Daniel 7:27 - Li Santil hu

²⁷ Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

Q'eqchi Bible

²⁷ Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Daniel 7:27 ပူးပေါင်းရင်းမြစ်များ

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

San Lucas 1:33

Aꞌanak chic li cua̱nk xcuanquil chi takla̱nc saꞌ xbe̱neb li ralal xcꞌajol laj Jacob. Ut lix cuanquilal ta̱cua̱nk chi junelic. Incꞌaꞌ ta̱osokꞌ, chan li ángel.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Salmos 145:13

La̱at cuan a̱cuanquil chi junelic kꞌe cutan. La̱at nacattaklan chi junelic.

Salmos 86:9

Chixjunileb li tenamit li quilaja̱yi̱b teꞌcha̱lk ut tateꞌxlokꞌoni. Teꞌxqꞌue xlokꞌal la̱ cꞌabaꞌ.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Daniel 7:22

Ut quicuil ajcuiꞌ nak quichal li Ti̱xil Cui̱nk li cuan chi junelic ut Aꞌan quirakoc a̱tin saꞌ xbe̱neb chixjunileb ut quixcoleb li ralal xcꞌajol. Quicuulac xkꞌehil nak queꞌqꞌueheꞌ xcuanquileb xban li Dios.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

San Juan 12:34

Eb li qꞌuila tenamit queꞌxye re: —Saꞌ li kachakꞌrab la̱o aj judío tzꞌi̱banbil retalil nak li Cristo li Mesías ta̱cua̱nk xyuꞌam chi junelic. ¿Cꞌaꞌut nak nacaye la̱at nak li Cꞌajolbej ta̱qꞌuehekꞌ chiru cruz? ¿Ani li Cꞌajolbej li yo̱cat chixyebal? chanqueb.

Abdías 1:21

Ut eb laj Israel li queꞌnumta saꞌ xbe̱neb laj Edom teꞌxic saꞌ li tzu̱l Sión chi takla̱nc saꞌ xbe̱neb li cuanqueb saꞌ xya̱nkeb li tzu̱l saꞌ lix chꞌochꞌ laj Esaú. Ut li Ka̱cuaꞌ, aꞌan ta̱cua̱nk xcuanquil saꞌ xbe̱neb.

Daniel 4:34

—Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.

Apocalipsis 20:4

Ut quicuileb li cꞌojariba̱l li queꞌcꞌojla cuiꞌ li queꞌqꞌueheꞌ xcuanquil chi rakoc a̱tin. Queꞌcuil li queꞌcamsi̱c xban nak queꞌxchꞌolob resil li Jesús ut xban nak queꞌxchꞌolob ra̱tin li Dios. Incꞌaꞌ queꞌxlokꞌoni li joskꞌ aj xul chi moco lix jalam u̱ch. Ut incꞌaꞌ quiqꞌueheꞌ retalil li xul saꞌ xpe̱quemeb chi moco chi rukꞌeb. Queꞌcuacli cuiꞌchic chi yoꞌyo ut queꞌcuan xcuanquil rochbeneb li Cristo chiru jun mil (1,000) chihab.

1 Corintios 15:24

Ut chirix chic aꞌan acaꞌ chic li rosoꞌjic li ruchichꞌochꞌ ut li Cristo tixsacheb xcuanquil chixjunileb li nequeꞌtaklan saꞌ ruchichꞌochꞌ ut tixsach ajcuiꞌ xcuanquileb li musikꞌej. Ut chirix aꞌan li Cristo tixkꞌaxtesi lix cuanquil saꞌ rukꞌ li Dios Acuabej.

Apocalipsis 11:1

Ut quiqꞌueheꞌ cue jun li cheꞌ re bisoc ut quiyeheꞌ cue: —Ayu, bis chak lix templo li Dios joꞌ ajcuiꞌ li artal ut ta̱cuajlaheb jarubeb li cristian li nequeꞌlokꞌonin aran.

Isaías 14:2

Eb li jalaneb xtenamiteb teꞌxtenkꞌaheb laj Israel chi sukꞌi̱c saꞌ lix naꞌajeb. Nak cuanqueb chic aran, eb li jalaneb xtenamiteb teꞌcꞌanjelak chiruheb laj Israel joꞌ mo̱s saꞌ li naꞌajej li quiqꞌueheꞌ reheb xban li Ka̱cuaꞌ. Eb li queꞌnumta saꞌ xbe̱neb laj Israel junxil, aꞌan eb chic li teꞌchapekꞌ ut teꞌcꞌanjelak chiruheb laj Israel. Eb laj Israel chic teꞌtakla̱nk saꞌ xbe̱neb li queꞌrahobtesin reheb junxil.

Daniel 6:26

La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.