Daniel 8:23 - Li Santil hu

²³ Ut nak ac yo̱k chak chi nachꞌoc li rosoꞌjiqueb li cuanquilal aꞌan, kꞌaxal cuiꞌchic ta̱numta̱k li ma̱usilal. Nak acak xnumta chi us li ma̱usilal, ta̱oc jun li rey kꞌaxal cuiꞌchic joskꞌ ut cau xchꞌo̱l ut aꞌan ta̱balakꞌi̱nk reheb li tenamit.

Q'eqchi Bible

²³ Ut sa' xraqik li x'awab'ejihomeb', naq numtajenaqaq li maa'usilal, taawakliiq chaq jun chik awab'ej q'axal wi' chik q'etq'et ut aj b'alaq'.

Daniel 8:23 ပူးပေါင်းရင်းမြစ်များ

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

1 Timoteo 4:1

Li Santil Musikꞌej naxcꞌut lix ya̱lal chi tzꞌakal nak saꞌ eb li cutan cha̱lel cuan li teꞌxcanab xpa̱banquil li tijleb li tzꞌakal ya̱l. Ut teꞌbalakꞌi̱k xban li tijleb li incꞌaꞌ ya̱l li nequeꞌxqꞌue li ma̱us aj musikꞌej.

Daniel 7:20

Ut quinpatzꞌ ajcuiꞌ re cꞌaꞌru xya̱lal li laje̱b chi xucub li cuanqueb saꞌ xjolom. Ut quinpatzꞌ re chirix li xucub li caꞌchꞌin li qui-el chak mokon ut queꞌtꞌaneꞌ li oxib chiru. Li xucub aꞌan cuan xnakꞌ ru ut cuan xtzꞌu̱mal re ut yo̱ chixnimobresinquil rib riqꞌuin li naxye. Nacꞌutun chiru nak aꞌan nim xcuanquil chiruheb li jun chꞌol chic.

Daniel 7:11

Toj yo̱quin ajcuiꞌ chi cꞌoxlac chirix li quixye li chꞌina xucub re xnimobresinquil rib, nak queꞌxcamsi li xca̱ xul. Quipedasi̱c lix tibel, quicuteꞌ saꞌ li xam ut quicꞌat.

Daniel 7:8

Nak yo̱quin chirilbal lix xucub, aran quicuil jun chic li xucub chꞌina caꞌchꞌin. Yo̱ chak chi e̱lc saꞌ xya̱nkeb li laje̱b chic. Ut qui-isi̱c oxib li xucub li quicuil xbe̱n cua. Cuan xnakꞌ ru li chꞌina xucub nak quicuil. Chanchan xnakꞌ ru cui̱nk ut riqꞌuin lix tzꞌu̱mal re yo̱ chixnimobresinquil rib.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Daniel 8:25

Xban nak naxnau chi us balakꞌi̱nc, tixnimobresi rib. Tixsacheb nabal chi ma̱cꞌaꞌak saꞌ xchꞌo̱leb ut tixyal ajcuiꞌ numta̱c saꞌ xbe̱n li tzꞌakal Rey li kꞌaxal nim xcuanquil saꞌ xbe̱neb li nequeꞌtaklan. Abanan incꞌaꞌ ta̱ru̱k xban nak ta̱sachekꞌ ru. Ma̱cuaꞌ yal cui̱nk ta̱sachok re. Li Ka̱cuaꞌ, aꞌan li ta̱sachok re.

Ezequiel 38:16

Chanchan nak li chok tixmuk li tenamit nak texxic chi pletic riqꞌuineb lin tenamit Israel. Saꞌ eb li cutan teꞌcha̱lk tatintakla saꞌ lin tenamit chi pletic re nak chixjunileb li xni̱nkal ru tenamit teꞌxqꞌue retal nak la̱in li Ka̱cuaꞌ nak tincꞌut lin santilal chiruheb nak tinqꞌue laj Gog chi numta̱c saꞌ xbe̱neb laj Israel.

