Daniel 9:26 - Li Santil hu

²⁶ Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Q'eqchi Bible

²⁶ Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Daniel 9:26 ပူးပေါင်းရင်းမြစ်များ

Nahum 1:8

Nak ta̱rakok a̱tin saꞌ xbe̱neb li xicꞌ nequeꞌiloc re, chanchan nak ta̱numekꞌ li butꞌi haꞌ saꞌ xbe̱neb nak tixsacheb ru. Chanchan tixtaklaheb saꞌ li kꞌojyi̱n nak tixqꞌue li raylal saꞌ xbe̱neb ut aran teꞌosokꞌ.

Isaías 53:8

Quichapeꞌ ut quirakeꞌ a̱tin saꞌ xbe̱n ut quicꞌameꞌ chi camsi̱c, usta ma̱cꞌaꞌ xma̱c. Ut ma̱ ani qui-iloc xtokꞌoba̱l ru. Quicamsi̱c yal xban li kama̱c la̱o.

San Marcos 13:2

Li Jesús quichakꞌoc ut quixye re: —Us ajcuiꞌ nak te̱ril chi us xban nak ta̱cuulak xkꞌehil nak ma̱ jun chic li pec aꞌan ta̱cana̱k saꞌ xnaꞌaj chi incꞌaꞌ ta ta̱juqꞌuekꞌ, chan li Jesús.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

San Lucas 24:26

¿Ma incꞌaꞌ ta biꞌ tento nak tixcꞌul chixjunil li raylal aꞌin li Cristo laj Colonel li yechiꞌinbil xban li Dios re nak ta̱qꞌuehekꞌ xlokꞌal? chan reheb.

San Marcos 9:12

Ut nak quichakꞌoc li Jesús quixye reheb: —Ya̱l ajcuiꞌ tzꞌi̱banbil retalil nak laj Elías xbe̱n cua ta̱cha̱lk chixcꞌu̱banquil chixjunil li cꞌaꞌak re ru. Ut tzꞌi̱banbil ajcuiꞌ saꞌ li Santil Hu chicuix la̱in li Alalbej nak nabal li raylal tincꞌul ut tineꞌxtzꞌekta̱na.

San Mateo 24:2

Quichakꞌoc li Jesús ut quixye reheb: —Us ajcuiꞌ nak te̱ril chi us chixjunil aꞌin xban nak ta̱cuulak xkꞌehil nak ma̱ jun chic reheb li pec aꞌan ta̱cana̱k saꞌ xnaꞌaj chi incꞌaꞌ ta ta̱juqꞌuekꞌ, chan.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Daniel 11:10

Abanan eb li ralal xcꞌajol lix reyeb li cuanqueb saꞌ li norte, kꞌaxal cuiꞌchic teꞌjoskꞌokꞌ ut teꞌxtiquib xcauresinquil ribeb re pletic. Teꞌxchꞌutub nabaleb lix soldado ut teꞌxic cuiꞌchic chi pletic. Chanchanakeb jun li nimaꞌ nak teꞌoc ut ta̱cua̱nk cuiꞌchic jun nimla ple̱t nak teꞌxyal numta̱c saꞌ xbe̱neb li cuanqueb saꞌ li sur.

Daniel 9:27

Li rey aꞌan tixba̱nu jun li contrato riqꞌuin nabaleb li tenamit re jun xama̱n. Abanan chirix oxib cutan riqꞌuin jun cuaꞌleb, li rey incꞌaꞌ chic tixba̱nu li quixye saꞌ li contrato ut tixye reheb laj Israel nak incꞌaꞌ chic naru teꞌmayejak chiru li Ka̱cuaꞌ. Ut li kꞌaxal xiu xiu rilbal ta̱qꞌuehekꞌ saꞌ lix templo li Ka̱cuaꞌ. Ut aran ta̱cana̱k toj ta̱cuulak xkꞌehil nak li Ka̱cuaꞌ tixsach li rey aꞌan chi junaj cua.

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

San Juan 14:30

Incꞌaꞌ chic ta̱ru̱k tina̱tinak chi nabal e̱riqꞌuin xban nak yo̱ chi cha̱lc li nataklan saꞌ li ruchichꞌochꞌ, usta aꞌan ma̱cꞌaꞌ xcuanquil saꞌ inbe̱n la̱in.

San Lucas 24:46

Quixye reheb: —Joꞌcaꞌin tzꞌi̱banbil chak retalil saꞌ li Santil Hu chicuix la̱in: tento nak li Cristo tixcꞌul li raylal ut saꞌ rox li cutan ta̱cuacli̱k cuiꞌchic chi yoꞌyo saꞌ xya̱nkeb li camenak.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

San Marcos 13:7

Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

San Mateo 22:2

Quixye reheb: —Lix nimajcual cuanquilal li Dios chanchan jun li rey li quixninkꞌei lix sumlajic li ralal.

