Daniel 8:2 - Li Santil hu

² Nak quicꞌutbesi̱c chicuu cuanquin aran Susa, lix nimal ru tenamit saꞌ li naꞌajej Elam. Xakxo̱quin chire li nimaꞌ Ulai nak quicuil.

Q'eqchi Bible

² Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.

Daniel 8:2 ပူးပေါင်းရင်းမြစ်များ

Ester 1:2

Saꞌ li tenamit Susa quicuan lix naꞌaj li quitaklan cuiꞌ.

Nehemías 1:1

Aꞌan aꞌin li a̱tin li quixtzꞌi̱ba li profeta Nehemías, li ralal laj Hacalías. Ac yo̱ chic junmay chihab roquic chokꞌ rey laj Artajerjes saꞌ li po Quisleu nak cuanquin saꞌ li tenamit Susa bar nacuan cuiꞌ chi takla̱nc li rey.

Ezequiel 32:24

Lix reyeb laj Elam cuan aran rochbeneb lix qꞌuila soldados. Li soldado cuanqueb chixjun sutam. Chixjunileb queꞌcamsi̱c saꞌ li ple̱t. Aꞌaneb li queꞌqꞌuehoc xxiuheb chixjunileb nak toj yoꞌyo̱queb, abanan anakcuan xuta̱nal queꞌxcꞌul xban nak queꞌco̱eb saꞌ xnaꞌajeb li camenak cuanqueb cuiꞌ li incꞌaꞌ queꞌxpa̱b li Dios.

Jeremías 25:25

Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Ester 2:8

Nak qui-el resil li chakꞌrab li quixqꞌue li rey, nabaleb li tukꞌ ixk queꞌchꞌutuba̱c saꞌ li tenamit Susa saꞌ li rochoch li rey. Ut laj Hegai aꞌan li na-iloc reheb. Saꞌ xya̱nkeb li tukꞌ ixk cuan lix Ester.

Génesis 14:1

Saꞌ eb li cutan aꞌan, laj Amrafel, aꞌan lix reyeb li tenamit Sinar. Laj Arioc, aꞌan lix reyeb li tenamit Elasar. Laj Quedorlaomer, aꞌan lix reyeb li tenamit Elam. Ut laj Tidal, aꞌan lix reyeb li tenamit Goim.

Génesis 10:22

Aꞌaneb aꞌin lix cꞌabaꞌeb li ralal laj Sem: laj Elam, laj Asur, laj Arfaxad, laj Lud, ut laj Aram.

Daniel 8:3

Ut nak yo̱quin chi iloc aran, quicuil jun te̱lom carner chire li nimaꞌ. Cuan cuib li xucub najt rok. Li xucub li qui-el mokon, aꞌan kꞌaxal cuiꞌchic najt rok chiru li jun chic.

Daniel 7:15

Laj Daniel quixye: —La̱in quisach inchꞌo̱l ut qui-oc incꞌaꞌux xban li cꞌaꞌru quicuil.

Daniel 7:2

Laj Daniel quixye: —Saꞌ li kꞌojyi̱n aꞌan nak quicuil jun li visión, quicuil nak li ikꞌ yo̱ chak chi cha̱lc saꞌ xca̱ pacꞌalil li ruchichꞌochꞌ ut yo̱ chirecꞌasinquil ru li nimla palau.

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Ester 9:15

Eb laj judío li cuanqueb Susa queꞌxchꞌutub cuiꞌchic rib saꞌ li ca̱laju xbe li po Adar. Ut queꞌxcamsi oxib ciento chic li cui̱nk, abanan incꞌaꞌ queꞌxchꞌeꞌ li cꞌaꞌru cuan reheb.

Ester 9:11

Saꞌ ajcuiꞌ li cutan aꞌan quicuulac resil riqꞌuin li rey joꞌ qꞌuial li queꞌcamsi̱c aran Susa, li tenamit cuan cuiꞌ li rey.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Hebreos 1:1

Najter kꞌe cutan li Ka̱cuaꞌ Dios qꞌuila sut quixtaklaheb chak li profeta chixyebal li ra̱tin riqꞌuineb li kaxeꞌto̱nil yucuaꞌ. Quixsiqꞌui xya̱lal chanru nak tixchꞌolob xya̱lal chiruheb.

Ester 7:6

Ut lix Ester quixye re: —Li xicꞌ na-iloc ke li naraj xba̱nunquil raylal ke, aꞌan ajcuiꞌ laj Amán li cuan arin, li incꞌaꞌ us xnaꞌleb, chan. Nak quirabi li cꞌaꞌru quixye, cꞌajoꞌ nak quixucuac laj Amán chiru li rey ut chiru li reina.

Ester 3:15

Eb li hu aꞌan queꞌtakla̱c xbaneb lix takl li rey ut qui-el ajcuiꞌ resil saꞌ li tenamit Susa. Ut li rey Asuero rochben laj Amán queꞌcꞌojla ut queꞌoc chi ucꞌac chi saheb saꞌ xchꞌo̱l. Abanan chixjunileb li cuanqueb saꞌ li tenamit Susa, queꞌyotꞌeꞌ xchꞌo̱leb ut sachso̱queb xchꞌo̱l queꞌcana.

Apocalipsis 9:17

Joꞌcaꞌin nak queꞌcuil saꞌ li visión eb li cacua̱y ut eb li yo̱queb chi xic chirix. Eb li yo̱queb chi xic chirix li cacua̱y cuanqueb xcolbal li re xchꞌo̱leb. Chanchan xcakal li xam, chanchan xraxil li cha̱bil pec zafiro ut chanchan xkꞌanal li azufre. Lix jolomeb li cacua̱y chanchan lix jolomeb li cakcoj. Ut saꞌ reheb yo̱ chi e̱lc xam, sib ut azufre.

Ezequiel 1:1

La̱in laj Ezequiel laj tij. La̱in jun saꞌ xya̱nkeb laj Israel li queꞌchapeꞌ ut queꞌcꞌameꞌ saꞌ li naꞌajej Babilonia. Cocꞌameꞌ chire li nimaꞌ Quebar. O̱b cutan chic xticlajic xca̱ li po re li laje̱b xcaꞌcꞌa̱l chihab nak li Dios quixcꞌutbesiheb li visión chicuu. Quiteli li choxa chicuu nak quicuil.

Daniel 8:1

Laj Daniel quixye: —Yo̱ rox chihab roquic saꞌ xcuanquil li rey Belsasar nak quicꞌutbesi̱c jun chic li visión chicuu.

Daniel 10:4

Ut saꞌ li ca̱hib xcaꞌcꞌa̱l (24) xbe li xbe̱n po cuanquin chire li nimla nimaꞌ Hidekel xcꞌabaꞌ.