Deuteronomio 1:2 - Li Santil hu

² Junlaju cutan chi be xnajtil li naꞌajej Horeb riqꞌuin li naꞌajej Cades-barnea nak nequeꞌxic saꞌ li be li nanumeꞌ saꞌ li tzu̱l Seir.

Q'eqchi Bible

² Chalen chaq Horeb toj Kadés-Barné, nab'eeniik chiru junlaju kutan sa' xb'ehil li tzuul Seír.

Deuteronomio 1:2 ပူးပေါင်းရင်းမြစ်များ

Números 13:26

Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

Números 32:8

Joꞌcan ajcuiꞌ queꞌxba̱nu le̱ xeꞌto̱nil yucuaꞌ aran Cades-barnea nak quintaklaheb chixqꞌuebal retal li naꞌajej aꞌan.

Deuteronomio 9:23

Ut aran Cades-barnea li Ka̱cuaꞌ quixye e̱re: Texxic anakcuan chire̱chaninquil li naꞌajej li quinqꞌue e̱re, chan. Abanan la̱ex quekꞌet li ra̱tin li Ka̱cuaꞌ le̱ Dios. Incꞌaꞌ quepa̱b li cꞌaꞌru quixye e̱re chi moco queba̱nu li quixye.

Josué 14:6

Saꞌ jun li cutan queꞌcuulac Gilgal li ralal xcꞌajol laj Judá chi a̱tinac riqꞌuin laj Josué. Laj Caleb, li ralal laj Jefone, Cenaz xtenamit, quixye re laj Josué: —La̱at ac nacanau li cꞌaꞌru quixye li Ka̱cuaꞌ re laj Moisés, laj cꞌanjel chiru, nak quia̱tinac riqꞌuin saꞌ li naꞌajej Cades-barnea cha̱cuix la̱at ut chicuix ajcuiꞌ la̱in.

Deuteronomio 2:8

Joꞌcan nak co-el Seir, li naꞌajej li tzu̱l ru li cuanqueb cuiꞌ li ralal xcꞌajol laj Esaú li kechꞌalal. Kacanab li be re Arabá li naxic Elat ut Ezión-geber. Ut conumeꞌ cuiꞌchic saꞌ li be saꞌ li chaki chꞌochꞌ re Moab.

Deuteronomio 2:4

Ta̱ye reheb laj Israel chi joꞌcaꞌin: Oc e̱re chi numecꞌ saꞌ lix naꞌajeb li ralal xcꞌajol laj Esaú, le̱ rechꞌalal li cuanqueb saꞌ li naꞌajej Seir. Eb aꞌan teꞌxucuak che̱rilbal, abanan la̱ex te̱ba̱nu cue̱nt.

Deuteronomio 1:44

Eb laj amorreo li cuanqueb saꞌ li naꞌajej li tzu̱l ru queꞌel che̱cꞌulbal. Chanchaneb jun tu̱b li chꞌub nak queꞌchal saꞌ e̱be̱n. Ut quexra̱lina toj Horma. Queꞌnumta saꞌ e̱be̱n saꞌ li naꞌajej Seir.

Levítico 9:23

Laj Moisés rochben laj Aarón queꞌoc saꞌ li tabernáculo. Ut nak queꞌel queꞌxtzꞌa̱ma chiru li Dios nak ta̱rosobtesiheb li tenamit. Ut li Ka̱cuaꞌ quixcꞌutbesi lix lokꞌal chiruheb chixjunileb li tenamit.

Levítico 2:14

Nak te̱qꞌue li xbe̱n ru le̱ racui̱mk chokꞌ e̱mayej chiru li Ka̱cuaꞌ, te̱qꞌuili li ju̱nk chijil nak toj rax. Nak acak xeqꞌuili, te̱ten ut te̱qꞌue li ru chokꞌ e̱mayej.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

Éxodo 17:6

Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios.

Deuteronomio 1:19

La̱o kaba̱nu joꞌ quixye ke li Ka̱cuaꞌ li kaDios. Co-el saꞌ li naꞌajej Horeb ut conumeꞌ saꞌ li nimla chaki chꞌochꞌ li xiu xiu cuiꞌ numecꞌ. Queqꞌue ajcuiꞌ retal la̱ex. Conumeꞌ saꞌ lix naꞌajeb laj amorreo, li tzu̱l ru ut cocuulac toj Cades-barnea.

Deuteronomio 2:1

Chirix aꞌan cosukꞌi ut co̱o saꞌ li chaki chꞌochꞌ saꞌ li Caki Palau joꞌ quixye cue li Ka̱cuaꞌ. Najt kabeni kib saꞌ li naꞌajej Seir, li tzu̱l ru.