Deuteronomio 10:2 - Li Santil hu

² La̱in tintzꞌi̱ba chiru li pec li a̱tin li quintzꞌi̱ba chiru li pec li xajor. Ut la̱at ta̱xoqueb saꞌ li ca̱x li ta̱yi̱b”, chan.

Q'eqchi Bible

² Chiruheb' a'an laa'in tintz'iib'a eb' li aatin tz'iib'anb'ileb' xb'enwa chiruheb' li perpookil pek li xajor, ut taak'uula sa' li kaax», chan we.

Deuteronomio 10:2 ပူးပေါင်းရင်းမြစ်များ

1 Reyes 8:9

Ma̱cꞌaꞌ cuan chi saꞌ li Lokꞌlaj Ca̱x aꞌan. Caꞌaj cuiꞌ li cuib pere̱l chi pec li tzꞌi̱banbil cuiꞌ li chakꞌrab. Laj Moisés quixqꞌueheb saꞌ li Lokꞌlaj Ca̱x aran Horeb nak li Dios quixba̱nu li contrato riqꞌuineb li ralal xcꞌajol laj Israel nak queꞌel chak saꞌ li tenamit Egipto.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Deuteronomio 10:5

Ut la̱in quincube cuiꞌchic riqꞌuineb ut quinqꞌue li pec saꞌ li ca̱x li quinyi̱b joꞌ quixye cue li Ka̱cuaꞌ. Ut aran xocxo anakcuan.

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

Éxodo 40:20

Ut quixqꞌue li laje̱b chi chakꞌrab chi saꞌ li Lokꞌlaj Ca̱x ut quixyi̱b ajcuiꞌ li cheꞌ re xpakonquil. Quixqꞌue xtzꞌapbal re li Lokꞌlaj Ca̱x, li “Naꞌajej li Nacuyeꞌ cuiꞌ li Ma̱c” xcꞌabaꞌ.

Éxodo 34:1

Li Dios quixye re laj Moisés: —Ta̱ti̱cobresi ru cuibak li pec joꞌ li cuib li xajor junxil. Ut chiruheb aꞌan la̱in tintzꞌi̱ba lin chakꞌrab li xcuan chiruheb li xajor.

2 Crónicas 5:10

Ma̱cꞌaꞌ cuan chi saꞌ li Lokꞌlaj Ca̱x. Caꞌaj cuiꞌ li cuib chi perpo̱quil pec li quixqꞌue laj Moisés chi saꞌ nak cuan chak saꞌ li tzu̱l Horeb. Chiru li pec aꞌan tzꞌi̱banbil li contrato li quixba̱nu li Ka̱cuaꞌ riqꞌuineb laj Israel nak queꞌel chak saꞌ li tenamit Egipto.

Éxodo 32:19

Laj Moisés quijiloc chixcꞌatk lix muheba̱leb. Quiril li cuacax oro ut quiril nak yo̱queb chi xajoc chiru. Cꞌajoꞌ nak quichal xjoskꞌil. Ut xban xjoskꞌil quixcut chi chꞌochꞌ li cuib chi perpo̱quil pec li cuan saꞌ rukꞌ ut aran queꞌjoreꞌ saꞌ xto̱n li tzu̱l.