Deuteronomio 10:8 - Li Santil hu

⁸ Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Q'eqchi Bible

⁸ Sa'eb' li kutan a'an li Qaawa' kixxaqab'eb' li ralal xk'ajol laj Leví chi xpaqonkil li Loq'laj Kaax wan wi' li xSumwank li Qaawa', re naq wanqeb' chi k'anjelak chiru li Qaawa' ut te'xtz'aama li rosob'tesinkileb' li tenamit. Ut jo'kan ke'xb'aanu chalen toj anaqwan.

Deuteronomio 10:8 ပူးပေါင်းရင်းမြစ်များ

Deuteronomio 21:5

Teꞌcha̱lk eb laj tij, li ralal xcꞌajol laj Leví, xban nak aꞌaneb li sicꞌbil ruheb xban li Dios chi cꞌanjelac chiru ut chixtzꞌa̱manquil nak li Dios ta̱rosobtesiheb li tenamit. Aꞌaneb li teꞌrakok re li ple̱t ut li cuechꞌi̱nc.

Deuteronomio 18:5

Teꞌxcꞌul aꞌin xban nak li Ka̱cuaꞌ le̱ Dios quixsicꞌ ruheb rochbeneb li ralal xcꞌajol saꞌ xya̱nkeb chixjunileb laj Israel re nak teꞌcꞌanjelak chiru chi junelic kꞌe cutan.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Números 3:6

—Cꞌameb chak laj levita ut ta̱xakabeb chixtenkꞌanquil laj Aarón.

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

Jeremías 15:19

Ut li Ka̱cuaꞌ quixye cue: —Cui ta̱yotꞌekꞌ a̱chꞌo̱l ut ta̱jal a̱cꞌaꞌux, la̱in tatincꞌul cuiꞌchic ut la̱at tatcꞌanjelak chicuu. Mat-a̱tinac yal chi ma̱cꞌaꞌ rajbal. Cui la̱at tat-a̱tinak saꞌ incꞌabaꞌ, la̱atak lin profeta. Ut eb li tenamit aꞌin teꞌsukꞌi̱k a̱cuiqꞌuin. Incꞌaꞌ tento nak la̱at ta̱ba̱nu li cꞌaꞌru teꞌraj eb aꞌan.

2 Crónicas 30:27

Eb laj tij ut eb laj levita queꞌxakli chixtzꞌa̱manquil chiru li Dios nak ta̱rosobtesiheb li tenamit. Ut li Dios quirabi lix tijeb toj saꞌ choxa bar nacuan cuiꞌ.

1 Crónicas 15:26

Li Dios quitenkꞌan reheb laj levita li yo̱queb chixcꞌambal li Lokꞌlaj Ca̱x Jerusalén. Queꞌxmayeja cuukub li toro ut cuukub li carner te̱lom re xlokꞌoninquil li Ka̱cuaꞌ.

Levítico 9:22

Nak quirakeꞌ xqꞌuebaleb li mayej re xtzꞌa̱manquil xcuybal li ma̱c ut li cꞌatbil mayej joꞌ ajcuiꞌ li mayej re xcꞌambal ribeb saꞌ usilal riqꞌuin li Dios, laj Aarón quixtaksi li rukꞌ saꞌ xbe̱neb li tenamit ut quixtzꞌa̱ma chiru li Dios nak ta̱rosobtesiheb li tenamit. Chirix aꞌan qui-el chiru li artal.

Gálatas 1:15

Nak toj ma̱jiꞌ ninyoꞌla, xban xnimal rusilal, li Dios ac xsicꞌ chak cuu re tincꞌanjelak chiru.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Romanos 12:7

Li ani qꞌuebil xma̱tan re tenkꞌa̱nc, chitenkꞌa̱nk chi sa saꞌ xchꞌo̱l. Li ani qꞌuebil xma̱tan chixtzolbaleb li ras ri̱tzꞌin, chixtzolakeb saꞌ xya̱lal.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Hechos 13:2

Nak yo̱queb chi tijoc chiru li Dios ut chi ayunic, li Santil Musikꞌej quixye reheb: —Qꞌuehomakeb xjuneseb laj Saulo ut laj Bernabé re nak teꞌxba̱nu li cꞌanjel aꞌin li sicꞌbileb cuiꞌ ru inban, chan.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

Ezequiel 44:11

Eb aꞌan naru teꞌcꞌanjelak saꞌ lin templo joꞌ mo̱s. Teꞌxcꞌacꞌale li oqueba̱l. Teꞌxcamsiheb li xul li naqꞌueheꞌ chokꞌ xmayejeb li tenamit. Teꞌcꞌanjelak chiruheb li tenamit.

