Daniel 9:18 - Li Santil hu

¹⁸ Chacuabi taxak lin tij, at Ka̱cuaꞌ Dios, ut chacuil taxak xtokꞌoba̱l ku, at inDios. Chacuil taxak li raylal li yo̱co chixcꞌulbal. Chacuil taxak la̱ tenamit Jerusalén li sachbil ru. Nakaya̱ba la̱ cꞌabaꞌ saꞌ xbe̱n li tenamit aꞌan. Moco xban ta nak ti̱c li kachꞌo̱l nak nocotijoc cha̱cuu. Nocotijoc ban cha̱cuu xban nak nim la̱ cuuxta̱n.

Q'eqchi Bible

¹⁸ K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.

Daniel 9:18 ပူးပေါင်းရင်းမြစ်များ

Isaías 37:17

At Ka̱cuaꞌ, china̱cuabi. Chacuil li cꞌaꞌru yo̱co chixcꞌulbal. At Ka̱cuaꞌ, chacuabi li ra̱tin xtakla chak cue laj Senaquerib. Yo̱ cha̱majecuanquil la̱at, li yoꞌyo̱quil Dios.

Jeremías 36:7

Ma̱re teꞌtijok chiru li Dios ut teꞌxtzꞌa̱ma xcuybal xma̱c chiru ut teꞌxcanab xba̱nunquil li ma̱usilal xban nak li Ka̱cuaꞌ cꞌajoꞌ lix joskꞌil saꞌ xbe̱neb ut xye nak kꞌaxal ra tixba̱nu reheb li tenamit, chan laj Jeremías.

Jeremías 25:29

La̱in oc cue chixtaklanquil li raylal saꞌ e̱be̱n la̱ex li cuanquex Jerusalén, li nequeꞌxcꞌabaꞌin incꞌabaꞌ. ¿Ma texcolekꞌ ta biꞌ la̱ex chiru li raylal li tintakla saꞌ e̱be̱n? ¿Ma incꞌaꞌ ta biꞌ te̱toj rix le̱ ma̱c? La̱in tintakla li raylal saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ li nimajcual Dios.

2 Reyes 19:16

Abi, at Ka̱cuaꞌ, li cꞌaꞌru nequeꞌxye. Ut chacuil taxak li cꞌaꞌru nequeꞌxba̱nu. Chacuabi li a̱tin li xtakla xyebal laj Senaquerib re a̱majecuanquil, la̱at li yoꞌyo̱quil Dios.

Ezequiel 36:32

La̱ex aj Israel, chenauhak nak moco xban ta nak e̱cꞌulub nak yo̱quin chixba̱nunquil li usilal aꞌin. Chexxuta̱na̱k ban ut chisachk e̱chꞌo̱l xban li incꞌaꞌ us xeba̱nu. La̱in li Ka̱cuaꞌ ninyehoc re aꞌin, chan li Dios.

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

Jeremías 37:20

Anakcuan ut china̱cuabi, at rey. Chaba̱nu taxak li tintzꞌa̱ma cha̱cuu. Mina̱takla chic saꞌ li rochoch laj Jonatán laj tzꞌi̱b. Ma̱re anchal tinca̱mk aran, chan laj Jeremías.

Jeremías 14:9

¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

1 Reyes 8:29

Junelic taxak chacuilak li naꞌajej aꞌin. Chi kꞌek chi cutan ta̱cuil li templo aꞌin li tatcua̱nk cuiꞌ. Chacuabi taxak lin tij, la̱in laj cꞌanjel cha̱cuu.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Isaías 64:12

At Ka̱cuaꞌ, ¿ma ma̱cꞌaꞌ ta̱ba̱nu re katenkꞌanquil? ¿Ma incꞌaꞌ ta̱cuil xtokꞌoba̱l ku? ¿Ma toj yo̱kat chikaqꞌuebal chi cꞌuluc raylal?

Salmos 116:1

La̱in ninra li nimajcual Dios xban nak aꞌan narabi nak nintzꞌa̱ma intenkꞌanquil chiru.

Daniel 9:7

At Ka̱cuaꞌ, la̱at junelic nacaba̱nu li ti̱quilal, abanan la̱o xuta̱nal noco-el riqꞌuin li ma̱usilal nakaba̱nu. Chikajunilo la̱o aj Israel xoma̱cob toj chalen anakcuan, li cuanqueb Judá joꞌ ajcuiꞌ li cuanqueb Jerusalén ut chixjunileb li tenamit Israel; li cuanqueb chi nachꞌ joꞌ ajcuiꞌ li cuanqueb chi najt saꞌ chixjunileb li naꞌajej bar xajeqꞌuiheb cuiꞌ ruheb xban nak xeꞌxkꞌet li chakꞌrab li qꞌuebil reheb a̱ban.

Números 6:27

Joꞌcaꞌin nak teꞌxya̱ba lin cꞌabaꞌ saꞌ xbe̱neb laj Israel. Ut la̱in tincuosobtesiheb, chan li Dios.

Salmos 25:6

At Ka̱cuaꞌ, chijulticokꞌ taxak a̱cue nak junelic cha̱bilat kiqꞌuin. La̱at nacacuuxta̱na ku chalen chak junxil.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Ezequiel 36:22

Joꞌcan ut ye reheb li tenamit Israel: Joꞌcaꞌin ninye la̱in li nimajcual Dios. Ma̱cuaꞌ xban nak e̱cꞌulub la̱ex aj Israel nak tinba̱nu li us e̱re; re ban xqꞌuebal xcuanquil lin santil cꞌabaꞌ xban nak xemux ru lin cꞌabaꞌ chiruheb li tenamit bar xexcuan cuiꞌ chak.