Amós 9:5

Li Ka̱cuaꞌ, li nimajcual Dios, aꞌan li na-ecꞌasin re li ruchichꞌochꞌ ut nahaꞌoꞌ. Ut chixjunileb li tenamit teꞌya̱bak xban xrahil xchꞌo̱leb. Nak teꞌsachekꞌ chanchan nak nasachoc li nimaꞌ Nilo li cuan Egipto nak nabutꞌin.

Amós 8:8

¿Ma incꞌaꞌ ta biꞌ ta̱ecꞌa̱nk li ruchichꞌochꞌ riqꞌuin chixjunil aꞌin? Ut, ¿ma incꞌaꞌ ta biꞌ teꞌya̱bak chixjunileb li tenamit xban li raylal li teꞌxcꞌul? Nak teꞌsachekꞌ chanchan nak nasachoc li nimaꞌ Nilo li cuan aran Egipto nak nabutꞌin.

Oseas 1:9

Ut li Ka̱cuaꞌ quixye re laj Oseas: —Qꞌue Lo-ammi chokꞌ xcꞌabaꞌ. (Li cꞌabaꞌej aꞌan naraj naxye nak ma̱cuaꞌeb chic intenamit.) Qꞌue aꞌan chokꞌ xcꞌabaꞌ xban nak la̱ex aj Israel ma̱cuaꞌex chic lin tenamit chi moco la̱inak chic le̱ Dios, chan.

Jeremías 46:7

¿Aniheb aꞌan li nequeꞌxye nak ni̱nkeb xcuanquil joꞌ nak naniman li nimaꞌ Nilo nak nabutꞌin?

Salmos 22:15

X-osoꞌ lin metzꞌe̱u. Ma̱cꞌaꞌ chic nin-oc cuiꞌ. Chanchanin aj chic li xcꞌaj te̱x ma̱cꞌaꞌ chic xcꞌanjel. Xletz rib li ruꞌuj cuakꞌ saꞌ cue xban li chaki el. La̱at xina̱canab chi ca̱mc ut xina̱canab chi poksocꞌ.

San Lucas 21:6

—Ta̱cuulak xkꞌehil nak ta̱sachekꞌ ru chixjunil li yo̱quex chirilbal anakcuan. Ma̱ jun reheb li pec aꞌan ta̱cana̱k saꞌ xnaꞌaj chi incꞌaꞌ ta ta̱juqꞌui̱k, chan li Jesús.

San Mateo 23:38

Ut anakcuan le̱ tenamit joꞌ ajcuiꞌ li templo ta̱cana̱k chi naqꞌuirnac aj chic ru.

Daniel 11:17

Ut li rey li cuan saꞌ li norte tixtiquib xcꞌu̱banquil chanru nak tixchapeb li cuanqueb saꞌ li sur. Joꞌcan nak tixba̱nu jun li contrato riqꞌuineb re ta̱numta̱k saꞌ xbe̱neb. Ut tixsumub jun lix rabin riqꞌuin li rey li cuan saꞌ li sur, abanan incꞌaꞌ us ta̱e̱lk chiru li tixcꞌoxla xba̱nunquil xban nak lix rabin incꞌaꞌ ta̱oque̱nk chirix lix yucuaꞌ.

Jeremías 51:42

Chanchan xbutꞌun li tenamit Babilonia nak teꞌcha̱lk li xicꞌ nequeꞌiloc re chixsachbal.

Daniel 11:22

Li ani teꞌxyal numta̱c saꞌ xbe̱n, teꞌsachekꞌ. Chanchan ta̱cha̱lk butꞌ saꞌ xbe̱neb nak tixsacheb. Li cui̱nk aꞌan tixsach ru li jun li quiba̱nun re li contrato riqꞌuin.

2 Samuel 21:5

Eb aꞌan queꞌxye re li rey: —Laj Saúl quiraj kasachbal chi junaj cua. Quixcꞌu̱b ru nak ma̱ jun chic ke teꞌcana̱k chi yoꞌyo arin Israel.

Isaías 28:2

Qꞌuehomak retal. Li Ka̱cuaꞌ ac xcauresi jun li cui̱nk cuan xmetzꞌe̱u li tixcut saꞌ chꞌochꞌ li tenamit. Chanchan li cacuil hab sakbach xsaꞌ. Chanchan li ca̱k-sut-ikꞌ li naxsach chixjunil. Malaj ut chanchan li butꞌ li naxtzꞌap chixjunil li chꞌochꞌ.

Isaías 28:22

Joꞌcan ut nak canabomak li hoboc re nak incꞌaꞌ ta̱nima̱nk li raylal li te̱cꞌul. La̱in ac xcuabi nak li nimajcual Dios tixsach ru chixjunil le̱ tenamit. Ac tenebanbil saꞌ e̱be̱n nak ta̱sachekꞌ ruheb.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.