ka̱cuaꞌ li kaDios quixcꞌut chiku lix lokꞌal ut lix cuanquilal. Xkabi lix ya̱b xcux nak quia̱tinac chak saꞌ li xam. Nakanau nak li Dios naru naa̱tinac riqꞌuineb li cui̱nk ut incꞌaꞌ teꞌca̱mk li cui̱nk.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

Deuteronomio 3:24

At nimajcual Dios, la̱in aj cꞌanjel cha̱cuu. Xatiquib xcꞌutbal la̱ cuanquilal chicuu. Ninnau nak kꞌaxal nim la̱ cuanquil xban nak ma̱cꞌaꞌ chic junak dios tixba̱nu joꞌ nacaba̱nu la̱at. Ma̱ jun cuan, chi moco saꞌ choxa, chi moco saꞌ ruchichꞌochꞌ.

Salmos 136:12

Corisi chak riqꞌuin xnimal xcuanquil xban nak kꞌaxal nim li ruxta̱n saꞌ kabe̱n junelic.

Isaías 53:5

Abanan ma̱cꞌaꞌ xma̱c aꞌan. Yal xban li kama̱c ban la̱o nak quixcꞌul li raylal. Quisaqꞌueꞌ xban li kama̱usilal. Riqꞌuin li rahobtesi̱c li quixcꞌul, quixqꞌue ke li tuktu̱quil usilal ut riqꞌuin lix yocꞌolal, coxqꞌuirtesi.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Josué 24:31

Ut eb laj Israel queꞌcꞌanjelac chiru li Ka̱cuaꞌ nak toj yoꞌyo laj Josué. Joꞌcan ajcuiꞌ queꞌxba̱nu chiruheb laj cꞌamol be li toj queꞌcana nak quicam laj Josué xban nak eb aꞌan queꞌxnau chixjunil li joꞌ qꞌuial li usilal quixba̱nu li Ka̱cuaꞌ reheb laj Israel.