Salmos 135:2

Cheqꞌuehak taxak xlokꞌal li nimajcual Dios la̱ex li cuanquex saꞌ lix templo. Cheqꞌuehak taxak xlokꞌal li Ka̱cuaꞌ la̱ex li cuanquex saꞌ li neba̱l li cuan chiru lix templo.

Salmos 134:2

Chelokꞌonihak li Ka̱cuaꞌ chi sa saꞌ e̱chꞌo̱l saꞌ lix templo. Taksihomak le̱ rukꞌ retalil nak yo̱quex chixqꞌuebal xlokꞌal li Ka̱cuaꞌ.

2 Crónicas 29:11

La̱ex aj levita, me̱canab cꞌanjelac chiru li Ka̱cuaꞌ, xban nak li Ka̱cuaꞌ, aꞌan li quisicꞌoc e̱ru re nak junelic cua̱nkex riqꞌuin ut texcꞌanjelak chiru ut re nak te̱cꞌat li incienso chiru, chan laj Ezequías.

1 Crónicas 23:26

Chi joꞌcan eb laj levita incꞌaꞌ chic tento nak teꞌxcꞌam yalak bar lix tabernáculo li Ka̱cuaꞌ, chi moco li cꞌaꞌru nacꞌanjelac saꞌ li tabernáculo, chan laj David.

1 Reyes 8:6

Eb laj tij queꞌrocsi li Lokꞌlaj Ca̱x saꞌ li templo ut queꞌxcanab saꞌ li Lokꞌlaj Santil Naꞌajej rubel lix xiqꞌueb li querubines.

Deuteronomio 17:12

Cui cuan junak naxkꞌetkꞌeti rib chiruheb laj tij ut laj rakol a̱tin ut incꞌaꞌ tixba̱nu li teꞌxye eb aꞌan li yo̱queb chi cꞌanjelac chiru li Ka̱cuaꞌ le̱ Dios, tento nak ta̱teneba̱k ca̱mc saꞌ xbe̱n aꞌan. Tento nak te̱risi li ma̱usilal saꞌ e̱ya̱nk la̱ex aj Israel.

Números 3:31

Saꞌ xcue̱nteb aꞌan kꞌaxtesinbil li Lokꞌlaj Ca̱x, li me̱x, lix naꞌaj li candil, eb li artal, ut li cꞌaꞌak re ru li nacꞌanjelac saꞌ li tabernáculo, joꞌ ajcuiꞌ li nimla tꞌicr li naramoc re li Lokꞌlaj Santil Naꞌajej, ut chixjunil li nacꞌanjelac saꞌ li Santil Naꞌajej.

Levítico 8:9

Ut chirix aꞌan laj Moisés quixqꞌue li tꞌicr li nequeꞌxbacꞌ saꞌ xjolom, mitra xcꞌabaꞌ ut chiru aꞌan quixqꞌue jun pere̱l li oro retalil nak aꞌan kꞌaxtesinbil re li Ka̱cuaꞌ. Laj Moisés quixba̱nu joꞌ quiyeheꞌ re xban li Dios.

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

1 Crónicas 15:2

Ut laj David quixye: —Lix Lokꞌlaj Ca̱x li Ka̱cuaꞌ incꞌaꞌ naru nacꞌameꞌ xban yalak ani. Caꞌaj eb cuiꞌ laj levita naru nequeꞌcꞌamoc re xban nak aꞌaneb li queꞌsiqꞌueꞌ ruheb xban li Ka̱cuaꞌ chixcꞌambal li Lokꞌlaj Ca̱x ut chi cꞌanjelac chiru chi junelic, chan.

Salmos 134:1

Chelokꞌonihak li nimajcual Dios che̱junilex la̱ex li nequexcꞌanjelac chiru. Cheqꞌue xlokꞌal li Ka̱cuaꞌ che̱junilex la̱ex li nequexcꞌanjelac saꞌ lix templo chiru kꞌojyi̱n.

Deuteronomio 21:3

Ut eb li nequeꞌcꞌamoc be saꞌ li tenamit li cuan chi nachꞌ riqꞌuin li camenak teꞌxchap jun li cuacax li toj ma̱jiꞌ xcꞌanjelac, li ma̱ jun sut qꞌuebil yugo chirix xcux.

1 Crónicas 23:13

Eb li ralal laj Amram, aꞌan laj Aarón ut laj Moisés. Laj Aarón, joꞌ eb ajcuiꞌ li ralal xcꞌajol, aꞌaneb li queꞌsiqꞌueꞌ ruheb chi cꞌanjelac chi junelic chiru li Dios chokꞌ aj tij re xba̱nunquil li santil cꞌanjel li kꞌaxal lokꞌ. Queꞌxakaba̱c chixcꞌatbal li incienso ut chi cꞌanjelac chiru li Ka̱cuaꞌ ut chixtzꞌa̱manquil chiru li Ka̱cuaꞌ nak ta̱rosobtesiheb li tenamit.