Daniel 9:9 - Li Santil hu

⁹ At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

Q'eqchi Bible

⁹ At Qaawa', at qaYos, laa'at aj uxtaanat ut nakatoq'ob'a qu, us ta xqaq'etq'eti qib' chawu

Daniel 9:9 ပူးပေါင်းရင်းမြစ်များ

Daniel 9:7

At Ka̱cuaꞌ, la̱at junelic nacaba̱nu li ti̱quilal, abanan la̱o xuta̱nal noco-el riqꞌuin li ma̱usilal nakaba̱nu. Chikajunilo la̱o aj Israel xoma̱cob toj chalen anakcuan, li cuanqueb Judá joꞌ ajcuiꞌ li cuanqueb Jerusalén ut chixjunileb li tenamit Israel; li cuanqueb chi nachꞌ joꞌ ajcuiꞌ li cuanqueb chi najt saꞌ chixjunileb li naꞌajej bar xajeqꞌuiheb cuiꞌ ruheb xban nak xeꞌxkꞌet li chakꞌrab li qꞌuebil reheb a̱ban.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Salmos 130:7

Ex aj Israel, chex-oybeni̱nk riqꞌuin li nimajcual Dios xban nak aꞌan na-uxta̱nan u ut aꞌan nacoloc chi tzꞌakal.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Salmos 130:4

Abanan la̱at nacacuy nacasach li kama̱c. Joꞌcan nak tento nak takaqꞌue a̱lokꞌal.

Salmos 62:12

At Ka̱cuaꞌ, la̱at li nacat-uxta̱nan u. La̱at li nacatqꞌuehoc xkꞌajca̱munquil li junju̱nk aꞌ yal chanru lix yehom xba̱nuhom.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

Nehemías 9:31

La̱at kꞌaxal nim la̱ cuuxta̱n. Joꞌcan nak incꞌaꞌ casach ruheb chi junaj cua, chi moco catzꞌekta̱naheb. La̱at kꞌaxal nim la̱ rahom ut kꞌaxal nim la̱ cuusilal.

1 Reyes 8:30

Chacuabihak taxak lin tij. Ut chacuabihak taxak lix tijeb laj Israel nak teꞌtijok saꞌ li naꞌajej aꞌin. Chacuabihak taxak li katij saꞌ li naꞌajej aꞌin li tatcua̱nk cuiꞌ. Toj saꞌ choxa taxak ta̱cuabi li katij ut ta̱cuy ta̱sach li kama̱c.

Daniel 9:6

Incꞌaꞌ xo-abin chiruheb li profeta li queꞌcꞌanjelac cha̱cuu. Eb aꞌan queꞌa̱tinac saꞌ a̱cꞌabaꞌ chiruheb li karey ut chiruheb li queꞌtaklan saꞌ kabe̱n, ut queꞌa̱tinac ajcuiꞌ riqꞌuineb li kanaꞌ kayucuaꞌ ut chiruheb chixjunileb la̱ tenamit.

Daniel 9:8

At Ka̱cuaꞌ, kꞌaxal xuta̱nal nakacꞌul la̱o joꞌqueb ajcuiꞌ li karey ut eb li nequeꞌtaklan saꞌ kabe̱n, joꞌqueb ajcuiꞌ li kanaꞌ kayucuaꞌ xban nak xoma̱cob cha̱cuu.

2 Samuel 24:14

Laj David quixye: —Kꞌaxal ra saꞌ inchꞌo̱l ut incꞌaꞌ nintau cꞌaꞌru tinba̱nu. Abanan takacanab kib saꞌ rukꞌ li Dios xban nak nim li rusilal. Incꞌaꞌ nakaj nak totꞌanekꞌ saꞌ rukꞌeb li xicꞌ nequeꞌiloc ke, chan laj David.