Daniel 9:5 - Li Santil hu

⁵ La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Q'eqchi Bible

⁵ Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Daniel 9:5 ပူးပေါင်းရင်းမြစ်များ

Malaquías 3:7

Chalen nak toj cua̱nkeb chak le̱ naꞌ e̱yucuaꞌ, la̱ex quetzꞌekta̱na li chakꞌrab li quinqꞌue e̱re ut incꞌaꞌ queba̱nu li cꞌaꞌru quinye. Sukꞌinkex cuiqꞌuin ut la̱in texincꞌul cuiꞌchic chokꞌ cualal incꞌajol, chan li nimajcual Dios. Abanan la̱ex nequeye, “¿Cꞌaꞌru xopaltoꞌ cuiꞌ nak tosukꞌi̱k a̱cuiqꞌuin?” chanquex.

Daniel 9:11

Chikajunilo la̱o aj Israel, xkakꞌet li chakꞌrab li caqꞌue ke ut incꞌaꞌ xkaba̱nu li cꞌaꞌru caye. Joꞌcan nak xtꞌaneꞌ saꞌ kabe̱n chixjunil li raylal li tzꞌi̱banbil saꞌ li chakꞌrab li caqꞌue re laj Moisés, laj cꞌanjel cha̱cuu. Xoma̱cob cha̱cuu, at Ka̱cuaꞌ.

Daniel 9:15

At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.

Salmos 106:6

Ya̱l nak xoma̱cob cha̱cuu joꞌ queꞌxba̱nu li kaxeꞌto̱nil yucuaꞌ. La̱o xkaba̱nu li ma̱usilal ut li incꞌaꞌ us.

Hebreos 3:12

Ex herma̱n, cheqꞌuehak retal nak ma̱ jun taxak saꞌ e̱ya̱nk incꞌaꞌ tixpa̱b li Dios xma̱c lix ma̱usilal. Ma̱re anchal tixtzꞌekta̱na li yoꞌyo̱quil Dios.

Oseas 1:2

Nak li Ka̱cuaꞌ quixtiquib a̱tinac riqꞌuin laj Oseas, quixye chi joꞌcaꞌin: —Sumlan riqꞌuin junak ixk aj yumbe̱t. Ut le̱ cocꞌal li teꞌcua̱nk juntakꞌe̱tak xnaꞌlebeb riqꞌuin lix naꞌeb. Ta̱ba̱nu aꞌan re xcꞌutbal chiruheb lin tenamit nak incꞌaꞌ useb lix naꞌlebeb. Chanchaneb li ixk aꞌin li yo̱ chi yumbe̱tac xban nak xineꞌxtzꞌekta̱na, chan li Ka̱cuaꞌ.

Ezequiel 6:9

Ut li joꞌ qꞌuial chic li incꞌaꞌ teꞌcamsi̱k tinjulticokꞌ reheb nak cua̱nkeb chi pre̱xil saꞌ jalan tenamit. Ta̱julticokꞌ reheb nak quirahoꞌ inchꞌo̱l chirixeb. Ta̱julticokꞌ reheb chanru nak xinqꞌueheb chi cꞌuluc raylal xban nak incꞌaꞌ xeꞌcuan saꞌ ti̱quilal chicuu ut xban ajcuiꞌ nak xineꞌxtzꞌekta̱na xban xlokꞌoninquil li jalanil dios. Aꞌaneb ajcuiꞌ teꞌecꞌa̱nk re nak incꞌaꞌ us xeꞌxba̱nu ut teꞌxuta̱na̱k xban lix ma̱usilaleb.

Lamentaciones 1:20

At Ka̱cuaꞌ, at kaDios, chaqꞌue taxak retal li raylal li yo̱co chixcꞌulbal. Ta̱qꞌue taxak retal lix rahil li kachꞌo̱l. Cꞌajoꞌ nak nayotꞌeꞌ li kachꞌo̱l xban li ma̱c xkaba̱nu. Saꞌ eb li be yo̱queb chi camsi̱c li kalal kacꞌajol ut yo̱queb ajcuiꞌ chi ca̱mc saꞌ li kochoch.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Salmos 18:21

La̱in yo̱quin chixba̱nunquil li cꞌaꞌru naraj li Ka̱cuaꞌ. Ut ma̱ jun cua xintzꞌekta̱na li Dios.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Salmos 119:102

Incꞌaꞌ nincanab xba̱nunquil li naxye la̱ chakꞌrab xban nak la̱at xatcꞌutuc chicuu lix ya̱lal.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Salmos 119:176

Ya̱l nak la̱in xinpaltoꞌ cha̱cuu. Chanchanin jun li carner sachenak. Joꞌcan nak nintzꞌa̱ma cha̱cuu nak tina̱tenkꞌa re nak tincua̱nk chi sum a̱tin a̱cuiqꞌuin. La̱in incꞌaꞌ xintzꞌekta̱na chi junaj cua la̱ chakꞌrab.

Jeremías 44:3

Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.

Lamentaciones 1:18

Li Ka̱cuaꞌ quirakoc a̱tin saꞌ kabe̱n saꞌ ti̱quilal. La̱o xkakꞌet li ra̱tin. Che̱junilex la̱ex, qꞌuehomak retal li raylal li yo̱co chixcꞌulbal. Chixjunileb li toj sa̱jeb queꞌchapeꞌ ut queꞌcꞌameꞌ chi najt, joꞌ cui̱nk, joꞌ ixk.

Lamentaciones 3:42

—La̱o xkakꞌet la̱ cua̱tin ut xoma̱cob cha̱cuu. Ut la̱at incꞌaꞌ xacuy kama̱c.

Daniel 9:9

At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

2 Reyes 18:12

Joꞌcaꞌin queꞌxcꞌul laj Israel li cuanqueb Samaria xban nak incꞌaꞌ queꞌxba̱nu li quixye li Ka̱cuaꞌ Dios. Queꞌxkꞌet ban li contrato. Incꞌaꞌ queꞌxpa̱b li cꞌaꞌru quixye laj Moisés laj cꞌanjel chiru li Dios, chi moco queꞌxba̱nu li cꞌaꞌru quixye.

2 Reyes 21:15

La̱in tinqꞌue li raylal aꞌin saꞌ xbe̱neb xban nak eb lin tenamit xeꞌma̱cob chicuu. Queꞌxchikꞌ injoskꞌil chalen nak queꞌel chak Egipto lix xeꞌto̱nil xyucuaꞌeb ut toj chalen anakcuan, chan li Dios.

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

Jeremías 14:20

At Ka̱cuaꞌ, la̱o xoma̱cob cha̱cuu. Nakanau nak incꞌaꞌ us xkaba̱nu. Ut queꞌma̱cob ajcuiꞌ cha̱cuu eb li kaxeꞌto̱nil yucuaꞌ.

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Ezequiel 5:6

Abanan eb li cuanqueb Jerusalén queꞌxkꞌet lin chakꞌrab ut incꞌaꞌ queꞌxba̱nu li cꞌaꞌru quebintakla cuiꞌ. Aꞌaneb chic li kꞌaxal xeꞌkꞌetoc re lin chakꞌrab chiruheb li tenamit li cuanqueb chixjun sutam.