Deuteronomio 11:1 - Li Santil hu

¹ Cherahak biꞌ li Ka̱cuaꞌ le̱ Dios ut te̱ba̱nu li cꞌaꞌru naxye saꞌ li chakꞌrab ut le̱ taklanquil xban. Junelic te̱ba̱nu li cꞌaꞌru naxye ut li cꞌaꞌru tenebanbil saꞌ e̱be̱n xba̱nunquil.

Q'eqchi Bible

¹ “Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil.

Deuteronomio 11:1 ပူးပေါင်းရင်းမြစ်များ

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Deuteronomio 10:12

¿Cꞌaꞌru naraj li Ka̱cuaꞌ le̱ Dios e̱riqꞌuin nak nequecꞌoxla la̱ex aj Israel? Li cꞌaꞌru naraj li Dios, aꞌan nak la̱ex te̱xucua ru li Ka̱cuaꞌ le̱ Dios, ut texcua̱nk joꞌ naraj aꞌan. Te̱ra ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Zacarías 3:7

—Joꞌcaꞌin xye li Ka̱cuaꞌ li nimajcual Dios: Cui tatcua̱nk joꞌ nacuaj ut cui ta̱ba̱nu li cꞌaꞌru ninye, la̱at tat-ilok re li cuochoch ut la̱at ajcuiꞌ tat-ilok re chixjunil li neba̱l li cuan chire li cuochoch. Cui ta̱ba̱nu aꞌin tinqꞌue a̱naꞌaj saꞌ xya̱nkeb li cuanqueb arin.

Levítico 8:35

Texcana̱k chiru li oqueba̱l re li tabernáculo chiru cuukub cutan ut cuukub kꞌojyi̱n. Te̱ba̱nu joꞌ xye li Ka̱cuaꞌ re nak incꞌaꞌ texca̱mk xban nak joꞌcan quixye cue li Ka̱cuaꞌ, chan laj Moisés.

Salmos 116:1

La̱in ninra li nimajcual Dios xban nak aꞌan narabi nak nintzꞌa̱ma intenkꞌanquil chiru.

Salmos 105:45

Li Dios quixba̱nu chi joꞌcan re nak eb laj Israel teꞌxqꞌue xcuanquil lix chakꞌrab ut teꞌxba̱nu li cꞌaꞌru naxye. Lokꞌoninbil taxak ru li nimajcual Dios.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Levítico 18:30

Joꞌcan nak la̱ex cheba̱nuhak li cꞌaꞌru nequexinchakꞌrabi cuiꞌ. Me̱tzol xba̱nunquil li ma̱usilal li queꞌxba̱nu li tenamit li cuanqueb aran nak toj ma̱jiꞌ nequex-oc la̱ex. Me̱mux e̱rib chixba̱nunquil aꞌan. La̱in li Ka̱cuaꞌ le̱ Dios xinyehoc re aꞌin.

Levítico 22:9

Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Deuteronomio 11:13

Joꞌcan nak cheba̱nu li cꞌaꞌru naxye saꞌ li chakꞌrab li xinqꞌue e̱re anakcuan. Te̱ra li Ka̱cuaꞌ le̱ Dios ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Deuteronomio 11:22

Cheba̱nu chi anchal e̱chꞌo̱l chixjunil li chakꞌrab li xinye e̱re. Ut cherahak li Ka̱cuaꞌ le̱ Dios ut cheba̱nu chixjunil le̱ taklanquil xban. Te̱ba̱nu chi anchal e̱chꞌo̱l li cꞌaꞌru naxye e̱re.

Ezequiel 20:19

La̱in li Ka̱cuaꞌ le̱ Dios. Cheqꞌuehak saꞌ e̱chꞌo̱l li naxye saꞌ lin chakꞌrab. Cheba̱nuhak chi tzꞌakal li cꞌaꞌru ninye e̱re.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

Deuteronomio 27:10

Joꞌcan nak tento nak te̱ba̱nu li cꞌaꞌru tixye e̱re ut te̱ba̱nu li cꞌaꞌru naxye saꞌ li chakꞌrab li yo̱quin chixqꞌuebal e̱re anakcuan.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.