Daniel 6:7 - Li Santil hu

⁷ Chikajunilo la̱o li gobernador ut eb li capitán, eb li comisionado ut eb li ni̱nk xcuanquileb, xkacꞌu̱b ru chi kibil kib nak la̱at ta̱qꞌue jun li chakꞌrab ut ta̱xakab xcuanquil. Ta̱chakꞌrabiheb li tenamit nak chiru li laje̱b xcaꞌcꞌa̱l cutan li ta̱cha̱lk ma̱ ani naru ta̱tzꞌa̱ma̱nk chiru lix Dios chi moco chiru junak cui̱nk. Caꞌaj cuiꞌ cha̱cuu la̱at ta̱ru̱k teꞌtzꞌa̱ma̱nk. Ut cui cuan junak naxkꞌet la̱ chakꞌrab, li jun aꞌan ta̱cutekꞌ saꞌ xya̱nkeb li cakcoj.

Q'eqchi Bible

⁷ Chiqajunilo laj taqlanel sa' laa'awab'ejihom, eb' laj jolominel ut eb' li kok' ut ninqeb' xwankil xqak'uub' sa' junajil naq chi'elq junaq chaq'rab' kama' a'in: Chiru jun po maajun junaq winq naru taatijoq chiru jalanil yos malaj winq; ka'ajwi' chawu laa'at, at awab'ej. Li ani taaq'etoq re li chaq'rab' a'in, taakutmanq sa' xyanqeb' li kaqkoj.

Daniel 6:7 ပူးပေါင်းရင်းမြစ်များ

Salmos 59:3

Cuanqueb li cui̱nk cuanqueb xcuanquil yo̱queb chixsicꞌbal chanru nak tineꞌxcamsi. La̱in ma̱cꞌaꞌ yo̱quin. Ma̱cꞌaꞌ inma̱c. Abanan, at inDios, teꞌraj incamsinquil.

Daniel 3:27

Ut chixjunileb li cuanqueb xcuanquil, li gobernador, ut chixjunileb li nequeꞌcꞌanjelac chiru li rey, queꞌxchꞌutub ribeb chirilbal li oxib chi cui̱nk li incꞌaꞌ queꞌcꞌat saꞌ li xam. Incꞌaꞌ quicꞌat li rismaleb, chi moco quicꞌat li rakꞌeb, chi moco cuan xbo̱c li sib chirixeb.

Daniel 3:6

Ut li ani incꞌaꞌ tixcuikꞌib rib chixlokꞌoninquil li jalam u̱ch, li jun aꞌan ta̱chapekꞌ ut saꞌ ajcuiꞌ li ho̱nal aꞌan ta̱cutekꞌ saꞌ li horno li kꞌaxal tik xxamlel, chan.

Daniel 3:2

Ut li rey quixtakla xchꞌutubanquil ruheb chixjunileb li nequeꞌcꞌanjelac chiru. Queꞌxchꞌutub ribeb li ni̱nkeb xcuanquil, eb li gobernador, eb li capitán, eb li comisionado, ut eb laj xocol tumin, eb laj qꞌuehol naꞌleb, ut eb laj rakol a̱tin joꞌ eb ajcuiꞌ chixjunileb li cuanqueb xcuanquil saꞌ eb li tenamit. Queꞌxchꞌutub ribeb re nak ta̱xakaba̱k xcuanquil li jalam u̱ch li quixqꞌue chi yi̱ba̱c laj Nabucodonosor.

Salmos 62:4

Junes cuisinquil saꞌ lin cuanquil nequecꞌoxla. Junes li ticꞌtiꞌ nacuulac che̱ru la̱ex. Nequeqꞌue raj inlokꞌal nak nequeye e̱rib, abanan moco joꞌcan ta saꞌ e̱chꞌo̱l. Saꞌ e̱chꞌo̱l niquine̱tzꞌekta̱na.

San Juan 12:10

Ut eb li xbe̱nil aj tij queꞌxcꞌu̱b ru nak teꞌxcamsi ajcuiꞌ laj Lázaro,

San Marcos 15:1

Nak quisake̱u eb lix be̱nil aj tij queꞌxchꞌutub cuiꞌchic rib riqꞌuineb laj cꞌamol be saꞌ rochoch li Dios, ut riqꞌuineb laj tzꞌi̱b ut riqꞌuin chixjunileb laj qꞌuehol naꞌleb ut queꞌxcꞌu̱b chanru teꞌxba̱nu. Ut queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato.

San Mateo 26:4

Ut queꞌxcꞌu̱b ribeb re nak teꞌxchap li Jesús ut re nak teꞌxyoꞌob a̱tin chirix re xcamsinquil.

San Mateo 12:14

Ut eb laj fariseo queꞌel aran ut queꞌoc chixcꞌu̱banquil chanru nak teꞌxcamsi li Jesús.

Salmos 10:9

Chanchaneb li cakcoj nak nequeꞌxmuk rib re roybeninquil ani teꞌxchap ut teꞌxcꞌam.

Nahum 2:12

Junxil cauheb rib laj Nínive. Queꞌcamsin ut queꞌxba̱nu li joꞌ qꞌuial queꞌraj. Chanchaneb li cakcoj li naxchap lix tib ut naxjeqꞌui re li ixki cakcoj ut reheb li cocꞌ ral. Queꞌnujac lix naꞌajeb riqꞌuin li cꞌaꞌru queꞌxchap. Joꞌcan ajcuiꞌ queꞌxba̱nu eb laj Nínive.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Daniel 3:11

Xaye nak li ani incꞌaꞌ tixcuikꞌib rib chixlokꞌoninquil li jalam u̱ch oro, li jun aꞌan ta̱cutekꞌ saꞌ li horno li yo̱ xxamlel.

Salmos 94:20

La̱at incꞌaꞌ ta̱cꞌam a̱cuib saꞌ usilal riqꞌuineb laj rakol a̱tin li incꞌaꞌ nequeꞌrakoc a̱tin saꞌ ti̱quilal xban nak la̱at incꞌaꞌ nacuulac cha̱cuu lix naꞌlebeb.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Salmos 83:5

Junaj xcꞌaꞌuxeb nak queꞌxcꞌu̱b ru chanru teꞌxba̱nu re kasachbal.

Daniel 6:16

Joꞌcan nak li rey quixtakla xcꞌambal chak laj Daniel ut quixye re: —Aꞌ taxak li Ka̱cuaꞌ la̱ Dios li nacacꞌanjela ru junelic, aꞌan taxak chicolok a̱cue saꞌ rukꞌeb li cakcoj, chan re. Ut queꞌxcut laj Daniel saꞌ xya̱nkeb li cakcoj.

Salmos 59:5

La̱at li kꞌaxal nim a̱cuanquil. La̱at lix Dioseb laj Israel. China̱cuabi ut chaqꞌueheb chixtojbaleb xma̱c li incꞌaꞌ nequeꞌpa̱ban cha̱cuu. Ma̱cuil xtokꞌoba̱leb ru li nequeꞌyoꞌoban ma̱usilal.

Daniel 2:4

Ut eb laj Caldea queꞌa̱tinac riqꞌuin li rey saꞌ ra̱tinoba̱leb laj arameo ut queꞌxye: —At rey, chicua̱nk taxak la̱ yuꞌam chi junelic. La̱o aj cꞌanjel cha̱cuu. Ye ke cꞌaꞌru la̱ matcꞌ ut la̱o takaye a̱cue cꞌaꞌru naxye, chanqueb.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.