Daniel 6:28 - Li Santil hu

²⁸ Ut kꞌaxal cuiꞌchic quiqꞌueheꞌ xcuanquil laj Daniel nak laj Darío cuan chokꞌ rey ut quiqꞌueheꞌ ajcuiꞌ xcuanquil nak laj Ciro aj Persia qui-oc chokꞌ rey.

Q'eqchi Bible

²⁸ Ut laj Daniel q'axal kiwank xwankil chiru chixjunil li xyu'am sa' li x'awab'ejihom laj Darío ut laj Siro aj Persia.

Daniel 6:28 ပူးပေါင်းရင်းမြစ်များ

Daniel 1:21

Ut laj Daniel quicana chi cꞌanjelac saꞌ li palacio toj saꞌ li xbe̱n chihab nak cuan chokꞌ rey laj Ciro.

2 Crónicas 36:22

Saꞌ li xbe̱n chihab roquic chokꞌ rey aran Persia laj Ciro, nak quicꞌulman li cꞌaꞌru quixye li profeta Jeremías, joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixqꞌue saꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla resil riqꞌuin a̱tin ut chi tzꞌi̱banbil.

Isaías 44:28

Nak la̱in tinye re laj Ciro nak aꞌan ta̱cꞌanjelak chicuu, laj Ciro tixba̱nu li cꞌaꞌru nacuaj toj retal nak tixye nak li tenamit Jerusalén ta̱yi̱ba̱k cuiꞌchic. Ut tixye ajcuiꞌ nak li templo ta̱yi̱ba̱k cuiꞌchic, chan li Ka̱cuaꞌ.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

2 Crónicas 36:23

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia. Li Ka̱cuaꞌ Dios li cuan saꞌ choxa xqꞌueheb rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá. Che̱junilex la̱ex, li ralal xcꞌajol li Dios, naru texxic Jerusalén chixyi̱banquil li templo. Ut li Ka̱cuaꞌ le̱ Dios chicua̱nk e̱riqꞌuin, chan laj Ciro.

Daniel 5:28

Peres malaj ut Uparsin: Li ni̱nki tenamit nacattaklan cuiꞌ ac xjacheꞌ saꞌ xyi ut ac xqꞌueman reheb laj Medo ut reheb laj Persia, chan laj Daniel.

Salmos 77:15

Riqꞌuin xnimal la̱ cuanquil cacoleb la̱ tenamit, eb li ralal xcꞌajol laj Jacob ut laj José.

Jeremías 32:20

Caba̱nu li sachba chꞌo̱lej ut li milagros aran Egipto. Ut chalen toj anakcuan yo̱cat chixba̱nunquil li sachba chꞌo̱lej arin Israel ut saꞌ chixjunil li ruchichꞌochꞌ. Joꞌcan nak naqꞌueheꞌ a̱lokꞌal toj chalen anakcuan.

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.