Daniel 7:14 - Li Santil hu

¹⁴ Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Q'eqchi Bible

¹⁴ Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 7:14 ပူးပေါင်းရင်းမြစ်များ

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Daniel 7:27

Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

San Juan 3:35

Li Acuabej Dios naxra li Ralal ut quixkꞌaxtesi chixjunil saꞌ rukꞌ aꞌan, ut aꞌan chic yal re saꞌ xbe̱n.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

San Lucas 1:33

Aꞌanak chic li cua̱nk xcuanquil chi takla̱nc saꞌ xbe̱neb li ralal xcꞌajol laj Jacob. Ut lix cuanquilal ta̱cua̱nk chi junelic. Incꞌaꞌ ta̱osokꞌ, chan li ángel.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.

Abdías 1:21

Ut eb laj Israel li queꞌnumta saꞌ xbe̱neb laj Edom teꞌxic saꞌ li tzu̱l Sión chi takla̱nc saꞌ xbe̱neb li cuanqueb saꞌ xya̱nkeb li tzu̱l saꞌ lix chꞌochꞌ laj Esaú. Ut li Ka̱cuaꞌ, aꞌan ta̱cua̱nk xcuanquil saꞌ xbe̱neb.

Daniel 3:4

Ut jun laj yehol esil quixjap re chixyebal: —La̱ex li xexchal chak yalak bar, jalan jala̱nk e̱tenamit ut jalan jala̱nk e̱ra̱tinoba̱l, aꞌan aꞌin le̱ chakꞌrabinquil xqꞌue li rey:

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Isaías 60:12

Teꞌsachekꞌ ruheb li tenamit ut eb lix rey li incꞌaꞌ teꞌcꞌanjelak che̱ru. Teꞌsachekꞌ chi junaj cua.

Salmos 146:10

La̱ex li cuanquex Sión, li Ka̱cuaꞌ le̱ Dios, aꞌan li kꞌaxal nim xcuanquil. Li nimajcual Dios ta̱cua̱nk xcuanquil chi junelic kꞌe cutan. ¡Lokꞌoninbil taxak li Ka̱cuaꞌ!

Salmos 145:13

La̱at cuan a̱cuanquil chi junelic kꞌe cutan. La̱at nacattaklan chi junelic.

Salmos 45:6

At Ka̱cuaꞌ, qꞌuebilat saꞌ la̱ cuanquilal xban li Dios. La̱ cuanquilal cua̱nk chi junelic. La̱at nacattaklan saꞌ ti̱quilal.

Salmos 8:6

Ut xaqꞌueheb xcuanquil saꞌ xbe̱n la̱ cꞌanjel li xaba̱nu riqꞌuin la̱ cuukꞌ. La̱at xaqꞌue chixjunil li cꞌaꞌak re ru rubel xcuanquileb aꞌan.

San Juan 12:34

Eb li qꞌuila tenamit queꞌxye re: —Saꞌ li kachakꞌrab la̱o aj judío tzꞌi̱banbil retalil nak li Cristo li Mesías ta̱cua̱nk xyuꞌam chi junelic. ¿Cꞌaꞌut nak nacaye la̱at nak li Cꞌajolbej ta̱qꞌuehekꞌ chiru cruz? ¿Ani li Cꞌajolbej li yo̱cat chixyebal? chanqueb.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Daniel 6:26

La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.

Daniel 4:3

Kꞌaxal nim li sachba chꞌo̱lej li naxba̱nu ut kꞌaxal lokꞌ li milagro. Li Ka̱cuaꞌ, aꞌan li tzꞌakal rey chi junelic ut aꞌan li kꞌaxal nim xcuanquil chi junelic kꞌe cutan.

Salmos 102:22

Teꞌxchꞌutub ribeb aran Jerusalén eb li jalaneb xtenamit rochbeneb lix rey ut junajakeb xchꞌo̱l nak teꞌxqꞌue xlokꞌal li nimajcual Dios.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

Isaías 16:5

Saꞌ eb li cutan aꞌan jun reheb li ralal xcꞌajol laj David ta̱oc chokꞌ rey. Aꞌan ta̱takla̱nk saꞌ xbe̱neb li tenamit saꞌ ti̱quilal ut tixraheb. Ta̱rakok a̱tin saꞌ xya̱lal ut tixtenkꞌaheb li tenamit chi cua̱nc saꞌ ti̱quilal.

Daniel 2:37

—At rey, la̱at li kꞌaxal nim la̱ cuanquil saꞌ xya̱nkeb chixjunileb li rey xban nak li Ka̱cuaꞌ Dios li cuan saꞌ choxa, aꞌan li quixakaban a̱cue ut aꞌan ajcuiꞌ quiqꞌuehoc a̱cuanquil, a̱cacuilal ut a̱lokꞌal.

Salmos 103:19

Li nimajcual Dios quixxakab lix cuanquilal saꞌ choxa. Ut aꞌan cuan xcuanquil saꞌ xbe̱n chixjunileb li cuanqueb saꞌ ruchichꞌochꞌ.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.