Daniel 6:4 - Li Santil hu

⁴ Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

Q'eqchi Bible

⁴ Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.

Daniel 6:4 ပူးပေါင်းရင်းမြစ်များ

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

Tito 2:8

Ut nak tat-a̱tinak, tzꞌakal re ru li cꞌaꞌru ta̱ye re nak ma̱ ani ta̱cuechꞌi̱nk rix li cꞌaꞌru ta̱ye. Chi joꞌcan teꞌxuta̱na̱k li xicꞌ nequeꞌiloc ke ut ma̱cꞌaꞌ cꞌaꞌ re ru naru teꞌxye chikix la̱o aj pa̱banel.

San Mateo 27:18

Laj Pilato naxnau nak xban xcakaleb xchꞌo̱l li xbe̱nil aj tij nak queꞌxkꞌaxtesi li Jesús saꞌ rakleb a̱tin.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

1 Timoteo 5:14

Joꞌcan nak nacuaj nak li xma̱lcaꞌan li toj sa̱jeb teꞌsumla̱k cuiꞌchic. Cheꞌcua̱nk ralal xcꞌajol ut cheꞌxjolomi lix jun cablal re nak incꞌaꞌ tohobekꞌ la̱o aj pa̱banel xbaneb li xicꞌ nequeꞌiloc ke.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Proverbios 29:27

Eb li ti̱queb xchꞌo̱l xicꞌ nequeꞌril li incꞌaꞌ us. Abanan li incꞌaꞌ useb xnaꞌleb xicꞌ nequeꞌril li ti̱quil chꞌo̱lej.

Jueces 14:4

Lix naꞌ xyucuaꞌ incꞌaꞌ nequeꞌxnau nak li Ka̱cuaꞌ yo̱ chixcꞌutbal li ixk aꞌan chiru laj Sansón. Saꞌ eb li cutan aꞌan eb laj filisteo yo̱queb chi takla̱nc saꞌ xbe̱neb laj Israel ut li Ka̱cuaꞌ yo̱ chixsicꞌbal chanru nak eb laj Israel teꞌpletik riqꞌuineb.

Génesis 43:18

Nak eb aꞌan queꞌrabi nak teꞌocsi̱k saꞌ rochoch laj José, cꞌajoꞌ nak queꞌxucuac. Queꞌxye chi ribileb rib: —Joꞌcan nak xocꞌameꞌ chak arin anakcuan xban nak xkatau li tumin saꞌ li kacoxtal. Anakcuan aꞌan tixye nak la̱o aj e̱lkꞌ. Riqꞌuin aꞌan ma̱re tixmakꞌ chiku li kabu̱r ut la̱o tocana̱k chokꞌ rahobtesinbil mo̱s, chanqueb.

2 Corintios 11:12

Ut incꞌaꞌ tincanab xba̱nunquil li yo̱quin chixba̱nunquil xban nak cuan li nequeꞌxye nak juntakꞌe̱t lix cꞌanjeleb riqꞌuin lin cꞌanjel la̱in. Incꞌaꞌ tincanab cꞌanjelac chi ma̱tan xban nak incꞌaꞌ nacuaj nak teꞌxjuntakꞌe̱ta ribeb cuiqꞌuin.

San Juan 19:4

Laj Pilato co̱ cuiꞌchic riqꞌuineb laj judío ut quixye reheb: —Xincꞌam chak arin chirix cab re nak te̱nau nak ma̱ jun xma̱c xintau, chan.

San Lucas 22:2

Eb lix be̱nil aj tij ut eb laj tzꞌi̱b yo̱queb chixsicꞌbal chanru nak ta̱ru̱k teꞌxcamsi li Jesús. Abanan yo̱queb xcꞌaꞌux xban nak incꞌaꞌ queꞌraj xchikꞌbal xjoskꞌileb li tenamit.

San Mateo 26:4

Ut queꞌxcꞌu̱b ribeb re nak teꞌxchap li Jesús ut re nak teꞌxyoꞌob a̱tin chirix re xcamsinquil.

Daniel 3:8

Saꞌ ajcuiꞌ li cutan aꞌan cuanqueb laj Caldea queꞌoc chi jitoc chirixeb laj judío.

Jeremías 18:23

At Ka̱cuaꞌ, la̱at nacanau nak xeꞌxcꞌu̱b ru incamsinquil. Ma̱cuy xma̱queb ut misach taxak saꞌ a̱chꞌo̱l li ma̱usilal xeꞌxba̱nu. Teꞌsachekꞌ taxak ruheb. Chaqꞌueheb ta chixtojbal lix ma̱queb nak yo̱ a̱joskꞌil saꞌ xbe̱neb, chan laj Jeremías.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

1 Samuel 22:14

Laj Ahimelec quixye re: —¿Ma cuan ta biꞌ junak reheb li nequeꞌcꞌanjelac cha̱cuu kꞌaxal cha̱bil chiru laj David? At rey, aꞌan a̱hiꞌ ut aꞌan ajcuiꞌ nataklan saꞌ xbe̱neb la̱ soldados. Xcꞌulub nak ta̱qꞌuehekꞌ xlokꞌal saꞌ la̱ cuochoch.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

San Lucas 20:26

Ut ma̱ jun a̱tin queꞌxtau re ta̱ru̱k teꞌxye nak cuan xma̱c. Ut queꞌsach xchꞌo̱leb xban li a̱tin li queꞌsume̱c cuiꞌ xban li Jesús. Joꞌcan nak ma̱cꞌaꞌ chic queꞌxye.

Jeremías 29:7

Chexcua̱nk saꞌ xya̱lal re nak us teꞌe̱lk li tenamit li xeꞌchapoc e̱re. Chetzꞌa̱ma li rusilal li Dios saꞌ xbe̱n li naꞌajej aꞌin xban nak cui us na-el li naꞌajej, us ajcuiꞌ tex-e̱lk la̱ex.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Génesis 41:38

Laj faraón quixye reheb li nequeꞌcꞌanjelac chiru: —Ma̱ bar takatau junak cui̱nk joꞌ li jun aꞌin. Li cui̱nk aꞌin cuan lix musikꞌ li Ka̱cuaꞌ Dios riqꞌuin, chan laj faraón reheb.

1 Samuel 12:4

Ut eb li tenamit queꞌxye re: —Incꞌaꞌ xaba̱nu li incꞌaꞌ us. Incꞌaꞌ xat-elkꞌac chiku chi moco xoa̱rahobtesi, chanqueb.

Daniel 5:12

Li cui̱nk aꞌan cuan xnaꞌleb ut naxnau xyebal cꞌaꞌru xya̱lal li matcꞌ ut naxnau xsicꞌbal xya̱lal li jaljo̱quil ru a̱tin ut naxtau ru li chꞌaꞌaj xtaubal ru. Aꞌan laj Daniel. Beltsasar quiqꞌueheꞌ chokꞌ xcꞌabaꞌ xban li rey Nabucodonosor. Takla xbokbal laj Daniel re nak aꞌan ta̱yehok a̱cue cꞌaꞌru naxye li tzꞌi̱banbil chiru li tzꞌac, chan.