Daniel 9:6 - Li Santil hu

⁶ Incꞌaꞌ xo-abin chiruheb li profeta li queꞌcꞌanjelac cha̱cuu. Eb aꞌan queꞌa̱tinac saꞌ a̱cꞌabaꞌ chiruheb li karey ut chiruheb li queꞌtaklan saꞌ kabe̱n, ut queꞌa̱tinac ajcuiꞌ riqꞌuineb li kanaꞌ kayucuaꞌ ut chiruheb chixjunileb la̱ tenamit.

Q'eqchi Bible

⁶ Ink'a' xoo'ab'ink chiruheb' li propeet, laj k'anjeleb' chawu, li xe'aatinank sa' laak'ab'a' eb' li awab'ej, eb' laj k'amol qab'e, eb' li qaxe' qatoon jo'wi' chixjunil li tenamit.

Daniel 9:6 ပူးပေါင်းရင်းမြစ်များ

Daniel 9:10

Incꞌaꞌ xkapa̱b la̱ cua̱tin, at Ka̱cuaꞌ at kaDios. Incꞌaꞌ xkaba̱nu li chakꞌrab li xaqꞌue ke li queꞌxchꞌolob xya̱lal chiku eb li profeta laj cꞌanjeleb cha̱cuu.

Nehemías 9:34

Eb li karey, ut eb li nequeꞌtaklan saꞌ kaya̱nk, eb laj tij, ut eb li kanaꞌ kayucuaꞌ incꞌaꞌ queꞌxba̱nu li cꞌaꞌru naxye saꞌ li chakꞌrab li caqꞌue ke. Incꞌaꞌ queꞌraj rabinquil li caye reheb ut incꞌaꞌ queꞌxpa̱b la̱ cua̱tin li caqꞌue chokꞌ re xkꞌusbaleb.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Hechos 13:27

Li cuanqueb Jerusalén ut eb li nequeꞌtaklan saꞌ xbe̱neb li tenamit incꞌaꞌ queꞌxtau ru li queꞌxye eb li profeta. Incꞌaꞌ queꞌxnau nak li Jesús, aꞌan laj Colonel. Abanan nak queꞌxkꞌaxtesi chi ca̱mc li Jesús, quitzꞌakloc ru li a̱tin li queꞌxye li profeta, li na-ileꞌ chiruheb rajlal saꞌ li hiloba̱l cutan.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Jeremías 29:19

Teꞌxcꞌul chi joꞌcan xban nak incꞌaꞌ queꞌxpa̱b li cua̱tin li quiyeheꞌ reheb junelic xbaneb lin profetas li queꞌcꞌanjelac chicuu. Joꞌcan ajcuiꞌ la̱ex. Chi moco la̱ex li quexcꞌameꞌ chi najt xerabi li cua̱tin, chan li Ka̱cuaꞌ.

Jeremías 26:5

Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.

2 Crónicas 33:10

Li Ka̱cuaꞌ quixkꞌus laj Manasés ut quixkꞌuseb ajcuiꞌ li tenamit. Abanan eb aꞌan incꞌaꞌ queꞌabin chiru.

2 Reyes 18:12

Joꞌcaꞌin queꞌxcꞌul laj Israel li cuanqueb Samaria xban nak incꞌaꞌ queꞌxba̱nu li quixye li Ka̱cuaꞌ Dios. Queꞌxkꞌet ban li contrato. Incꞌaꞌ queꞌxpa̱b li cꞌaꞌru quixye laj Moisés laj cꞌanjel chiru li Dios, chi moco queꞌxba̱nu li cꞌaꞌru quixye.

Daniel 9:9

At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.