Daniel 6:22 - Li Santil hu

²² Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Q'eqchi Bible

²² LinYos xtaqla chaq li x'ánjel chi xtz'apb'al li reheb' li kaqkoj, ut maak'a' junaq rahilal xe'xb'aanu we, xb'aan naq maak'a' inmaak chiru A'an chi moko xinb'aanu junaq ch'a'ajkilal chawu laa'at”, chan laj Daniel.

Daniel 6:22 ပူးပေါင်းရင်းမြစ်များ

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Hebreos 11:33

Nak queꞌpletic riqꞌuin li jalanil tenamit, xban nak cuanqueb xpa̱ba̱l, queꞌre̱chani. Saꞌ xya̱lal queꞌtaklan ut xban lix pa̱ba̱leb queꞌxcꞌul li quiyechiꞌi̱c reheb xban li Dios. Cuan li queꞌqꞌueheꞌ saꞌ xya̱nkeb li cakcoj re teꞌtiꞌekꞌ, aban ma̱cꞌaꞌ queꞌux re xbaneb li cakcoj.

Hechos 12:11

Laj Pedro quixqꞌue retal li cꞌaꞌru quixcꞌul ut quixye saꞌ xchꞌo̱l: —Anakcuan ninnau chi tzꞌakal nak li Ka̱cuaꞌ, aꞌan li xtaklan chak re li ángel. Xinixcol saꞌ rukꞌ laj Herodes. Ut xinixcol ajcuiꞌ saꞌ rukꞌeb chixjunileb laj judío li teꞌraj xba̱nunquil raylal cue, chan.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Miqueas 7:7

Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Daniel 3:28

Tojoꞌnak li rey Nabucodonosor quixye: —Lokꞌoninbil taxak li Dios li nequeꞌxlokꞌoni laj Sadrac, laj Mesac ut laj Abed-nego xban nak aꞌan xtakla chak lix ángel chixcolbaleb li cui̱nk aꞌin li nequeꞌxlokꞌoni ut nequeꞌcꞌanjelac chiru. Incꞌaꞌ queꞌxlokꞌoni li jalam u̱ch joꞌ quintaklaheb. Xeꞌxkꞌaxtesi ribeb chi ca̱mc chiru xcuikꞌibanquil ribeb chixlokꞌoninquil li jalanil dios.

Salmos 31:14

Abanan la̱in, at Ka̱cuaꞌ, a̱cuiqꞌuin cau inchꞌo̱l. La̱in ninnau nak la̱at lin Dios.

1 Samuel 17:37

Ut quixye cuiꞌchic laj David: —Li Ka̱cuaꞌ quicoloc cue chiruheb li cakcoj ut li oso. Ut aꞌan ajcuiꞌ ta̱colok cue chiru li cui̱nk aꞌin aj filisteo, chan. Ut laj Saúl quixye re: —Ayu, ut li Ka̱cuaꞌ Dios taxak chitenkꞌa̱nk a̱cue.—

Números 20:16

Nak kaya̱ba xcꞌabaꞌ li Ka̱cuaꞌ, quirabi li katij ut quixtakla jun lix ángel chikisinquil aran Egipto. Anakcuan cuanco Cades, li tenamit li cuan nachꞌ riqꞌuin lix nuba̱l la̱ naꞌaj.

Hechos 27:23

Saꞌ li kꞌojyi̱n aꞌin xcꞌutbesi rib chicuu jun x-ángel li Dios laj e̱chal cue, li nincꞌanjela ru.

Daniel 6:23

Cꞌajoꞌ nak quisahoꞌ xchꞌo̱l li rey xban nak quicoleꞌ laj Daniel ut quixtakla risinquil saꞌ xnaꞌajeb li cakcoj. Ut ma̱cꞌaꞌ quixcꞌul laj Daniel xban nak cꞌojcꞌo xchꞌo̱l riqꞌuin lix Dios.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Salmos 118:28

At Ka̱cuaꞌ, la̱at lin Dios. La̱in tinqꞌue a̱lokꞌal xban nak kꞌaxal nim la̱ cuanquil.

Salmos 38:21

Mina̱tzꞌekta̱na, at Ka̱cuaꞌ. Mina̱canab injunes, at inDios.

