Daniel 6:25 - Li Santil hu

²⁵ Tojoꞌnak li rey Darío quitzꞌi̱bac riqꞌuineb chixjunileb li tenamit cuanqueb saꞌ chixjunil li ruchichꞌochꞌ ut riqꞌuineb li jalan jala̱nk ra̱tinoba̱leb ut quixye reheb: —Chinumta̱k taxak li tuktu̱quil usilal e̱riqꞌuin.

Q'eqchi Bible

²⁵ Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.

Daniel 6:25 ပူးပေါင်းရင်းမြစ်များ

Daniel 4:1

Aꞌan aꞌin li esil li quixtakla li rey Nabucodonosor reheb chixjunileb li cuanqueb saꞌ ruchichꞌochꞌ, aꞌ yal bar xtenamiteb ut aꞌ yal chanru li ra̱tinoba̱leb. Quixye chi joꞌcaꞌin: —Chinumta̱k taxak li tuktu̱quil usilal saꞌ e̱ya̱nk che̱junilex.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Ester 8:9

Saꞌ junpa̱t queꞌbokeꞌ laj tzꞌi̱b li nequeꞌcꞌanjelac chiru li rey saꞌ li oxib xcaꞌcꞌa̱l xbe li rox po Siván xcꞌabaꞌ. Ut queꞌxtzꞌi̱ba chixjunil li quixye laj Mardoqueo. Li hu quicuulac saꞌ li jun ciento riqꞌuin cuukub xcaꞌcꞌa̱l chi tenamit li cuanqueb rubel xcuanquil li rey saꞌ li tenamit La India, toj saꞌ li tenamit Etiopía. Li hu quicuulac riqꞌuineb laj judío ut riqꞌuineb li cuanqueb xcuanquil ut riqꞌuineb ajcuiꞌ li nequeꞌtaklan saꞌ xbe̱neb li soldado. Li hu quitzꞌi̱ba̱c saꞌ li ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Ut quitzꞌi̱ba̱c ajcuiꞌ li hu saꞌ li ra̱tinoba̱leb laj judío ut joꞌ nequeꞌtzꞌi̱bac eb aꞌan.

Ester 3:12

Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Esdras 4:17

Ut li rey quixsume lix huheb ut quixye reheb: —Yo̱quin chixtzꞌi̱banquil li hu aꞌin re laj Rehum li capitán ut re ajcuiꞌ laj Simsai laj tzꞌi̱b, ut reheb ajcuiꞌ li rochbeneb li cuanqueb Samaria. Reheb ajcuiꞌ chixjunileb li cuanqueb aran jun pacꞌal li nimaꞌ. Nintakla xsahil e̱chꞌo̱l. Chicua̱nk taxak e̱riqꞌuin li tuktu̱quil usilal.

San Judas 1:2

Checꞌulak taxak chi nabal li ruxta̱n li Dios, joꞌ ajcuiꞌ li tuktu̱quil usilal ut li rahoc.

2 Pedro 1:2

Xban nak nequenau chic lix ya̱lal chirix li Dios ut chirix li Ka̱cuaꞌ Jesucristo, ta̱cua̱nk taxak chi nabal li tuktu̱quilal e̱riqꞌuin ut chicua̱nk taxak li rusilal li Dios saꞌ le̱ chꞌo̱l.

Daniel 3:4

Ut jun laj yehol esil quixjap re chixyebal: —La̱ex li xexchal chak yalak bar, jalan jala̱nk e̱tenamit ut jalan jala̱nk e̱ra̱tinoba̱l, aꞌan aꞌin le̱ chakꞌrabinquil xqꞌue li rey:

Deuteronomio 19:19

tojoꞌnak te̱ba̱nu re aꞌan joꞌ quiraj raj xba̱nunquil re li ras ri̱tzꞌin. Tento nak te̱risi li ma̱usilal saꞌ e̱ya̱nk.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Salmos 7:15

Ut riqꞌuin li balakꞌic nequeꞌxba̱nu, chanchan nak nequeꞌxyi̱b jun li raꞌal chokꞌ re jalan. Abanan aꞌaneb ajcuiꞌ li nequeꞌtꞌaneꞌ chi saꞌ.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Proverbios 11:8

Li ti̱c xchꞌo̱l nacoleꞌ chiru li chꞌaꞌajquilal. Aꞌ eb chic li incꞌaꞌ useb xnaꞌleb nequeꞌcꞌuluc re li chꞌaꞌajquilal.