Daniel 9:13 - Li Santil hu

¹³ Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Q'eqchi Bible

¹³ Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Daniel 9:13 ပူးပေါင်းရင်းမြစ်များ

Daniel 9:11

Chikajunilo la̱o aj Israel, xkakꞌet li chakꞌrab li caqꞌue ke ut incꞌaꞌ xkaba̱nu li cꞌaꞌru caye. Joꞌcan nak xtꞌaneꞌ saꞌ kabe̱n chixjunil li raylal li tzꞌi̱banbil saꞌ li chakꞌrab li caqꞌue re laj Moisés, laj cꞌanjel cha̱cuu. Xoma̱cob cha̱cuu, at Ka̱cuaꞌ.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Jeremías 31:18

La̱in quicuabi nak eb li ralal xcꞌajol laj Efraín yo̱queb chi ya̱bac xban li raylal yo̱queb chixcꞌulbal. Ut queꞌxye, “Xoa̱tij joꞌ nak natijeꞌ junak bo̱yx toj sa̱j li ma̱jiꞌ tijbil. Ut xkacꞌul li kakꞌusbal. At Ka̱cuaꞌ, choa̱cꞌul ta cuiꞌchic xban nak nakaj cuiꞌchic sukꞌi̱c a̱cuiqꞌuin. La̱at li kaDios.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Salmos 119:27

Chaqꞌue taxak innaꞌleb re nak junelic tinba̱nu li naxye la̱ chakꞌrab. Ut junelic tincꞌoxla li sachba chꞌo̱lej quilaja̱ba̱nu.

Li xHu LAJ JOB 36:13

Eb li incꞌaꞌ nequeꞌxcꞌoxla li Dios, cꞌajoꞌ nak nequeꞌjoskꞌoꞌ. Usta yo̱queb chi cꞌuluc raylal, abanan incꞌaꞌ nequeꞌxtzꞌa̱ma xtenkꞌanquil chiru li Dios.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

Efesios 4:21

La̱ex xerabi li quixye li Cristo ut xetzol lix ya̱lal li quixcꞌut che̱ru.

San Juan 10:35

Nakanau nak incꞌaꞌ naru takaye nak incꞌaꞌ ya̱l li tzꞌi̱banbil saꞌ li Santil Hu. Li Dios quixye “dios” reheb li quixxakab.

San Juan 8:32

Te̱nau chic lix ya̱lal. Ut nak acak xenau chic lix ya̱lal, libre chic cua̱nkex, chan.

San Juan 6:45

Tzꞌi̱banbil retalil chi joꞌcaꞌin saꞌ li Santil Hu xbaneb li profeta: Li Dios tixcꞌut lix ya̱lal chiruheb chixjunileb. Joꞌcan nak chixjunileb li nequeꞌabin re ut nequeꞌxtau ru li cꞌaꞌru naxye li Dios, eb aꞌan tineꞌxpa̱b ajcuiꞌ la̱in.

San Lucas 24:45

Ut quixqꞌueheb xnaꞌleb re nak teꞌxtau ru li tzꞌi̱banbil saꞌ li Santil Hu.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Oseas 7:7

Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Lamentaciones 5:21

At Ka̱cuaꞌ, choa̱cꞌul cuiꞌchic a̱cuiqꞌuin ut la̱o chosukꞌi̱k ta cuiꞌchic a̱cuiqꞌuin. Ut ta̱qꞌue taxak kalokꞌal joꞌ nak cocuan chak junxil.

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Isaías 42:9

Li cꞌaꞌru quinye chak junxil qui-uxman. Anakcuan tinye e̱re cꞌaꞌru ta̱uxma̱nk. Tinye e̱re nak toj ma̱jiꞌ nacꞌulman, chan li Ka̱cuaꞌ.

Salmos 119:73

At Ka̱cuaꞌ, la̱at catyi̱ban cue ut la̱at catqꞌuehoc inmusikꞌ. Joꞌcan nak chaqꞌue taxak innaꞌleb re nak tintau ru la̱ chakꞌrab.

Salmos 119:18

At Ka̱cuaꞌ, china̱tenkꞌa taxak chixtaubal ru la̱ cua̱tin re nak tinqꞌue retal nak kꞌaxal lokꞌ li cꞌaꞌru xaye.

Salmos 85:4

Choa̱cꞌam cuiꞌchic a̱cuiqꞌuin, at Ka̱cuaꞌ, at aj Colol ke. Ut chie̱lk taxak chi junaj cua la̱ joskꞌil saꞌ kabe̱n.

Deuteronomio 29:4

Ut toj chalen anakcuan li Dios incꞌaꞌ xexqꞌue chixtaubal ru li cꞌaꞌru xeril ut li cꞌaꞌru xerabi.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

2 Reyes 22:16

“Joꞌcaꞌin xye li Ka̱cuaꞌ Dios. La̱in tintakla chak raylal saꞌ xbe̱n li tenamit Jerusalén ut saꞌ xbe̱neb chixjunileb li cuanqueb aran. Tinba̱nu chixjunil li tzꞌi̱banbil retalil saꞌ li hu li quiril xsaꞌ lix reyeb laj Judá.

Isaías 43:22

Abanan la̱ex aj Israel, li ralal xcꞌajolex laj Jacob, incꞌaꞌ xine̱lokꞌoni. Xextitzꞌ ban chinsicꞌbal.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Jeremías 44:23

Li raylal aꞌin xtꞌaneꞌ saꞌ e̱be̱n xban nak quexma̱cob chiru li Ka̱cuaꞌ. Quecꞌat le̱ pom chiruheb li jalanil dios ut incꞌaꞌ queba̱nu li cꞌaꞌru quixye li Ka̱cuaꞌ. Quekꞌet li chakꞌrab ut incꞌaꞌ queba̱nu li cꞌaꞌru quextakla cuiꞌ.

Ezequiel 16:43

La̱at xsach saꞌ a̱chꞌo̱l cꞌaꞌru quinba̱nu a̱cue saꞌ a̱caꞌchꞌinal. Ut cachikꞌ injoskꞌil riqꞌuin chixjunil li caba̱nu. Xban aꞌan nak tatinqꞌue chixtojbal rix la̱ ma̱usilal. Ut incꞌaꞌ xcꞌojla a̱chꞌo̱l riqꞌuin li caba̱nu toj retal camux ru la̱ sumlajic ut caba̱nu li moco uxc ta naraj.