Deuteronomio 10:9 - Li Santil hu

⁹ Xban aꞌan nak eb laj levita incꞌaꞌ teꞌxcꞌul lix chꞌochꞌ joꞌ teꞌxcꞌul eb li rech aj Israel. Lix ma̱taneb aꞌan, aꞌan li cꞌanjelac chiru li Dios, joꞌ quixye li Ka̱cuaꞌ.

Q'eqchi Bible

⁹ Xb'aan a'an eb' laj Leví ink'a' ke'xk'ul xch'och'eb' jo' ke'xk'ul eb' li rech aj Israelil: a' li Qaawa' a'an li reechanihomeb', kama' yeeb'il chaq reheb' xb'aan li Qaawa' laaYos.)

Deuteronomio 10:9 ပူးပေါင်းရင်းမြစ်များ

Ezequiel 44:28

Eb laj tij incꞌaꞌ teꞌqꞌuehekꞌ xchꞌochꞌeb aran Israel. Caꞌaj cuiꞌ la̱in li tineꞌre̱chani. Caꞌaj cuiꞌ la̱in tinqꞌuehok reheb li cꞌaꞌru nequeꞌraj.

Josué 14:3

Li cuib te̱p chi ralal xcꞌajol laj Israel ac xeꞌxcꞌul li reheb aꞌan jun pacꞌal li nimaꞌ Jordán rochbeneb li yijach li ralal xcꞌajol laj Manasés. Eb li ralal xcꞌajol laj Leví incꞌaꞌ quiqꞌueheꞌ xchꞌochꞌeb.

Números 26:62

Nak queꞌajla̱c chixjunileb li cui̱nk aj Leví quiticla riqꞌuineb li cuan jun po reheb. Ut queꞌajla̱c ajcuiꞌ li ni̱nkeb. Jalan nak quitzꞌi̱ba̱c xcꞌabaꞌeb xban nak incꞌaꞌ queꞌqꞌueheꞌ xchꞌochꞌeb. Oxib xcaꞌcꞌa̱l mil (23,000) chixjunileb li cui̱nk aj levita.

Hechos 8:21

La̱at incꞌaꞌ ta̱ru̱k ta̱cꞌul li ma̱tan aꞌin xban nak moco ti̱c ta la̱ chꞌo̱l chiru li Dios.

Deuteronomio 12:12

Ut nak cua̱nkex saꞌ li naꞌajej aꞌan ta̱sahokꞌ saꞌ e̱chꞌo̱l la̱ex chiru li Ka̱cuaꞌ le̱ Dios. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, ut eb le̱ mo̱s cui̱nk ut eb le̱ mo̱s ixk ut e̱rochben ajcuiꞌ eb laj levita li cuanqueb saꞌ e̱ya̱nk. Eb aꞌan incꞌaꞌ queꞌxcꞌul lix naꞌajeb.

Deuteronomio 14:27

Ut julticokꞌ e̱re xqꞌuebal reheb laj levita li cuanqueb saꞌ le̱ tenamit xban nak eb aꞌan incꞌaꞌ xeꞌxcꞌul lix chꞌochꞌ joꞌ nak xecꞌul la̱ex.

Deuteronomio 14:29

Li tzacae̱mk aꞌin reheb laj levita xban nak incꞌaꞌ xeꞌxcꞌul lix chꞌochꞌeb. Ut reheb ajcuiꞌ li jalaneb xtenamit, li ma̱cꞌaꞌ xnaꞌ xyucuaꞌ ut reheb ajcuiꞌ li xma̱lcaꞌan li cuanqueb saꞌ le̱ tenamit. Eb aꞌan ta̱ru̱k teꞌtzaca̱nk toj ta̱cꞌojla̱k xchꞌo̱leb. Ut li Ka̱cuaꞌ le̱ Dios texrosobtesi re nak us tex-e̱lk riqꞌuin chixjunil li cꞌaꞌru te̱ba̱nu.