Daniel 7:25 - Li Santil hu

²⁵ Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Q'eqchi Bible

²⁵ tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

Daniel 7:25 ပူးပေါင်းရင်းမြစ်များ

Apocalipsis 12:14

Quiqꞌueheꞌ cuib lix xicꞌ li ixk re ta̱rupupik chanchan xxicꞌ li nimla cꞌuch re nak ta̱e̱lelik ut ta̱xic toj saꞌ li chaki chꞌochꞌ saꞌ li naꞌajej ac cauresinbil chokꞌ re bar ma̱cꞌaꞌ cuan. Ut aran ta̱chꞌolani̱k xban li Dios chiru oxib chihab riqꞌuin cuakib po. Ut aran tixmuk rib chiru li cꞌantiꞌ.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Apocalipsis 12:6

Li ixk quie̱lelic ut co̱ saꞌ li chaki chꞌochꞌ bar ma̱cꞌaꞌ cuan saꞌ li naꞌajej ac cauresinbil chokꞌ re xban li Dios. Ut aran ta̱chꞌolani̱k xban li Dios chiru oxib chihab riqꞌuin cuakib po (1,260 cutan).

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Daniel 7:20

Ut quinpatzꞌ ajcuiꞌ re cꞌaꞌru xya̱lal li laje̱b chi xucub li cuanqueb saꞌ xjolom. Ut quinpatzꞌ re chirix li xucub li caꞌchꞌin li qui-el chak mokon ut queꞌtꞌaneꞌ li oxib chiru. Li xucub aꞌan cuan xnakꞌ ru ut cuan xtzꞌu̱mal re ut yo̱ chixnimobresinquil rib riqꞌuin li naxye. Nacꞌutun chiru nak aꞌan nim xcuanquil chiruheb li jun chꞌol chic.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Daniel 7:8

Nak yo̱quin chirilbal lix xucub, aran quicuil jun chic li xucub chꞌina caꞌchꞌin. Yo̱ chak chi e̱lc saꞌ xya̱nkeb li laje̱b chic. Ut qui-isi̱c oxib li xucub li quicuil xbe̱n cua. Cuan xnakꞌ ru li chꞌina xucub nak quicuil. Chanchan xnakꞌ ru cui̱nk ut riqꞌuin lix tzꞌu̱mal re yo̱ chixnimobresinquil rib.

Apocalipsis 17:6

Ut quicuil li ixk chanchan ta̱cala̱k xban xquiqꞌueleb li ralal xcꞌajol li Dios li queꞌcamsi̱c xban. Ut queꞌcamsi̱c ajcuiꞌ nabaleb li cristian li queꞌxchꞌolob resil li Cristo. Nak quicuil aꞌan, sachso inchꞌo̱l quincana.

Apocalipsis 14:12

Joꞌcan nak cauhakeb taxak xchꞌo̱leb li ralal xcꞌajol li Dios, eb li nequeꞌba̱nun re lix chakꞌrab li Dios ut nequeꞌpa̱ban saꞌ xcꞌabaꞌ li Jesucristo. Incꞌaꞌ taxak ta̱chꞌina̱nk xchꞌo̱leb saꞌ xpa̱ba̱leb.

Daniel 11:28

Ut li rey li cuan saꞌ li norte ta̱sukꞌi̱k cuiꞌchic saꞌ lix tenamit ut tixcꞌam nabal li biomal riqꞌuin li tixmakꞌ chiruheb li cuanqueb saꞌ li sur. Ut xicꞌ ta̱ril li contrato li quixba̱nu li Dios riqꞌuineb laj Israel. Ut tixba̱nu li joꞌ qꞌuial ta̱raj aꞌan nak yo̱k chi sukꞌi̱c saꞌ xtenamit.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Daniel 4:25

La̱at tatyolesi̱k saꞌ la̱ naꞌaj. Tat-isi̱k saꞌ xya̱nkeb li tenamit. Saꞌ pim tatcua̱nk saꞌ xya̱nkeb li xul. Ut pim ta̱cuaꞌ joꞌ li bo̱yx ut tattꞌakresi̱k xban li xchuꞌque. Cuukub chihab tatcua̱nk saꞌ pim. Riqꞌuin aꞌin ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ ut aꞌan yal re li ani naraj xqꞌuebal xcuanquil.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

2 Ts 2:3

Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua.

2 Ts 2:8

Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo.

Daniel 3:26

Tojoꞌnak laj Nabucodonosor quinachꞌoc riqꞌuin lix puertil li horno li yo̱ cuiꞌ li xam ut quixye: —At Sadrac, at Mesac ut at Abed-nego, la̱ex nequexcꞌanjelac chiru li nimajcual Dios. Elenkex saꞌ li xam. Quimkex arin, chan. Tojoꞌnak laj Sadrac, laj Mesac ut laj Abed-nego queꞌel chak saꞌ li xam.

Daniel 4:2

Ut cherabihak li oc cue chixyebal. Nacuaj nak te̱nau li sachba chꞌo̱lej ut li milagro li quixcꞌutbesi chicuu li Ka̱cuaꞌ li nimajcual Dios.

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Daniel 8:14

Li ángel quichakꞌoc ut quixye: —Toj ta̱numekꞌ li oxib chihab riqꞌuin media, tojoꞌnak ta̱santobresi̱k cuiꞌchic li templo, chan.

Oseas 7:16

Niquineꞌxtzꞌekta̱na ut nequeꞌxic riqꞌuin li jalanil dios. Chanchaneb li yocos aj tzimaj ma̱cꞌaꞌ na-oc cuiꞌ. Joꞌcan nak teꞌcamsi̱k riqꞌuin chꞌi̱chꞌ li nequeꞌcꞌamoc be saꞌ xya̱nkeb yal xban nak nequeꞌxnimobresi ribeb riqꞌuin li cꞌaꞌru nequeꞌxye. Ut xban aꞌan teꞌseꞌe̱k xbaneb laj Egipto.

Daniel 8:9

Ut saꞌ jun reheb lix xucub qui-el jun chic li xucub caꞌchꞌin ut quiniman chi us. Aꞌan na-iloc saꞌ li sur ut saꞌ li este (sudeste) saꞌ xjayal li naꞌajej yechiꞌinbil reheb li ralal xcꞌajol li Dios.

Daniel 8:11

Ut quixnimobresi rib chiru li jun li kꞌaxal nim xcuanquil saꞌ xbe̱neb li ralal xcꞌajol li Dios ut quixye reheb nak incꞌaꞌ chic teꞌmayejak. Ut quixpoꞌ ajcuiꞌ lix templo li Dios.

Daniel 9:27

Li rey aꞌan tixba̱nu jun li contrato riqꞌuin nabaleb li tenamit re jun xama̱n. Abanan chirix oxib cutan riqꞌuin jun cuaꞌleb, li rey incꞌaꞌ chic tixba̱nu li quixye saꞌ li contrato ut tixye reheb laj Israel nak incꞌaꞌ chic naru teꞌmayejak chiru li Ka̱cuaꞌ. Ut li kꞌaxal xiu xiu rilbal ta̱qꞌuehekꞌ saꞌ lix templo li Ka̱cuaꞌ. Ut aran ta̱cana̱k toj ta̱cuulak xkꞌehil nak li Ka̱cuaꞌ tixsach li rey aꞌan chi junaj cua.