Deuteronomio 1:7 - Li Santil hu

⁷ Xocomak li cꞌaꞌru e̱re ut texxic saꞌ li naꞌajej li tzu̱l ru li cuanqueb cuiꞌ eb laj amorreo. Texxic saꞌ eb li naꞌajej li cuanqueb chi xjun sutam. Texxic saꞌ li ru takꞌa re Arabá, ut saꞌ eb li tzu̱l. Ut texxic Neguev, ut chire li palau, ut saꞌ eb lix naꞌajeb laj cananeo ut li naꞌajej Líbano. Texxic toj cuan cuiꞌ li nimla nimaꞌ Éufrates.

Q'eqchi Bible

⁷ Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.

Deuteronomio 1:7 ပူးပေါင်းရင်းမြစ်များ

Deuteronomio 11:24

Chixjunil li naꞌajej li texnumekꞌ cuiꞌ, e̱rehak la̱ex. Naticla chak saꞌ li chaki chꞌochꞌ nacuulac Líbano. Naticla cuan cuiꞌ li nimaꞌ Éufrates ut nacuulac toj cuan cuiꞌ li palau Mediterráneo. Chixjunil li naꞌajej li texbe̱k cuiꞌ, e̱rehak.

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

Amós 2:9

Abanan re e̱colbal la̱ex aj Israel xebinsach laj amorreo, usta kꞌaxal ni̱nkeb rok, joꞌ li caki cheꞌ chacalteꞌ. Usta kꞌaxal cau ribeb joꞌ li ji, xebinsach chi junaj cua.

1 Crónicas 18:3

Ut quinumta ajcuiꞌ laj David saꞌ xbe̱neb laj Hadad-ezer, lix reyeb laj Soba aran Hamat nak yo̱ raj chi xic chixxakabanquil lix cuanquil saꞌ li naꞌajej li cuan chire li nimaꞌ Éufrates.

1 Crónicas 5:9

Queꞌcuan saꞌ li oriente. Naticla saꞌ li chaki chꞌochꞌ ut nacuulac cuan cuiꞌ li nimaꞌ Éufrates xban nak queꞌqꞌuian lix queto̱mkeb aran Galaad.

2 Samuel 8:3

Laj Hadad-ezer, li ralal laj Rehob, aꞌan lix reyeb laj Soba. Nak yo̱ raj chi xic laj Hadad-ezer chire̱chaninquil cuiꞌchic li naꞌajej chire li nimaꞌ Éufrates, laj David quinumta saꞌ xbe̱neb.

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Josué 1:4

Tinqꞌue e̱re li naꞌajej li naticla chak saꞌ li chaki chꞌochꞌ li cuan saꞌ li sur ut toj cuan cuiꞌ li tzu̱l Líbano li cuan saꞌ li norte. Ut tinqꞌue e̱re lix naꞌajeb laj heteo. Nacuulac toj cuan cuiꞌ li nimaꞌ Éufrates li cuan saꞌ li este. Ut ta̱cuulak toj cuan cuiꞌ li nimla palau Mediterráneo li cuan saꞌ li oeste. E̱rehak chic chixjunil li naꞌajej aꞌan.

Deuteronomio 11:11

Abanan li naꞌajej li xic cuiꞌ e̱re, aꞌan jun cha̱bil naꞌajej. Cuan tzu̱l ut cuan ru takꞌa ut tꞌakresinbil xban li hab li naxqꞌue chak li Dios.

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Apocalipsis 9:14

Quixye re li xcuak ángel li cuan xtrompeta riqꞌuin: —Hiteb li ca̱hib chi ángel li bacꞌbo̱queb chire li nimaꞌ Éufrates, chan.

Génesis 12:9

Laj Abram qui-oc cuiꞌchic chi xic saꞌ li naꞌajej Neguev.

Deuteronomio 1:19

La̱o kaba̱nu joꞌ quixye ke li Ka̱cuaꞌ li kaDios. Co-el saꞌ li naꞌajej Horeb ut conumeꞌ saꞌ li nimla chaki chꞌochꞌ li xiu xiu cuiꞌ numecꞌ. Queqꞌue ajcuiꞌ retal la̱ex. Conumeꞌ saꞌ lix naꞌajeb laj amorreo, li tzu̱l ru ut cocuulac toj Cades-barnea.

Números 10:12

Joꞌcan nak eb laj Israel queꞌel saꞌ li chaki chꞌochꞌ li cuan Sinaí ut queꞌco̱eb. Ut li chok yo̱ chi cꞌamoc be chiruheb toj retal quicuulac saꞌ li chaki chꞌochꞌ Parán ut aran quixakli.

Josué 9:1

Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

1 Crónicas 27:29

Laj Sitrai, Sarón xtenamit, aꞌan li najolomin reheb li nequeꞌcꞌacꞌalen reheb li queto̱mk li cuanqueb aran Sarón. Ut laj Safat li ralal laj Adlai, aꞌan li najolomin reheb li nequeꞌcꞌacꞌalen reheb li queto̱mk li cuanqueb saꞌ eb li ru takꞌa.