Daniel 9:19 - Li Santil hu

¹⁹ Choa̱cuabi, at Ka̱cuaꞌ. Chacuy taxak li kama̱c, at kaDios. At Ka̱cuaꞌ, chasume taxak li katij. Matbay taxak chixsumenquil li cꞌaꞌru xkatzꞌa̱ma a̱cue saꞌ xcꞌabaꞌ lix nimal la̱ rahom. La̱o nakaya̱ba la̱ cꞌabaꞌ saꞌ xbe̱n li tenamit aꞌin ut saꞌ xbe̱neb la̱ cualal a̱cꞌajol, chanquin re li Ka̱cuaꞌ.

Q'eqchi Bible

¹⁹ At Qaawa', choohaawab'i taxaq! At qaYos, chakuy qamaak ut chawil xtoq'ob'aal qu! At inYos, chak'e reetal ut matb'ayk chaq chi qatenq'ankil sa' xk'ab'a' laaloq'al, xb'aan naq q'axtesinb'ileb' aawe Jerusalén ut laatenamit».

Daniel 9:19 ပူးပေါင်းရင်းမြစ်များ

Daniel 9:18

Chacuabi taxak lin tij, at Ka̱cuaꞌ Dios, ut chacuil taxak xtokꞌoba̱l ku, at inDios. Chacuil taxak li raylal li yo̱co chixcꞌulbal. Chacuil taxak la̱ tenamit Jerusalén li sachbil ru. Nakaya̱ba la̱ cꞌabaꞌ saꞌ xbe̱n li tenamit aꞌan. Moco xban ta nak ti̱c li kachꞌo̱l nak nocotijoc cha̱cuu. Nocotijoc ban cha̱cuu xban nak nim la̱ cuuxta̱n.

San Lucas 11:8

Moco xban ta nak rami̱g nak ta̱cuacli̱k chixqꞌuebal re li cꞌaꞌru ta̱raj ru. Tixqꞌue ban re xban nak yo̱k chixpatzꞌbal ut re nak tixcanab xchꞌiꞌchꞌiꞌinquil.

Amós 7:2

Ut quicuil ajcuiꞌ nak eb laj sa̱cꞌ queꞌxchoy xcuaꞌbal li acui̱mk ut quinye: —Ka̱cuaꞌ Dios, chacuy taxak kama̱c, la̱o aj Israel, ralal xcꞌajolo laj Jacob. ¿Chanru nak ta̱ru̱k takacol kib xban nak la̱o incꞌaꞌ qꞌuiho ut ma̱cꞌaꞌ kacuanquil?—

Efesios 3:10

Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

Efesios 1:12

Quixba̱nu chi joꞌcan re nak lokꞌoninbilak ru kaban la̱o li co-oybenin re li Cristo nak toj ma̱jiꞌ nacꞌulun saꞌ ruchichꞌochꞌ.

Jeremías 14:9

¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Números 14:19

Xban xnimal la̱ cuuxta̱n chacuy taxak xma̱queb li tenamit aꞌin joꞌ nak xacuy xma̱queb chalen nak xeꞌel chak Egipto toj chalen anakcuan, chan laj Moisés.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Ezequiel 36:22

Joꞌcan ut ye reheb li tenamit Israel: Joꞌcaꞌin ninye la̱in li nimajcual Dios. Ma̱cuaꞌ xban nak e̱cꞌulub la̱ex aj Israel nak tinba̱nu li us e̱re; re ban xqꞌuebal xcuanquil lin santil cꞌabaꞌ xban nak xemux ru lin cꞌabaꞌ chiruheb li tenamit bar xexcuan cuiꞌ chak.

Ezequiel 20:22

Abanan incꞌaꞌ quinsach ruheb nak incꞌaꞌ quicuaj nak ta̱isi̱k xlokꞌal lin cꞌabaꞌ chiruheb li xni̱nkal ru tenamit li queꞌiloc re nak quicuisiheb chak laj Israel Egipto.

Ezequiel 20:14

Abanan incꞌaꞌ quinsach ruheb xban nak incꞌaꞌ quicuaj nak ta̱isi̱k lin lokꞌal xbaneb li xni̱nkal ru tenamit li queꞌiloc re nak quicuisiheb laj Israel aran Egipto.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Jeremías 25:29

La̱in oc cue chixtaklanquil li raylal saꞌ e̱be̱n la̱ex li cuanquex Jerusalén, li nequeꞌxcꞌabaꞌin incꞌabaꞌ. ¿Ma texcolekꞌ ta biꞌ la̱ex chiru li raylal li tintakla saꞌ e̱be̱n? ¿Ma incꞌaꞌ ta biꞌ te̱toj rix le̱ ma̱c? La̱in tintakla li raylal saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ li nimajcual Dios.

2 Crónicas 6:39

Ut la̱at toj saꞌ choxa li cuancat cuiꞌ ta̱cuabi lix tijeb nak tateꞌxya̱ba. Ut la̱at ta̱tenkꞌaheb saꞌ ti̱quilal. La̱at ta̱cuy ta̱sach xma̱queb la̱ tenamit nak xeꞌma̱cob cha̱cuu.

2 Crónicas 6:21

At Ka̱cuaꞌ, chacuabi taxak li cꞌaꞌru nintzꞌa̱ma cha̱cuu. Ut chacuabi ta ajcuiꞌ lix tijeb la̱ tenamit Israel nak teꞌtijok saꞌ li naꞌajej aꞌin. Toj saꞌ choxa taxak li cuancat cuiꞌ ta̱cuabi li katij ut chacuy taxak li kama̱c.

Hechos 15:17

re nak tineꞌxpa̱b li ma̱cuaꞌeb aj judío. Tineꞌxpa̱b chixjunileb li sicꞌbileb ru inban chokꞌ cualal incꞌajol, chan li Ka̱cuaꞌ Dios.

Números 6:27

Joꞌcaꞌin nak teꞌxya̱ba lin cꞌabaꞌ saꞌ xbe̱neb laj Israel. Ut la̱in tincuosobtesiheb, chan li Dios.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.