Daniel 7:8 - Li Santil hu

⁸ Nak yo̱quin chirilbal lix xucub, aran quicuil jun chic li xucub chꞌina caꞌchꞌin. Yo̱ chak chi e̱lc saꞌ xya̱nkeb li laje̱b chic. Ut qui-isi̱c oxib li xucub li quicuil xbe̱n cua. Cuan xnakꞌ ru li chꞌina xucub nak quicuil. Chanchan xnakꞌ ru cui̱nk ut riqꞌuin lix tzꞌu̱mal re yo̱ chixnimobresinquil rib.

Q'eqchi Bible

⁸ “Toj yookin ajwi' chi rilb'aleb' li xukub', ut kiwil naq jun chik xukub' ki'elk chaq sa' xyanqeb' li xkomon. A'an kach'in, ut ke'isiik oxib' li xukub' li kiwil xb'enwa re naq wanq xna'aj li toje' xyo'laak. Li xukub' a'in wank xsa' ru jo' xsa' ruheb' li poyanam, ut rik'in li xtz'uumal re q'axal tz'i'b'eetal na'aatinak.

Daniel 7:8 ပူးပေါင်းရင်းမြစ်များ

Apocalipsis 13:1

Ut li dragón quixakli chire li palau ut quicuil nak qui-el chak saꞌ li palau jun chic chanchan joskꞌ aj xul cuan cuukub xjolom ut laje̱b lix xucub. Ut saꞌ li laje̱b chi xucub cuan junju̱nk lix corona. Ut tzꞌi̱banbil saꞌ eb lix jolom jun li cꞌabaꞌej re xmajecuanquil li Ka̱cuaꞌ.

Salmos 12:3

At Ka̱cuaꞌ, chakꞌuseb re nak teꞌxcanab ticꞌtiꞌic ut balakꞌi̱nc. Chakꞌuseb re nak teꞌxcanab xnimobresinquil ribeb riqꞌuin li cꞌaꞌru nequeꞌxye.

Apocalipsis 9:7

Eb laj sa̱cꞌ chanchaneb li cacua̱y ac cauresinbileb chi pletic. Chanchan cuanqueb xcorona yi̱banbil riqꞌuin oro saꞌ xjolomeb. Ut li riloba̱leb chanchan riloba̱leb cui̱nk.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

1 Samuel 2:3

Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

2 Timoteo 3:2

Eb li cristian junes reheb teꞌraj. Teꞌxrahi ru li tumin. Teꞌxnimobresi xcuanquil xjuneseb rib. Teꞌxkꞌetkꞌeti ribeb. Teꞌhobok ut teꞌxkꞌet ra̱tin xnaꞌ xyucuaꞌ. Incꞌaꞌ teꞌtioxi̱nk ut incꞌaꞌ teꞌxqꞌue xcuanquil xpa̱banquil li Dios.

Daniel 7:19

Ut la̱in toj quicuaj xnaubal cꞌaꞌru xya̱lal li xca̱ xul, li kꞌaxal jalan chiruheb li oxib chic. Kꞌaxal xiu xiu rilbal. Cuan ruch re hierro ut li rixiꞌij bronce. Ut quixtꞌupi li quixchap ut quixcꞌux ut li joꞌ qꞌuial incꞌaꞌ quixchoy xtiubal quixyekꞌi saꞌ rok.