Daniel 6:8 - Li Santil hu

⁸ Ta̱qꞌue li chakꞌrab aꞌin ut ta̱tzꞌi̱ba la̱ cꞌabaꞌ chiru re nak ta̱xakaba̱k xcuanquil ut ma̱ ani ta̱ru̱k ta̱jalok ru. Aꞌanak lix chakꞌrabeb laj Medo ut eb laj Persia ut ma̱ ani ta̱ru̱k ta̱sachok re xcuanquil, chanqueb re li rey.

Q'eqchi Bible

⁸ Jo'kan utan, at awab'ej, k'e xwankil li chaq'rab' a'in ut juch' laak'ab'a' chisa', re naq ink'a' chijalmanq xyaalal jo' li xchaq'rab'eb' laj Media ut eb' laj Persia”.

Daniel 6:8 ပူးပေါင်းရင်းမြစ်များ

Daniel 6:15

Eb li cui̱nk queꞌsukꞌi cuiꞌchic riqꞌuin li rey ut queꞌxchꞌutub rib riqꞌuin ut queꞌxye re: —At rey, la̱at nacanau nak lix chakꞌrab eb laj Medo ut eb laj Persia naxye nak ma̱ ani naru najaloc ru li chakꞌrab xakabanbil xcuanquil xban junak rey, chanqueb.

Ester 1:19

Cui la̱at tixcꞌul a̱chꞌo̱l, at rey, ta̱qꞌue junak chakꞌrab ut tzꞌi̱banbilak retalil saꞌ li chakꞌrab re Persia ut re Media re nak ma̱ ani ta̱kꞌetok re. Li chakꞌrab aꞌan tixye nak li reina Vasti incꞌaꞌ chic tixcꞌut rib chi junaj cua chiru li rey ut ta̱isi̱k chokꞌ reina. Ut junak chic kꞌaxal cha̱bil chiru aꞌan ta̱qꞌuehekꞌ chokꞌ reina.

Daniel 6:12

Ut queꞌco̱eb saꞌ junpa̱t riqꞌuin li rey ut queꞌa̱tinac riqꞌuin chirix li chakꞌrab li quixqꞌue ut queꞌxye re: —¿Ma incꞌaꞌ ta biꞌ xaqꞌue li chakꞌrab nak chiru laje̱b xcaꞌcꞌa̱l (30) cutan ma̱ ani ta̱tzꞌa̱ma̱nk chiru lix Dios, malaj ut chiru junak cui̱nk cui ma̱cuaꞌ a̱cuiqꞌuin la̱at, at rey? ¿Ma incꞌaꞌ ta biꞌ caye nak li ani ta̱tzꞌa̱ma̱nk chiru lix Dios, li jun aꞌan ta̱cutekꞌ saꞌ xnaꞌajeb li cakcoj? chanqueb. Quichakꞌoc li rey ut quixye: —Ya̱l nak joꞌcan. Aꞌan lix chakꞌrabeb laj Medo ut eb laj Persia ut ma̱ ani naru ta̱jalok re aꞌan, chan.

Isaías 10:1

Raylal ta̱cha̱lk saꞌ e̱be̱n la̱ex li nequeqꞌue li chakꞌrab li moco ti̱c ta re xrahobtesinquileb li tenamit.

Ester 8:10

Laj Mardoqueo quixtzꞌi̱ba li hu saꞌ xcꞌabaꞌ li rey ut quixqꞌue retalil lix matkꞌab li rey chiruheb li hu. Quixtaklaheb li cui̱nk chixcanabanquileb li hu. Queꞌco̱eb chirixeb lix cacua̱y li rey, li kꞌaxal cau nequeꞌa̱linac.

Ester 3:12

Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Ester 8:8

Anakcuan te̱tzꞌi̱ba jun chic li hu saꞌ incꞌabaꞌ la̱in ut te̱tzꞌi̱ba li cꞌaꞌru te̱raj re xtenkꞌanquileb laj judío. Ut te̱qꞌue retalil lin matkꞌab chiru xban nak cui tzꞌi̱banbil saꞌ incꞌabaꞌ, ut cui cuan retalil li matkꞌab chiru, incꞌaꞌ naru xjalbal ru li cꞌaꞌru tzꞌi̱banbil, chan li rey.

Ester 8:3

Lix Ester quia̱tinac cuiꞌchic riqꞌuin li rey. Ta̱ya̱bak nak quixcut rib chi rok li rey ut quixye: —Ta̱sach taxak xcuanquil li chakꞌrab li quixqꞌue laj Amán xban xma̱usilal. Incꞌaꞌ taxak ta̱uxma̱nk li raylal li quixcꞌoxla xba̱nunquil reheb laj judío, chan lix Ester.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Daniel 5:28

Peres malaj ut Uparsin: Li ni̱nki tenamit nacattaklan cuiꞌ ac xjacheꞌ saꞌ xyi ut ac xqꞌueman reheb laj Medo ut reheb laj Persia, chan laj Daniel.

Salmos 94:21

Nequeꞌxye nak li ti̱queb xchꞌo̱l cuanqueb xma̱c ut nequeꞌxteneb ca̱mc saꞌ xbe̱neb.