Ezequiel 38:8

Nak acak xnumeꞌ nabal chihab la̱at tattakla̱k chi pletic saꞌ jun li tenamit colbil chiru li ple̱t. Li tenamit isinbileb chak saꞌ eb li xni̱nkal ru tenamit li queꞌjeqꞌui̱c cuiꞌ ru junxil. Li tenamit aꞌan juqꞌuinbil nak quicuan junxil. Abanan queꞌchꞌutuba̱c cuiꞌchic ruheb aran Israel ut ac queꞌxyi̱b cuiꞌchic lix tenamiteb. Ut cuanqueb saꞌ lix tenamiteb chi ma̱cꞌaꞌeb xcꞌaꞌux.

Daniel 11:24

Chi ma̱cꞌaꞌ saꞌ xchꞌo̱leb li tenamit li cuanqueb saꞌ xya̱lal, li cui̱nk aꞌan ta̱oc saꞌ eb li cha̱bil naꞌajej. Ut tixba̱nu li ma̱ jun sut queꞌxba̱nu lix xeꞌto̱nil yucuaꞌ saꞌ eb li tenamit aꞌan. Tixchap lix biomal ut tixjeqꞌui saꞌ xya̱nkeb li nequeꞌta̱ken re. Us ta̱e̱lk nak tixchap li ni̱nki tenamit abanan incꞌaꞌ najt ta̱cua̱nk saꞌ cuanquil.

Daniel 11:21

Li jun chic li ta̱oc chokꞌ rey, aꞌan jun cui̱nk kꞌaxal yibru xnaꞌleb ut ma̱cuaꞌ xcomoneb li nequeꞌoc chokꞌ rey. Aꞌan ta̱oc chokꞌ rey xban nak tixbalakꞌiheb li tenamit ut tixmuk chiruheb li cꞌaꞌru cuan saꞌ xcꞌaꞌux.

Daniel 10:14

La̱in xinchal chixyebal a̱cue li cꞌaꞌru teꞌxcꞌul la̱ tenamit saꞌ eb li cutan li teꞌcha̱lk. Li visión aꞌin, aꞌan ta̱cꞌulma̱nk saꞌ eb li cutan li teꞌcha̱lk, chan cue.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

San Mateo 23:32

Choyomak biꞌ xba̱nunquil li incꞌaꞌ us li queꞌxtiquib xba̱nunquil le̱ xeꞌto̱nil yucuaꞌ.

Deuteronomio 28:50

Kꞌaxal joskꞌeb. Incꞌaꞌ teꞌril xtokꞌoba̱l e̱ru, chi moco li cocꞌal, chi moco li ac ti̱xeb.

Números 24:24

Teꞌcha̱lk chak Quitim saꞌ eb li jucub ut teꞌxrahobtesiheb laj Asiria ut teꞌxrahobtesiheb ajcuiꞌ li ralal xcꞌajol laj Heber. Abanan eb laj Quitim teꞌsachekꞌ ajcuiꞌ ruheb, chan.

Proverbios 1:6

Ut re ajcuiꞌ nak tixtau ru li a̱tin li nequeꞌxye li cuanqueb xnaꞌleb, li a̱tin li chꞌaꞌaj xtaubal ru.

Daniel 8:22

Li ca̱hib chi xucub li queꞌel chokꞌ re̱kaj li nimla xucub li quitokeꞌ, aꞌaneb li retalil li ca̱hib chi rey li teꞌcua̱nk saꞌ xcuanquilal saꞌ li naꞌajej aꞌan, abanan ma̱ jun ta̱cua̱nk xcuanquil joꞌ li xbe̱n li quicuan.

Daniel 8:24

Ta̱nima̱nk xcuanquil, abanan moco xcuanquil ta xjunes li rey; xcuanquil ban laj tza. Chixjunil li ma̱usilal tixba̱nu, us ta̱e̱lk chiru ut tixsacheb nabaleb li cuanqueb xcuanquil ut tixsacheb ajcuiꞌ li ralal xcꞌajol li Dios.