Salmos 34:7

Lix ángel li Ka̱cuaꞌ cuan riqꞌuineb li nequeꞌxnima ru li Ka̱cuaꞌ ut aꞌan nacoloc reheb chiru li xiu.

2 Crónicas 32:21

Ut li Ka̱cuaꞌ Dios quixtakla jun li ángel re tixsach ruheb li cauheb rib chi pletic joꞌ eb ajcuiꞌ li nequeꞌcꞌamoc be saꞌ xya̱nkeb ut li nequeꞌtaklan saꞌ xbe̱neb lix soldado lix reyeb laj Asiria. Ut lix reyeb laj Asiria quisukꞌi saꞌ lix tenamit chi yo̱ xxuta̱n. Nak qui-oc saꞌ lix templo lix dios, eb li ralal queꞌxcamsi chi chꞌi̱chꞌ.

Daniel 6:20

Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

2 Samuel 22:7

Nak kꞌaxal ra cuanquin, quinya̱ba xcꞌabaꞌ li Ka̱cuaꞌ. Ut li Ka̱cuaꞌ quirabi lin tij toj saꞌ lix templo. Quirabi nak quinjap cue chixtzꞌa̱manquil intenkꞌanquil chiru.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

San Mateo 27:46

Ut caꞌchꞌin chic ma̱ oxib o̱r nak quia̱tinac li Jesús chi cau xya̱b xcux ut quixye: —Elí, Elí, ¿lama sabactani?— Chi jalbil ru naraj naxye: At inDios, at inDios, ¿cꞌaꞌut nak xina̱canab injunes?

Salmos 26:6

La̱in ninchꞌaj li cuukꞌ. Aꞌan retalil nak ma̱cꞌaꞌ inma̱c. Ut ninxic saꞌ la̱ artal cha̱lokꞌoninquil saꞌ ti̱quilal.

1 Samuel 26:18

Ut quixye ajcuiꞌ re: —At rey, ¿cꞌaꞌut nak toj yo̱cat chinsicꞌbal re tina̱camsi? ¿Cꞌaꞌru inma̱c cha̱cuu? ¿Cꞌaꞌru li incꞌaꞌ us xinba̱nu a̱cue?

Génesis 40:15

La̱in yal quineꞌrelkꞌa chak junxil saꞌ xtenamiteb laj hebreo. Ma̱cuaꞌ incꞌulub cua̱nc arin saꞌ tzꞌalam xban nak ma̱cꞌaꞌ inma̱c, chan laj José.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

Jeremías 37:18

Ut laj Jeremías quixye ajcuiꞌ re laj Sedequías: —¿Cꞌaꞌru inma̱c cha̱cuu la̱at, malaj ut chiruheb li nequeꞌtenkꞌan a̱cue, malaj ut chiruheb li tenamit? ¿Cꞌaꞌut nak xine̱qꞌue saꞌ tzꞌalam?

Daniel 6:4

Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

1 Reyes 13:28

Co̱ ut li profeta ut coxtau li camenak tꞌantꞌo saꞌ be rochben lix bu̱r. Ut li cakcoj cuan chixcꞌatk. Li cakcoj incꞌaꞌ quixtiu lix tibel li camenak chi moco quixchꞌeꞌ li bu̱r.

Daniel 6:7

Chikajunilo la̱o li gobernador ut eb li capitán, eb li comisionado ut eb li ni̱nk xcuanquileb, xkacꞌu̱b ru chi kibil kib nak la̱at ta̱qꞌue jun li chakꞌrab ut ta̱xakab xcuanquil. Ta̱chakꞌrabiheb li tenamit nak chiru li laje̱b xcaꞌcꞌa̱l cutan li ta̱cha̱lk ma̱ ani naru ta̱tzꞌa̱ma̱nk chiru lix Dios chi moco chiru junak cui̱nk. Caꞌaj cuiꞌ cha̱cuu la̱at ta̱ru̱k teꞌtzꞌa̱ma̱nk. Ut cui cuan junak naxkꞌet la̱ chakꞌrab, li jun aꞌan ta̱cutekꞌ saꞌ xya̱nkeb li cakcoj.