Deuteronomio 1:16 - Li Santil hu

¹⁶ Ut la̱in quinye reheb li teꞌrakok a̱tin saꞌ e̱be̱n, “Te̱qꞌue retal chi us li cꞌaꞌru nequeꞌxye li yo̱queb chi cuechꞌi̱nc. Ut texrakok a̱tin saꞌ xya̱lal saꞌ xbe̱neb, usta a̱cuech aj Israelil malaj ut li jalan xtenamit li cuanqueb saꞌ e̱ya̱nk.

Q'eqchi Bible

¹⁶ Jo'kan ajwi' kinye li aatin a'in reheb' laj raqol aatin: «Teerab'i li k'aru neke'xk'ul leeras eeriitz'in ut texraqoq aatin sa' tiikilal sa' xyanq junaq winq ut li ras riitz'in malaj junaq jalan xtenamit.

Deuteronomio 1:16 ပူးပေါင်းရင်းမြစ်များ

San Juan 7:24

Mexrakoc a̱tin joꞌ nequeraj la̱ex yal e̱junes. Chexrakok ban a̱tin saꞌ xya̱lal, chan li Jesús.

Levítico 24:22

Li chakꞌrab aꞌin tenebanbil saꞌ xbe̱neb laj Israel joꞌ eb ajcuiꞌ li jalaneb xtenamit. La̱in li Ka̱cuaꞌ le̱ Dios.—

Éxodo 22:21

Me̱balakꞌiheb li jalaneb xtenamit chi moco te̱ba̱nu raylal reheb, xban nak jalan ajcuiꞌ e̱tenamit la̱ex nak quexcuan chak saꞌ li tenamit Egipto.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

1 Timoteo 5:21

Joꞌ chiru li Dios, joꞌ chiru li Ka̱cuaꞌ Jesucristo, joꞌ ajcuiꞌ chiruheb li santil ángel, la̱in nintzꞌa̱ma cha̱cuu nak ta̱ba̱nu la̱ taklanquil yo̱quin chixyebal a̱cue. Ut incꞌaꞌ ta̱sicꞌ ru junak. Juntakꞌe̱takeb ban chixjunileb nak ta̱cuileb. Jun xxiquic nak ta̱kꞌuseb li ani cuanqueb xma̱c.

Salmos 58:1

La̱ex li cuanquex saꞌ e̱cuanquil, ¿ma tzꞌakal ya̱l nak yo̱quex chi rakoc a̱tin saꞌ ti̱quilal? ¿Ma saꞌ xya̱lal yo̱quex chixba̱nunquil le̱ cꞌanjel?

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

Deuteronomio 31:14

Li Ka̱cuaꞌ quixye re laj Moisés: —Cuulac re xkꞌehil nak tatca̱mk. Ta̱bok chak laj Josué ut saꞌ cuibal texxic saꞌ li tabernáculo re nak tinxakab laj Josué saꞌ xcꞌanjel, chan. Ut laj Moisés ut laj Josué queꞌco̱eb saꞌ li tabernáculo ut queꞌxakli chiru li Ka̱cuaꞌ.

Deuteronomio 27:11

Saꞌ li cutan aꞌan laj Moisés quixye reheb laj Israel:

Deuteronomio 24:14

Me̱rahobtesiheb le̱ mo̱s nebaꞌ li tenkꞌa̱c naraj, usta le̱ rech aj Israelil usta jalan xtenamit li cuan saꞌ e̱ya̱nk.

Números 27:19

Ta̱cꞌam riqꞌuin laj Eleazar laj tij, ut ta̱xakab chiru ut chiruheb ajcuiꞌ chixjunileb laj Israel. Ut la̱at ta̱qꞌue li cꞌanjel saꞌ xbe̱n.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Deuteronomio 1:15

Joꞌcan nak la̱in quinxakabeb chi rakoc a̱tin saꞌ e̱be̱n li cui̱nk li nequeꞌcꞌamoc be saꞌ e̱ya̱nk, li cuanqueb xnaꞌleb ut nequeꞌxnau takla̱nc. Cuan li queꞌrakoc a̱tin saꞌ xbe̱n jun mil li cristian, cuan li queꞌrakoc a̱tin saꞌ xbe̱n jun ciento, cuan li queꞌrakoc a̱tin saꞌ xbe̱n laje̱b roꞌcꞌa̱l, ut cuan ajcuiꞌ li queꞌrakoc a̱tin saꞌ xbe̱n laje̱b chi cristian.

Deuteronomio 25:1

Cui cuan li yo̱queb chi pletic, eb aꞌan teꞌxic riqꞌuin laj rakol a̱tin. Ut laj rakol a̱tin tixtzꞌil rix li ani cuan xma̱c ut li ani ma̱cꞌaꞌ xma̱c.

Proverbios 31:9

Chat-a̱tinak chirixeb ut chatrakok a̱tin saꞌ xya̱lal saꞌ xbe̱neb. Chatenkꞌaheb li nebaꞌ joꞌ eb ajcuiꞌ li tenkꞌa̱c teꞌraj.—