Deuteronomio 11:12 - Li Santil hu

¹² Li naꞌajej aꞌan lokꞌ chiru li Ka̱cuaꞌ le̱ Dios. Aꞌan na-iloc re junelic chalen saꞌ xticlajic li chihab junju̱nk toj saꞌ rosoꞌjic.

Q'eqchi Bible

¹² Li Qaawa' laaYos na'ilok re li ch'och' a'an; li ru li Qaawa' laaYos wank junelik sa' xb'een, chalen chaq sa' xtiklajik li chihab' toj sa' xraqik.

Deuteronomio 11:12 ပူးပေါင်းရင်းမြစ်များ

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

1 Reyes 9:3

Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

Salmos 33:18

Abanan li Ka̱cuaꞌ aꞌan na-iloc reheb li nequeꞌxxucua ru ut li nequeꞌroybeni li rusilal.

Salmos 34:15

Li Ka̱cuaꞌ aꞌan naril li cꞌaꞌru nequeꞌxcꞌul li ti̱queb xchꞌo̱l ut naxtenkꞌaheb. Aꞌan narabi nak nequeꞌxtzꞌa̱ma xtenkꞌanquil chiru.

Esdras 5:5

Abanan li Ka̱cuaꞌ Dios yo̱ chi iloc reheb li yo̱queb chi cꞌamoc be chiruheb laj judío ut incꞌaꞌ quixakaba̱c li cꞌanjel. Quitakla̱c jun li hu riqꞌuin li rey Darío re nak tixsume chak ut tixye reheb ma teꞌxcanab li cꞌanjel malaj ut incꞌaꞌ.

2 Reyes 18:32

toj retal nak texincꞌam chi cua̱nc saꞌ junak chic naꞌajej kꞌaxal cha̱bil joꞌ le̱ naꞌaj. Aran na-el nabal li uvas ut na-el nabal li trigo. Cua̱nk e̱vino ut cua̱nk e̱caxlan cua. Cua̱nk nabal li olivos ut li aceite joꞌ ajcuiꞌ li xyaꞌal cab. Cui te̱ba̱nu li cꞌaꞌru ninye la̱in, sa chic texcua̱nk ut incꞌaꞌ texca̱mk. Me̱pa̱b li cꞌaꞌru naxye laj Ezequías xban nak yo̱ che̱balakꞌinquil nak naxye e̱re nak li Ka̱cuaꞌ ta̱colok e̱re.

Salmos 65:11

Xban xnimal la̱ cuusilal nabal li nakꞌolman. Yalak bar chꞌinaꞌus li acui̱mk ut osobtesinbil a̱ban.

Isaías 36:17

toj retal nak texincꞌam chi cua̱nc saꞌ jalan chic naꞌajej kꞌaxal cha̱bil joꞌ le̱ naꞌaj. Aran na-el nabal li uvas ut na-el nabal li trigo. Cua̱nk e̱vino ut cua̱nk e̱caxlan cua.